حصريا على 🖤⚜️ ملتقــى الجـوريـات 🖤⚜️
بأنـاملي جيلينا✨💘
⛔ممنوعة من النشر⛔
هو يقول:ورأيتُ في عينيكِ وطنا يملأني
هي تقول:عيناهُ حقا بالجمال تفردت وتمردت
_________________...
روح غير شافتو جارها معاه وهي تهز كتافها بعدم مبالات -- بعد شوية خرج هو لول وتبعاتو ديك المضيفة وجهها حمر والشوميز شوية مقطعة آسر جلس بلاصتو وشاف لجيهت روح : بغيتي شي حاجة روح بلا متشوف لجيهتو : لا معاودش سولها وشاف لجيهت ديك المضيفة: Give her a Hot Chocolate Milk . عطيها حليب سخون بالشكلاط' ديك المضيفة معوداتش طلعات فيه العين وشافت فروح بحقد مكرهاتش تكب عليها هاد الكاس وتحرقها ولاكن متقدرش عارفاه شنو كيسوا نزلات ليها الكاس حداها ودوات Miss, do you want anything else? آنسة واش بغيتي شي حاجة خرا' روح:No, شافت فيها طلعاتها وهبطاتها وعاودت نطقات or wait, I want a chocolate croissant. ولا عرفتي ستناي بغيت كرواصون ديال الشكلاط ' آسر كان منزل راسو على البيسي حتى كيسمعها دوات بلونغلي وهز راسو مصدوم ميحسابش ليه كدوي بلونغلي وزيد عليها لهجتها زوينة المضيفة: But Miss we don't have croissant we are in the sky we are not in a café ولاكن اآنسة معندناش الكرواصون حنا فالسما ماشي فقهوة' يالله غتكلم روح وآسر غوت على هاديك: شهاد قلة الادب تكلمي معاها بهاد الطريقة مرة خرى غادي نرميك من هاد الطيارة وتنزلي فذيك القهوة نيت تحركي من هنا روح متكذبش عجبها الحال وبتاسمات ولكن بزربة محات الابتسامة ملي عاقت بلي كيشوف فيها اما المضيفة مكرهتش الارض تنشق وتبلعها مشات فحالها كتجري لواحد القنت روح خدات الحليب ديالها كانت محتاجاه يسخن كرشها وهي اصلا كتحماق على الحلاوة والشكلاط كتشرب وهي مستمتعة محساش بدوك العيون لي مراقبينها بعد شوية ناضت غادا حتى كيوقفها بصوتو '' فين غادا شافت فيه : بغيت نمشي الحمام واش ممنوع آسر: من داك الجيه متعطليش شوية وغادي نزلو روح مشات فين قاليها قضات حاجتها وهي خارجة دازت من حدا المضيفات ورجعات تخبات كتسمع شنو كيقولو **لداخل كانو جوج مضيفات وحدة هي لي خرجت عندهم قبيلة وغير قوليلي شنو درتو انا شفتكم دخلتو البيت *حتى نتي كنت غادي نمشي فيها معرت منين جاتني ديك الشجاعة كلها *عاودي ليا عفاااك واخا ايوا الالة ذخلنا البيت وهو جارني كيحساب ليا صافي شي لحضة حمراء بين السحوب حتى كيجمعها معايا بتصرفيقة وجبدني من كول الشوميز هانتي شوفي تقطعت كّاع وقاليا هاد التحلوين ديالك ديريهم على شي حد ماشي عليا تنهدات' اصلا باينة كيبغي صاحبتو لي معاه برا راه غوت عليا بسبابها **ايوا اختي هذاك ماشي من مستوانا ديري خدمتك وقبلي بلي عطاك الله **تانتي داك البيلوط مبقيت كنشوف معاه حتى لعبة روح برا سمعت هاد الكلام كامل وحست بشعور فشكل يالله جات دور وهي تلقاه وراها شهقات ودارت يديها على فمها بخلعة آسر: باقي مبغيتي تحيدي منك هاد القاعدة روح : انا انا كنت جاية عاد خرجت مسمعت والو وتمت غادا وهو يتبعها مبتاسم كيحرك راسو بلاحول -بعد مدة كانو وصلو لميلانو كان طاح ليل وروح عينيها كيتسدو عيات بزااف هادي مدة منعست كي الناس نزلو من الطيارة و كيف العادة بزاف دالرجال والطموبيلات ركبو فواحدة من الطموبيلات كان الشيفور لي سايكّ هاد المرة روح اول مرة تجي لميلان كتشوفها غير