حصريا على 🖤⚜️ ملتقــى الجـوريـات 🖤⚜️
بأنـاملي جيلينا✨💘
⛔ممنوعة من النشر⛔
هو يقول:ورأيتُ في عينيكِ وطنا يملأني
هي تقول:عيناهُ حقا بالجمال تفردت وتمردت
_________________...
رجعات بذاكرتها على صوت شيفور ديال التاكسي كيقوليها وصلتي خلصاتو ونزلات لواحد المطعم فصونطر دخلات طلبات متاكل حيث من البارح مكلات فالمول كانو جالسين فواحد الريسطو قدامهم الماكلة روح:عيت بزاف اخالتو رجلي طابو عايدة:تانا عيت والله شحال مخرجت هكذا يا كنشري اونلاين يا ولادي كيجيبو ليا ولاكن ابنتي هاد المرة ضاروري منها باش نشريو داكشي ديال العروس داك نهار قتليك حسبيني انا هي ماماك داكشي لاش شريتلك بحالا كنشري لايسل مكاينش فرق روح مدات يديها ليدين عايدة لي كانت فوق طابلة وشافت فيها عينيها لامعين بالدموع:شكرا بزاف اخالتو معرفتش كيفاش نعبر ليك والله شكرا بزاف زيرات ليها على يديها وشافت فيها مبتاسمة :عيطيلي ماما عارفة بلي هاد الكلمة صعيبة ولاكن غادي نكون ممتنة حيت درتيني فهاد المقام آه وبلا بكا وبلا شكر عندااك يالله كولي راه آسر تاصل بينا العصر وحنا مازالين هنا ليو وآسر كانو فواحد البيت عامر شاشات شاعلين بلون الزرق فيهم كتابات ورموز غير مفهومة كان ليو جالس كيطابي فالكلافي مركز وآسر واقف فوق منو حتى هو كيشوف معاه.. او فينيتو (ساليت) صافي داك الرقم لي عطيتيني شفتلك موقع ديالو وختارقت ليه الانظمة ديال تيليفونو والحاسوب والكاميرات ديال المراقبة حتى هوما آسر ضرب ليه على كتافو :معليكش ليو:بغيت خلاصي آسر: كلشي ديالك.... زعما زعما (غمزو) كلشي (جات لبالو ايسل من داك نهار ماطلاقاها) بغيت ختك ستنا يجيه شي كروشي من شي جيهة خاب ضنو كان آسر خرج وخلاه ساهي ليو:أه شنو درتي فيا وليت نسهى ونفكر غير فيك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عند ثائر لي كيديما كان فالشركة واقف كيشوف قطع توب للتصاميم حتى وصل وقت الاسترلحة ديال الموضفين وخرج حتى هو يتغدا فشي بلاصة قريبة حيت عندو خدمة كتيرة الكوليكشن خصها تكمل لموسم الصيف دخل لمطعم وخذا طابلة مقابلة مع الشاريع كانت فيردا جالسة موراه مشافهاش وحتى هي كانت ساهية طلب طلبيتو وفيردا كانت جابلوليها ماكلتها ناض يغسل يدو مخلي بزطامو وتيليفونو فوق الطابلة واحد من برة لابس قوبية وسروال كحل بكاسكيط والقب فوق راسو منزل راسو وحادي لغادي وجاي جات عينو نيشان مع ثائر وهو نايض رجع شاف فطابلة لقا البزطام والتيلي نزل القب على راسو ودخل لمطعم كيحاول يتصرف عادي فيردا كانت بدات تاكل مكلتها كانت عبارة على باسطا بصوص طوماط والجبن من الفوق و مشروب غازي حتى كطلع عينيها مع هذاك كيشوف فالطابل ودخل باينة عليه شفار من لباسو دورات راسها يمين وشمال عالله تلقا لي جالس فديك طابل مبانش ليها وهي تنوض مع هذاك غيحط يدو مع غتخطف داكشي من فوق طابلة الشفار