تتمة البارت 21 ✨
ناضت كتجمع الطابلة حتى نزل لابس عليه دارت عندو : هيي فين غادي
آسر : خارج، نلقاك برا نهرس ليك رجليك
روح:كيفاش خارح وانا؟؟
آسر قرن حجبانو:مالك نتي!؟
روح : بغيت نخرج حتى انا واش غادي نبقا محبوسة هنا
آسر:مجيتش نتسارا انا جاي عندي خدمتي گلسي تفرجي ولاشوفي شنو ديري
روح صوتها تغنغن :واخا حنات راسها ودارت كتحشي الماعن فالماكينة
تنهد وشاف فيها :لاجيت بكري نخرجك
روح ضارت عندو مبتاسمة :بصاااح
آسر: برهوشة
خرج مخليها غطير بالفرحة طلعات لبيتها ودخلات لدوش تحيد عليها ريحت الطياب
فميلان عايدة جالسة مع احمد كيشربو اتاي بعدما تغداو : خلات عليا الدار خاوية ولفتها
احمد: دابة تجي خليها مع راجلها حتى يتوالفو ويعرفو بعضهم كثر
عندك الحق خليهم يدوزو وقيتة بوحدهوم
نزلات كاريس وامايا لابسين عليهم وجارين باليزتهم عايدة:aaa كوغير بقيتو معانا شوية لاش مزروبين
كاريس: مرة اخرى عندي خدمتي منقدرش وحتى امايا عندها قرايتها
عايدة:ايوا واخا نتوما تعرفو مطولوش علينا الغيبة مرحبا بيكم فاي وقت
كاريس: ربي يخليك
سلمو عليهم وخرجو مع الشيفور
عايدة تنهدات وجلسات حدا احمد لي طبطب عليها : الدار بدات كتخوا غذا يتزوجو الدراري نبقاو بوحدنا ححه
احمد: بحالا مبقيتش معمرلك العين ولا غير جابلي الله
عايدة: حاشة نتا هو عمارت داري بلا بيك انا والو
احمد : تانا بلا بيك والو شدي فيا نطلعو لبيتنا
فيردا ناضت هي وايسل فالصباح فطرات معاهم ومشات لدار
غير دخلات لقات باها جالس على الفوتوي وكيضرب برجليه فالارض بلعات ريقها وقربات عندو بشوية طلع راسو فيها كانو عينيه حومر :جيتي.. مرحبا بيك بلاتي عليك، فييين كنتي هاا قتليك متخرجيش ولا مقلتهاااش دوي فين كنتي القح*بة
فيردا:بابا غير سمعني انا
مخلاهاش دوي كان صرفقها وشد ليها شعرها مزير عليها قربها لوجهو والتنفس ديالو كيضرب فوجهها
آخر مرة آاااخر مرة تهرسي كلامي لي قلتها تنفد نتي وديك مك طغيتو بزااف انا غادي نعاود ليكن الترابي
هئ هئ ب بابا طلق مني مقصحني طلق
قو*دي من حدايا قح*بة متعتبيش لباب ولا نهرس ليك رجليك
طلق منها وطلعات كتجري مع الدروج دخلات سدات عليها الباب وطاحت معاه كتشهق وكضرب فراسها :انا عييت عييت شنو درت حتى يكون عندي اب فحالو، شنو درتلو حتى كيتصرف معاية هكذا هئ هئ عيييت انا عييت شنو ندير شنو (كضرب فراسها وكدوي بهيستيرية
جات مها كضرب كدق فالباب) : حلي الباب ابنتي.. فيردا حلي عفاك ابنتي حلي لماماك
مجاوباتهاش ولا مسمعتهاش اصلا كانت داخلة فحالة هيستيرية وغير كضرب راسها
شنو كديري هنا متبقايش تفششيها نتي سبابها
طلق مني هادي بنتك حن عليها حن علاش نتا هكذا آااه (كان ضربها حتى طاحت لارض وجرها غادي بيها للبيت)
ايسل مشات لافاك وملي خرجات دازت لعند ثائر للشركة
كانت كتشرب عصير وكتشوف فيه واقف مع واحد العارضة طويلة وشعرها زعر لابسة غير دوبياس كيلبسو ليها واحد الكسوة حيت كاين فوتوشوت للكوليكشن جديدة
هزات التيلي وكيديما كتصور الصطوريات وكتصور خلف الكواليس
غير سالاو وخرجو مع بعضياتهم حاضنها عندو كيبانو بحال شي كوبل
ثائر:ازار مشا؟؟
ايسل:آه مشا عندو امتحانات كون خليتوني كون حتى انا كنقرا معاه
ثائر:عوتاني غنجبدو هاد الموضوع مغتقرايش بعيدة علينا، نتي مسجلة فاحسن الجامعات فالعالم شنو باغا كثر؟
ايسل:بغيت حتا انا نقرا فلندن معاه علاش هو اه وانا لا
ثائر:هو كيف ماكان كيبقا دري
ركبي ركبي
ركبو ومشاو تغذاو فواحد المطعم دولوكس جنب البحر
أنت تقرأ
روح آسر
Romanceحصريا على 🖤⚜️ ملتقــى الجـوريـات 🖤⚜️ بأنـاملي جيلينا✨💘 ⛔ممنوعة من النشر⛔ هو يقول:ورأيتُ في عينيكِ وطنا يملأني هي تقول:عيناهُ حقا بالجمال تفردت وتمردت _________________...
