روح آسر

Chapter 13

حصريا على🖤⚜️ ملتقــى الجـوريــات 🖤⚜️

🪄✨بأنـاملي:جيلينا

⛔ممنوعة من النشر⛔

روح غير كتفرج حتى كتشوفو وصل عندو وردخو مع الارض كان غادي ينزل لعندو حتى سمع روح غوتات بالجهد
ضار ديك الساعة لقاها دايرة يديها علي وذنيها وكتغوت
كلشي ناض كيجري لعندها وحتى اسر جا عطاها كاس ديال الما وحنى لعندها
آسر:شش هانا مضربتوش تهدني روح كتسمعيني
روح باقا دايرة يديها على فمها كتبكي كلمة وحدة لي ففمها هي مضربوش
عايدة عنقاتها وبدات كدوز على ضهرها بحنان ناض احمد بدا كيقرا عليها القرآن
احمد:صدق الله العظيم بنتي شوية دابة
عايدة:حبيبتي كتسمعيني شوفي فيا
روح كانت بدات تهدن شافت لجيهت امجد لقات ايسل طالعة بيه لفوق ضارت كتلقا كلشي مجمع عليها وآسر جالس حداها
آسر : شاف فيها ودوا '' الوليدة طلعوها. لبيت لي وجدتو ترتاح
عايدة:واخا اولدي '' يالله نطلعو اروح تقدري توقفي
روح ومات ليها وتمو طالعين
اما عند آسر ضار شاف فباه :كنقسم ليك بالله الوليد ويتعاود هادشي مرة خرى لي غنديرو مغنقولو
احمد:تهدن اولدي تانا معاجبنيش الحال مبغيتوش يبقا يدخل سكران والدار فيها النسا ولاكن شغادي ندير هو راه امانة من عند خويا انا غندوي معاه
آسر:انا نبهتك ليوم داز فوجه روح مرة خرى والله منعقل عليه...وضار طالع لبيتو
***عند امجد لي كانت طلعاتو ايسل لبيتو وهي مخنزرة غير وصلاتو لبيتو لاحتو على الفراش ومشات فحالها لبيتها دخلت لبست بيجامتها وتلاحت فوق الفراش بقات كتقلب من جيهة لجيهة وهي تفتح المجر ديال كوافوز خدات واحد الكينة وشرباتها بقات شوية وهي دخل في سبات عميق