فالتصاور طريق كاملة وهي كتشوف من السرجم الاجواء كانو زوينين ولي كوبل كيخلفو شادين فبعضهم والاضواء حتى شوية بداو كيبعدو على المدينة وصداعها ودخلو فواحد الطريق طويلة وخاوية عامرة غير شجار و ضو القمرة لي مضوي حتى لنص الطريق عاد بداو كيشوفو الضواو على جنب الطريق بقاو غاديين وروح غير كتشوف وحاضية باقي خايفة مع بالها '' عندهم يكونو ضحكو عليا وجايبيني لهنا يقت*لوني'' مع هاد الافكار آسر نطق : متخافيش مغنق*تلكش انا ملي كنعطي الكلمة كنوفي بيها هادي طريق الدار ملي نوصلو غتلقاي الواليدة وغادي تبدا تسولك عرفي كيفاش تجاوبيها تفاهمنا روح : بلعات ريقها محركة راسها بالايجاب'' اويلي كيقرا افكاري واقيلة...شافت فيه بنص عين لقاتو مكيشوفش فيها عاد تنهدات بعد مدة وصلو قدام واحد البوابة كبيرة دخلو معاها عوتاني واحد ثلاثة دقايق عاد وصلو لواحد الدار بغيت نقصد قصر كبير دارو مع واحد الرمبوان صغير ووقفو اما الطموبيلا ديال الكّارد كملو طريقهم لواحد جهة ديال الباركينغ نزل هو وروح بقات لداخل باقا مصدومة من هاد الضخامة آسر دق عليها من الزاج : منزلاش؟ ؟ روح شافت فيه وحلات الباب نازلة نزلت حداه وشافت مع القصر والحديقة لي دايرة بيه والاضواء عاد دابة الليل بالنهار منظر خور آسر: يالله.. شدليها فيديها وهي بغات تحيدها وهو ينطق... رصاي تمو داخلين حتى كيتفتح الباب كانت المساعدة كملو طريقهم وروح غير كتبلع ريقها مموالفاش هاد الاجواء وهاد البروتوكول دازو من حدا واحد زوج صالونات كبار مفرشين على حقهم وطريقهم داكشي غير الفريع حتى وصلو لواحد الجليسة فاص مع لابيسين لقاو احمد عايدة ثائر وايسل جالسين. عايدة غير شافت آسر شاد فيد بنت ناضت عندو على وجها علامة تساؤل عايدة:ولدي آسر جيتي آسر باس ليها راسها ودوا بصوتو الرجولي :جيت الواليدة جيت كاين شي عشا عايدة:كاين الخير شكون هادي لي معاك اولدي روح هاد المدة كاملة وهي منزلة راسها وكتبغي تحيد يديها والو شادها شدت لعمى فالضلمة حتى لحظة لي سمعات عايدة دوات بالداريجة وتبعها حتى هو حتى سمعاتها قالت شكون هادي اسر: شاف فروح وفالباقي لي كانو كيتفرجو عرستكوم المستقبلية عايدة:شهقات بفرحة وعنقاتو علين تبكي الله ياولدي وشحال فرحتيني شافت فروح ودوات بالايطالية اجي ابنتي اجي هزي راسك نشوفك روح طلعات راسها بشوية وعايدة ذكرت الله تباركالله تباركالله الله يحجبك ابنتي روح نزلت باست يديها ودوات: امين اخالتي حتى نتي فنة مشاءالله عليك عايدة:ضحكات بفرحة''مغربية.. روح حركات راسها وعايدة داتها معاها لفين كانو جالسين وآسر تبعهم من لور عايدة: شوفي ابنتي من ليوم نتي من العائلة صافي هذا عمك احمد روح نزلات باست ليه يدو وهو طبطب على ضهرها بحنية الله يرضي عليك ابنتي عايدة:وهذا خوك ثائر روح وماتليه غير براسو وحتى هو نفس الشي.. اسر عجبو لحال ملي مسلماتش علا خوه مكانش غادي يخليها اصلا الحمد الله لي فهماتها لراسها عايدة: وهادي ايسل بنتي الصغيرة من اليوم حسبيها ختك صافي روح ومات ليها وتمات غادا تسلم عليها بالوجه حتى كتقاطعها بيديها روح شافت فيها ومدات ليها يديها حتى هي ايسل طلعاتها وهبطاتها وشافت فيها بضحكة استهزاء ودوات بالداريجة معكلة: متشرفين امرات كويا المستكبلية هه روح مرتاحتش ليها ولاكن بتاسمت : الشرف ليا عايدة معجبهاش الحال