حصريا على 🖤⚜️ ملتقــى الجـوريـات 🖤⚜️
بأنـاملي جيلينا✨💘
⛔ممنوعة من النشر⛔
هو يقول:ورأيتُ في عينيكِ وطنا يملأني
هي تقول:عيناهُ حقا بالجمال تفردت وتمردت
_________________...
روح يالله نزلات من عند عايدة من بعدما وكلاتها الشربة وجلسات حداها لمدة.. دخلات الكوزينة لي كانت واقفة فيها واحد المساعدة شافتها وبتاسمات ليها والمساعدة شافتها ونزلات راسها لطابلة.. قربات عندها روح قارنة حواجلها وگلسات قدامها : آيلا مالك المساعدة : ووالو امدام روح بغيتي شي حاجة روح: لا غير شفتك معجبتينيش هاد النهار المساعدة وقفات بسرعة: لا لا انا بيخير غير راسي كيضرني غير نسالي خدمتي ونشرب دوا غادي نولي بيخير ممتشوشيش روح:واسيري رتاحي دابة نيت اصلا دابة تاحد مغادي يحتاج شي حاجة المساعدة : لا امدام غير مسموح سي آسر صارم معانا فمواعيد العمل وزيدي عليها ليوم انا بوحدي لي خدامة المساعدات لاخرين عندهم عطلة روح: ونتي معندكش؟؟ المساعدة حركات براسها : لا انا كنخدم ليوم حيت عاد البارح طلبت منجيش ميمكنش ليا نغيب ليوم روح: اينا غياب تانتي راه الليل دابة المساعدة: والسي آسر لاجا وملقانيش غادي يجري عليا باقي عندي الخدمة روح :شنو باقيلك المساعدة : غادي نمشي نجمع الحوايج المسخين وناخدهم للجناح ديال التصبين روح:غير هادشي؟؟ المساعدة: اه غنكملهم بالزربة بلا متشوشي انا غادي نكملهم بالزربة روح شافتها كيفاش صفرة وواقفة غير بالزز بقات فيها شدات فيديها مخرجاها من الكوزينة : غير سيري ترتاحي انا غادي نجمع الحوايج وناخذهم ولا جا آسر انا غاذي نعلمو صافي يالله سيري وشربي الدوا ورتاحي وغدا لا كنتي مريضة متجيش حتى تبراي صافي المساعدة شكراتها ومشات مخلية روح طالعة كدوز على البيوت كتجمع الحوايج مسخين بشبيكة فيديها مشات لجناح عايدة واحمد والجناح ديالهوم وحتى ديال ثائر دقات فالباب وگاليها مكاين لاش كلشي مصبن طلعات ل لجناح ديالها هي وآسر لقاتو گالس فوق الفراش حاط بيسي حداه مركز فيه دخلات للدريسينگ كتجمع الحوايج و الطواليط خذات الفواط خرجات عندو شافها هازة السلة لي تقالت بالحوايج وقفها متسائل: مالك واش وليتي خذامة معانا ولا شنو روح نزلات السلة وبلعات ريقها مقربة عندو: لا غير غير مقاطعها بحدة :غير شنو روح: غير المساعدة ايلا مسكينة راسها ضرها وصيفطتها ترتاح و بغيت نكمل آخر حاجة بقاتليها اسر: ومعامن تشاورتي وعلاش غادي تهزي ولا تحطي خلي تالغدا ويديرو شغالهم روح:لا هادو حوايج ويقدرو يتحتاجو آسر: نزلي داكشي ودوزي تنعسي ماشي مكاين ميتلبس روح: غير خليني راه بقاتلي غير غرفة ايسل نشوف واش عندها شي حاجة ونزل هادشي ونطلع بالزربة آسر: عندك ثلاثة دقايق نلقاك ناعسة هنا وآخر مرة ديري شي حاجة بحال هكذا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
