قربات وهي صافي طلقات من الفولون وشدات على عينيها مزيرة عليهم حتى لواحد الشوية كتحس بالطموبيل تغير ليها المنعطف فتحات عينبها بشوية كتلقا واحد الطموبيل ملصقة فيها كتدفعها مخرجاها على الطريق نزل زاجة وبدا كيكلاكصوني عليها باش توقف الطوموبيل دورات راسها كتشوف الكاميون لقاتها خرجات على طريق داخلة فواحد الشجرة زيرات على الفولون بالعة ريقها وهبطات الفران موقفة الطموبيل ملي وقفت حطات راسها على الفولون كتنفس بالجهد ولات حمرة بالخلعة نزل من الطموبيل مقرب لطموبيلتها يشوفها واش بيخير
*عند ثائر لي كان غادي فالطريق كانت الطريق تقريبا خاوية غير بعد الطموبيلات لي كيدوزو حتى كيشوف من البعيد مول الكاميو كيغوت وطموبيل جاية مباشرة معاها عيا ميستناها تبعد والو زتد فالسرعة غادي حتى هو كيكلاكصوني ولاكن والو الكاميو قربات زاد فالسرعة وقرب ليها داخل فيها مخرجها على الطريق
🔙دق فالزاجة ودار ليها اشارة بمعنى هبطي حلات الباب ونزلات مفشولة شدها كانت غطيح وبسرعة شدها من خصرها مقربها عندو وتمشى بيها وكاها على طموبيلتها من القدام
ثائر:شدي فراسك... مشا ركب فطموبيلتو مبعدها على الطريق ونزل فيديه قرعة ديال الما..)
هاكي شربي(خذاتها من عندو كترعد وسدرها لي باين من الكسوة كيطلع وينزل)
ششكرا عتقتيني ك كنت غادي نم. وت بداو دموعها نازلين
عزات عليه وخدا يديها كيطبطب عليهم بحنية.. شافت فيه بعينيها الخوضر وهو طلع عينو العسليين فيها وبتاسم ليها كيمسح ليها دموعها
شاف مع طموبيلتها لي اللور كامل دخل ليها مبقات فيها ميتشاف
الحمد الله غير نتي موقعليك والو.. عطيني الكونطاكط انا غادي نصاوبهاليك
لا صافي انا غادي نتكلف بالعكس خصني نبقا نشكرك طول ما انا عايشة
متقوليش هكذا ربي جابني فطريقك .. يالله نزلي.. شدها من خصرها منزلها ورجع ليها شعرها اللور.. اجي يالله نوصلك بطوموبيلتي وهاذي خليها حتى نرسل موراها.. بلاش والله
يالله يالله.. واخا بلاتي
مشات فتحت الطموبيل خدات صاكها وتيليفونها وشي وراق ديال لافاك كان ديجا فاتح ليها الباب ضحكات وطلعات طلع حتى هو وديمارا غادي
شوية دابة.. اه حسن من اللول.. كانو مغادي يلقاو ميجمعو فيك.. متفكرنيش ههه.. مقولتيش ليا شنو سميتك.. فيردا . همم فيردا يمكن عرفت علاش سماوك بهاد الاسم(شافت فيه مبتاسمة) علاش.. حيث عينيك فيرد verde زادو ليها a ولات فيردا
هه برافو تخمينك فمحلو ونتا شنو سميتك
شاف فيها غامزها).. شنو بانليك).. معرفتش نتا عينيك بنيين ميكونش سميتك مارون
لا لا لا ماشي حيت لون عيني ماغو صافي حتى اسمي هكذا(دارت يديها فمها كظحك بلطف)
وشنو.. اسمي ثائر.. اوه اول مرة نسمع هاد الاسم واش نتا ماشي ايطالي.. لا تزاديت هنا ولاكن انا مغربي 100%
اه عندي صحبتي مغربية متكونش ختك...
ختي فالاسلام يمكن ولاكن راك غالطة الطاليان فيها بزاف ديال العرب والمغاربة ماشي اي وحدة ختي
عندك الحق فين غادي انا مقلتش ليك العنوان ديال دارنا
خليه عندك مغاديش نحتاجوه دابة
وفين غادي.. لواحد البلاصة.. داروري خصني نمشي لدار.. الدار ممزياناش ليك فهاد الساعة ملي غدخلي لبيتك غتحسي بالاكتئاب داكشي لاش غتمشي معاية منها ميبقاش بالي معاك
اكي (شافت باها كيتاصل بيها عوتاني تنهدات وطفات التيلي خاشياه فالصاك)
أنت تقرأ
روح آسر
Любовные романыحصريا على 🖤⚜️ ملتقــى الجـوريـات 🖤⚜️ بأنـاملي جيلينا✨💘 ⛔ممنوعة من النشر⛔ هو يقول:ورأيتُ في عينيكِ وطنا يملأني هي تقول:عيناهُ حقا بالجمال تفردت وتمردت _________________...