نرجعو عند روح لي كانت طلعاتها عايدة لواحد الغرفة بسيطة فالابيض كتكون من فراش كوافوزات مراية واحد الجليسة صغيرة قدام الشرجم لي جا طويل من السقف حتى الارض وفيه حمام ديالو
غير دخلت وجلساتها على الفراش وجلسات حداها
عايدة:شوية ابنتي
روح:لاباس اخالتي سمحوليا محسيتش براسي حتى غوت
عايدة:عادي ابنتي نتي باينة عليك داخلة سوق راسك معندكش مع صراخات حتى من صوتك حاني ماشاء الله واليديك رباوك احسن تربية
روح كانت كتسمع ليها وغير نطقات بكلمة واليديك زيرت على يديها باش ما تبكيش
عايدة شافتها مرداتش عليها وهي تنطق مرة خرى
-رتاحي ليك ابنتي انا غادي نقول ليهم يطلعو ليك شي بيجامة بينما جبدتي حويجاتك
كانت نايضة حتى جراتها روح من يديها ودوات
روح:شكرا بزاف اخالتي سعداتهم عندهم ام بحالك وباست ليها يديها
عايدة:من ليوم انا ماماك الثانية صافي الله يرضي عيك رتاحي صافي يالله تصبحي على خير حتى لغذا
شافت فيها بتاسمات وخرجات مخلياها
روح مسحات على وجها وعاد شافت الغرفة عجباتها هي عزيز عليها اللون لبيض والالوان الفاتحة شوية سمعات الدقان فالباب قالت دخول كانت المساعدة هازة فيديها واحد الصاشية
المساعدة: آنسة روح كلفاتني مدام عايدة باش نجيبليك هادي... وراتليها الصاشية
روح:اسمي روح يكفي تعيطي لي بسميتي معزيزش عليا الرسميات
-واخا أآنسة بغيت نقول ختي روح
روح حطات يديها على فمها كضحك بصوت الانثوي ديالها ضحكتها كتنغم المستمع
يالله غَدوي وهو يدخل آسر كان داير يديه فجيابو وما لمساعدة باش تخرج وهي نزلت صاشية حنات راسها خارجة سدات الباب وروح باقا كتشوف فديك البلاصة فين كانت واقفة المساعدة وكتحك يديها بثوثر
آسر شاف فيها وجا جلس قدامها : كيف جاك البيت
روح:زوين
آسر حرك راسو وعاود دوا: شنو قاتلك الوليدة
روح: والو... سكتات شوية وشافت فيه مبتاسمة: ماماك ضريفة بزاف وباينة عليها حنينة معرفتش كيفاش مشبهتيش ليها
آسر:شكون قالك انا ماشي فحالها باش عرفتيني
روح: من هادشي لي شفت لحد الآن كيبين بلي نتا ماشي بحالها وحتى باباك جاني ضريف لمن شبهتي
آسر:مع الوقت غادي تعرفي
وناض خارج
روح:بلاتيي
ضار لعندها كيستناها دوي
ررح:تقدر توري ليا لبيت ديال ماماك
آسر: غادي تكون نعسات
روح:محتاجاها
آسر:شنو بغيتي انا غنكلف لمساعدة تجيبليك ليبغيتي
روح:لا محتاجة ماماك
آسر:تبعيني
تمو غاديين فواحد الممر دخلو فواحد الباب كان المصعد طلعهم لفوق لجناح عايدة واحمد
روح ضارت شافت فيه :صافي شكرا غير سير لبغيتي
آسر:عاقلة على الطريق؟؟
روح:آه اه عاقلة
وماليها وضار مشا اما هي دقات بشوية فالباب كتعيط لعايدة بصوت خافت
شوية فتح احمد الباب وشاف فيها متسائل
روح:سمح ليا اعمي لنيضتكم
احمد: لا كنت فايق ياك لاباس
روح: والو باس بغيت خالتو عايدة
احمد:واخا دخلي عندها
روح:لا لا بلاش خليني غير هنا
احمد:لي بغيتي انا نمشي نفيقها
بعد شوية جات عايدة كتعقد خيوط البينوار وهي مستغربة من روح شنو بغات فهادالساعة كانت 12 ديال الليل وعايدة كتنعس مع 10 هدا روتين مكتبدلوش الى اذا كان شي سبب
عايدة: بنتي روح ياك لاباس دخلي متبقايش فالباب. روح:سمحيلي فيقتك من النعاس بغيت منك واحد الحاجة
عايدة:مرحبا شنو هي
روح حمارت من وجهها ونزلات عينيها :ببغيت (طلعات راسها) بغيت فوطة صحية معنديش ومحتاجاها
عايدة ضحكات وشافت فيها: ياريت يكونو البنات كاملين فحالك كيحشمو ولاكن ابنتي هاذ الموضوع عادي معندك لاش تحشمي
روح:انا هكذا اخالتي معرفتش علاش
عايدة:ماشي مشكيل غير هو انا ابنتي مبقيتش كنحتاج الفواط هه خالتك شرفات هانتي ابنتي سيري المصعد لي جيتي فيه وبركي على لتحت كاينة واحد الغرفة على يديك ليمن هاديك غرفة ايسل هي غادي تعطيك لي بغيتي صافي
روح:واخا شكرا انا غادي نمشي تصبحي على خير سمحيليا مرة خرى
ومشات فين قاتليها دقات فالباب لا مجيب عيات مادق ديك دقيقات الخفاف والو كانت غادا راجعة حتى رجعت فتحت الباب ودخلت