علاش تعاملها هكذا جاتها روح ضريفة '' اجي ابنتي جلسي حداية اجي مشات روح جلسات الوسط بين احمد وعايدة وجنبهم جلس آسر وفاص ليهم كانو ديجا جالسين ثائر وايسل لاخيرة لي كتشوف فروح بشي شوفات غرابين عايدة :قولي ليا ابنتي نتي مغربية ياكي روح باقا مثوترة :اه اخالتي مغربية ولاكن جيت لايطاليا صغيرة عايدةهكذاك ومكتمشيش لمغريب روح: احم لا ملي جيت فعمري 10سنين معاودتش رجعت عايدة:تباركالله ابنتي (شافت لجيهت ايسل) ايسل مكدويش بيها ماشي بحال خوتها لي كيدويو بيها ملي كينزلو المغرب جدهم كيدوي معاهم وهي مكدوي مع حد (ايسل شافت فيها وقلبات عينيها بقلة صبر) آسر: الواليدة بغينا رتاحو هاهي غادي تبقا هنا غدا دويو على خاطركم عايدة:اولدي انا مسخيتش بيها حسيت براسي كنعرفها مشحال هادي احمد:طلقي البنت ياهاد المرا روح ضحكات ضحيكة خفيفة وشافت جيهت عايدة : حتى انا اخالتي رتاحت ليك حسيتك بحال ماما''علا هاد الكلمة حنات راسها احمد:يالله لالعشا واجد نوضو عايدة:اه راه واجد ملي تاصل بيا اسر قالي غيجيب شي ضيفة وجدنا كلشي غير هو دابة نتي وحدة منا ماشي ضيفة روح: الله يكبر بيك اخالتي'' ناضت عايدة ونوضاتها معاها عنقاتها وايسل مزيرة على يديها موالفة هي لي تكون محور الجلسة ودابا حد متسوق ليها... كلهم مشاو لواحد صالامونجي فاص مع الجليسة لي كانو فيها وجلسو كان احمد مترأس الطبلة وقدامو عايدة وثائر فالوسط فاص ليه ايسل وفراس طبلة من جهة لوخرا كان آسر جنبو جالسة روح الخذامات بداو كيسربيو الماكلة كانو دايرين بسطيلة الجاج وشلايض عواصر الطبلة مغربية مية فالمية عايدة:هانا ابنتي صاوبتها بيدي روح:الله يسلم يدك اخالتي اصلا هادي هي الماكلة المفضلة عندي كناكلها فواحد مطعم مغريبي ديما عايدة:بصحتك لي بغيتي نصاوبوليك ثائر:الواليدة شفتك نسيتينا كيفاش عايدة:تنساكم الموت انا غير فرحانة ومقادني فرحة آسر غير ساكت وكيشوف مو لي فرحانة وكيحمد الله لي قدر يفرحها ولو غير شوية وكيشوف فروح كيفاش بدات كترتاح لاجواء و بسبابها هي فرحانة مو دابة بداو الماكلة وغير صوت الفراشط كيضربو مع طباسل قليل فين كيهدرو من بروتوكول الاكل مدويش ونتا كتاكل حتى كيتم داخل امجد وعوتاني سكران ولكن مجايبش الكاو بحال ديك المرة داخل وهو كيغني معلبالوش امجد:اوبارتيجانو بورنامي ''دخل كيميل وهو يوقف ملي شافهم كاملين شاف فيهم بالواحد حتى وقف بعينيه كيشوف فيها هي لي كانت كتاكل حتى كتسمع الغنا وعلات عينيها فيه .. هو صفر وكمل الغنا'' اوبيلا شاو بيلا شاو شاو شاو آسر هادشي كامل داز على عينيه كيفاش كيشوف فيها وكيفاش حس بيه كيغني عليها ضار شاف جيهتها لقاها نزلت عينيها وهو يضرب فوق الطبلة بجهد وتم نايض حتى غوتات ايسل وشافت فباها ايسل:بابا دير شيحاجة راه غادي يضربو باباا احمد هز يديه بمعنى سكتي وهي جلست كتبلع ريقها خوفانة عليه ليمشي توقع ليه شي حاجة ايسل:ماما ديرو شي حاجة ثائر خويا نوض شدو روح غير كتفرج حتى كتشوفو وصل عندو وردخو مع الارض كان غادي ينزل لعندو حتى سمع روح غوتات بالجهد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اياياي شمخات من دابة 💥🔥🔥 فنظركم علاش روح غوتات وشنو مصير امجد؟! وكيف جاكم تصرف آسر مع المضيفة أرائكم تفاعلكم بنوتاتي متنساوش ديك النجيمة راه كنفرح ملي كنشوف تفاعلكم ⭐🙏🏻