قلبو دق كيحساب ليه ثائر على عينو كتباليه فيردا بلع ريقو حيد القب وشد فيديها كيغوت حطي البزطام دمواليه شفارة فيردا:طلق من يدي واش حماقيتي ( الناس ضارو كيشوفو والسرباي جا كيجري) السرباي:شنو واقع هنا الشفار:بغات تشفر لسيد بزطامو هانتا هاهو فيديها كونما شديتهاش كون دابة هربات فيردا:واش منيتك (شافت فالسرباي) راه هو لي كان غيشفر جا ثائر من اللور قارن حواجبو شنو واقع هنا فيردا قلبها ضرب هاد الصوت كنعرفو فايت ليا سمعتو الشفار ضار عندو بالع ريقو عرفو طبعا ما هو كان حاديه :سيدي هادي بغات تشفرك وانا شديتها(شد ليها يديها مزير عليها وهي مدارت تا حركة) السرباي :سمحليا انا غادي ناخذها المكتب ديال مول الشي هو غادي يتكلف بيها هاهوما اشيائك زيدي معاية نتي فيردا:واش حماقيتو اينا شفرة ولا زمر وادير الخير فالباشار... ضارت لعند ثائر سمع اسيدي انا ماشفرت والو غير ب وقفات مصدومة من شوفتو متوقعاتش تعاود طلاقا بيه خصوصا ليوم هو عرفها من صوتها قبل مادور بقا معوج راسو معاها تادارت لعندو ثائر: سدي فمك الموت كادور
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ههه ثائر هذا نتا السرباي بقا واقف معرف مايدير : سمحليا اسيدي هاحنا غاذي ناخذوها شد ليها يديها غادي بيها وهو يحيد ليه يديه مرجعها وراه السرباي رجع اللور والشفار ضار منساحب بهدوء حيت عرف راسو تفرش فيردا شافتو ونغزات ثائر من ضهرو : هذاك هو شفار شدو متخليهش يهرب سمعها وشدو قبل مايكمل خطواه ورماه على السرباي... عيطو لآسر هو يتكلف بيه السرباي : واخا السي ثائر نساحب هو وياه وهو ضار عندها بتاسمات ليه :متوقعتش نشوفك الصراحة لاباس؟ ثائر: الحمدالله فين جالسة ومات ليه لبلاصتها ومشاو جلسو فيها علاش متوقعتيش طلاقاي بيا هزات كتافها) معرفتش متوقعتش وصافي) اهاه شنو وقع هنا عاوداتليه شنو وقع كامل فهمت.... كولي ماكلتك هاهيا غاذي تبرد بدات كتاكل وهي كدوي : دابة كنت غادي نمشي فيها كومكنتيش نتا ياك ثائر: وعلاش.. حيت الدليل كان فيدي لا الدنيا كاملة كاميرات زيد عليها كون مكنتش عارف البلاصة مأمنة منخليش بزطامي وتيليفوني ونمشي هممم يعني غير عييت راسي كون بقيت بلاصتي كناكل ماكلتي ياك الجانب الانساني خدم فيك معليش (جابوليه طبق ديالو سلاض و بيتزا) بانليا غتكون كليان ديال هاد المطعم سمعتو عيط باسمك مول هادشي نقولو صاحبي اهااه عاد فهمت آه حكااا طموبيلتي تصايبات ؟؟عييت من الاوبر ليوم تكون واجدة نصيفطهاليك حتى للدار بعد مدة ناض ثائر مخلي فيردا جالسة مشا خلص الغذا ورجع وقف عليها لقاها كتمسح فمها شافتو وقفات حتى هي هازة صاكها كتاخذ منو لاكارط باش تخلص شاف فيها منتاضرها شنو غتجبد حتى كيشوف لاكارط : قرصها بصباعو لعند جبهتها حتى طلعات راسها حاطة يديها :ايي ضريتيني
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