كان جناح كبير فيه ناموسية فالوسط ناعسة فيها ايسل فآخرها كنابي وجنبها كوافوزات ومراية ديال الميكاب واحد المرجيحة قدام باب البالكو عاد جوج بيبان واحد ديال الحمام واحد ديال دريسينغ روم (غرفة تبدال)
روح بقات واقفة كتشوف فايسل كتفكر واش تفيقها ولا تخرج فحالها شافت ليمن وشمال ومشات لديك المجورة لي حدا المراية واش تلقا ملقاتش ودخلات لحمام كتقلب
حتى كتحس بيدين شي حد دوروها بالجهد كانت ايسل :نتي شنو كديري فبيتي واش جاية تشفريني واش خويا غادي يزوج بسراقة هه شنو متوقعة من اشكالك
روح:فهمتي غلاط بلاتي غير نشرح ليك
ايسل:شنو غادي تشرحي داخلة لبيتي بليل وكتقلبي فحوايجي جراتها من يديها مخرجاها وروح كتحاول تفك يديها
روح: واغير سمعيني راه كنت باغا
قطعاتها.. سكتي ليوم يعرفو عروستهم المستقبلية
سراقة
روح سكتات حيت شافتها واخا تقوليها لي قالت مغاديش تيقها
اما ايسل كانت وقفات فوسط الدار وطلقات من روح كتغوت
ايسل : ماماا خويا اجيو تشوفو شنو دخلتو لداركم باباا فيقو اجيو تشوفو عروسكم شنو كتسوا
روح:شش سكتي واش حماقيتي مكيناش هاد الهضرة
ايسل:نتي لي سكتي الشفارة
آسر:شنو واقع هنا
قبل لحضات كان غادي يشوف روح واش رجعت لبيتها حتى كيسمع الصداع ونفس الشي فبيوت البقية
ايسل: مزيان لي جيتي اخويا شدات فروح ودفعاتها عليه هاد الموسخة لي
آسر غوت عليها : ايسااال حتارمي مرت خوك الَستقبلية شهاد الكلام
كانو البقية نزلو معرفينش شنو واقع
ايسل :هادي لي كدافع عليها لقيتها فبيتي كتسرقني
روح شهقات دايرة يديها على فمها وكتحرك راسها بلا
آسر:شنو كتقولي علاش غدخل عندك لبيتك
ايسل: نسولوها هي غير شافت فين عايشين وشنو كنملكو وهي تعمى بغات تشفرنا باينة عليها نصابة ضحكات عليكم بهاد البرائة واحدة موسخ قبل متكملها كانت دارت لجيهة لوخرا بفعل تصرفيقة كانت عايدة لي سمعات كل كلامها
عايدة : ياخسارة فيك تربيتي عتاذري ليها غوتات'' سربيي
ايسل:بقات قالبة وجهها مصدومة ماماها اول مرة ضربها وبسباب من بسباب وحدة موسخة هكذا قالت مع ذماغها
عايدة:سربي عتاذري لبنت (غوتات)... سربيي
آسر:شش الوليدة تهدني ممزيانش ليك الاعصاب تهدني
روح كتبكي بصمت: انا سباب س سمحوليا ا انا
آسر:نتي سكتي مسمعش صوتك
عايدة شافت فيه وفايسل :واش حتى لهاد الدرجة مفهمتش نربي واش انا ربيتكم هكذا دويو (عاود غوتات.. دويو واش انا ربيتكم هكذا
احمد شد فكتافها:شش تهدني نتي احسن ام عرفتها وربيتي ولادك مزيان تهدني
عايدة طلقات منو وشافت فيه كتحرك راسها :انا علمتهم يحتارمو الآخر ويسمعو ليه قبل ميطيحو عليه الباطل هادو ماشي ولادي لي ربيت
ايسل:كيفاش قدرتي ضربيني بسبابها انا كنقول ليكم لقيتها فوسط بيتي وكتقلب ليا فحوايجي
روح:انا مكنتش ناوية نسرقك تيقيني
ايسل:سكتي نتي كذابة شنو كنتي ناوية ديري ها
روح بقات ساكتة منزلة راسها (وآسر زير على يديه وشاف فيها) طلعي بحالك
علات عينيها لحومر لمدمعين وقلبت طريقها طالعة حتى كتوقف على كلمات عايدة
البنت دقات عليا وقاتلي خالتي بغين فوط صحية وانا صيفتها عند بنتي تعطيها ولاكن بنتي شوهاتها وطيحات عليها الباطل ودابة غادي طلعي طلبي منها السماحة
روح كانت جلسات فدروج كتسمع لعايدة وكتبكي ملي شافت آسر شاف فيها ناضت كملت طريقها لبيتها
آسر زير على يديه وشاف فايسل هز صبعو بغا يدوي وهو يتراجع
احمد:غبري من قدامي غبري
ايسل مشات كتجري لبيتها وثائر هاد المدة كاملة وهو غير واقف مبغاش يتدخل تاهو رجع فحالو لبيتو بقات غير عايدة واحمد
احمد:اجي نطلعو فحالنا مخسكش تعصبي رخفي على راسك
عايدة دارت راسها على كتف أحمد وتمو طالعين لجناح ديالهوم... البنت يالله جات شافت غير الدباز والصداع مبقيتش كنفهم ايسل ااحمد ولات وحدة خرى غريبة عليا
احمذ:متفكريش دابة صافي المهم هي صحتك انا غادي نتفاهم معاها