ياقطرة من غيث احيتني من بعد مماتي

البارت (5)

-احد بيوت الرياض -

كانت تبكي بغرفتها ومصدومه من خبر سفر امها النهائي خارج المملكه
اندق الباب مسحت دموعها وتوجهت للباب فتحته وحصلت رجال تعرفه
نطقت بصدمه: بابا؟
ابو سعود وهو يناظرها: اي ابوك
حضنته وبكت دخلت ودخل وراها
الصدمه كان دخول ام سعود وراه
فزت مهرونيسا بتوتر: انتي ام سعود ؟
ام سعود بحده: ومن غيري بيجي معه
ابو سعود بنفس حدتها:امك دقت علي وقالت انها بتسافر بنتي ماتسكن لحالها بتجين معي للبيت وتشوفين اخوانك وجدتك وعمامك
مهرونيسا بدموع وزعل: لا يبه مابي
ابو سعود بشده وعصبيه: اسمعي كلام ابوك يابنت
مهرونيسا بضحكة قهر : انا البنت اللي طول عمرك خليتها ورا الستار ،،،صرخت وهي تضرب صدرها ،،،،انا اللي كل حياتي البس ملابس خواتي المستعمله ولاعمرك فكرت تهتم فيني انا كنت نكره بسببك،،، نكره لاتتوقع اني بحبك وبيجي يوم وامي تجي تاخذني انا اكرهك كبرت وما اعرفك لاتتوقع اني بحبك
ابو سعود بكسره: انا اسف
ضحكت مهرونيسا: يعني تصلح كل شي ؟ يبه انا كبرت والكل يعايرني بامي ليش خذيت امي وانت منت قد الزواج يبه انا لو ما المدرسه الله العالم كان ماعرفت اتكلم سعودي ولا عربي لو سمحت انا بعيش بالبيت القديم مابي اعيش عاله وثقل على احد
ام سعود وهي ودها تخنق زوجها بس ماسكه نفسها: مهرونيسا ...

~قصور العز~

دخلت سيارتهم الكل كان واقف ينتظر وصول المها
نزلت المها وهي وماسكه يد سعود
سلطان بحماس: تو مانور القصر وش جبتي لي ؟
صفقه البتال على راسه: انت اللي جيب لها
غيم وهي ماسكه يد سلطان: لا صدق ليش ماجبتوا لنا شي
حضنتها الجده ام بندر: ياهلا ياهلا بنوارة العز ياهلاا ،،، غطرفت وهي تدمع
حضنتها المها بقوه
جت الغاليه تركض هي وميس وحضنوها بقوه
دخلت داخل وكانت المفاجاة عائشه وام حامد موجودين
حضنتهم وناظرت جدتها : ماما وين ؟
غمزت ايلاف: فجاة ابوي بندر قالها امشي ورانا مشوار
خديجه وهي تضحك: خلصت اسامي الملوك شكل بيحولون على الامراء
ضحكت خلود: لا لا خلو اسامي الامراء لي انا وبرجس
الجوري بقرف وهي تناظرها : حبيتي برجس ماشي على الشرع يعني تاكدي في بعدك ثلاث
شرقت عائشه بالشاهي وهي تحاول تكتم ضحكتها : لا ما اتخيل يصير عندنا عائله الحج متولي
ضحكوا كلهم
دخلت غيم تركض : عمه عيوش جدو يقول يلا بتروحون الخالديه
وقف عائشه تعدل لبسها: بنات سلموا على عمي وخالتي اذا جو اشوفكم بكرا
ناظرها خديجه ونطقت بهمس: بسلملك على عبدالله بعد شتبين اكثر
عائشه بحده: ولا كلمه
ميس وهي تحضن عائشه: اقول الا حرم المحقق
ضربتها عائشه
ام حامد من الصاله الثانيه: يالله يابنت
عائشه وهي تدف ميس: يلا يمه جيت ،،همست للبنات ،،،، اوريكمم
طلعت عائشه وهي تعدل عبايتها شافت زول يناظرها من بعيد صدت ومشت وهي عارفه انه عبدالله ركبت مع زين وام حامد مع ابو حامد وحامد بسيارتها

~ قصر الخالديه~

دخل زين غرفته وشال التيشيرت ووقف قدام المرايا ويناظر وين وصل بجسمه والتعضيل ابتسم برضى وطلع جواله وصور صوره جديده قفل جواله وانسدح على السرير غمض عيونه