ياقطرة من غيث احيتني من بعد مماتي

البارت (12)

~ قصر المرتفع~   
-الساعه 9:30 صباحا-

كان جالس بالجلسة الخارجيه
طلعت ام سعود وجلست قباله
نطق ابو سعود وهو اول مره يحس بكسره: يام سعود حليني
نطقت ام سعود بخوف: شتقول انت ؟؟؟
ابو سعود: انا ماعاد لي عيشه بينكم انا بطلع مايهون علي اعيش بملك مب ملكي
طلعت استبرق وبيدها ورقه قضائيه
قربت من ابوها وحبت راسه وتوجهت لام سعود وحبت راسها
جلست قدام ابوها وقربت له القدوع
[القدوع يعني اللي يقدم مع القهوه والشاهي من تمر واقظ وغيره ]
جلست استبرق ومدت له فنجال القهوه: سم
اخذ الفنجال: سم الله عدوك
مدت الفنجال لام سعود: سمي ياخاله،،،،،مدت استبرق الورقه لبوها،،،،،،ماعاش من يعيش أبا الملوك الشيخ بندر بن مسعود بملك مب له
استغرب ابو سعود ومسك الورقه انهز من داخله
ابو سعود بضيق: حلالك وحلال اختك ليه يبوك خذي من بكرا يرجع بسمك واسمها
فزت استبرق وجلست جنب ابوها: يبه البيت بالاساس لك وانت اهديته امي وانا رجعته لك حلالي حلالك وحلال اخواني يبه انا ما اشره على تركك لنا انت خفت على بيتك و زوجتك من خالي اللي نزل سمعتنا للارض لكن يجيب الله الخير
ابتسم ابو سعود

-فلة عيال ال الوليد-

جلس على سريره وقدامه سهم
برجس وهو يناظر سهم نطق بضيق وهو يبتسم: ياحظك ياسهيمان لا اب غدر بك وبعمك ولا فقدت اخوك وولد عمك ولا راحت منك اختك ولا شفت وفاة جدتك وشلت جثمانها،،،،،لف سهم ولحس وجه برجس،،،،ضحك برجس،،،،الله يقرفك متى تنظف انت ؟؟؟
انطق الباب
دخلت الجوري وراها البتال
الجوري: مسويه لك فطور فخم
سلطان وهو شايل الطافريه(صينيه): وانا جايبه برسم الخدمه
ابتسم برجس وجلسو على الطاوله اللي بغرفه
الجوري وهي تناظره: لاتتضايق وانا اختك امي حصه راحت عند اللي احسن مني ومنك
برجس ببتسامه : ونعم بالله يلا مشينا بيت ابوي بندر
سلطان وهو يتمغط: ياوكك مالي خلق هواش الغاليه
الجوري بضحكه: اذا رجعتو العشا جاهز
مسك برجس على راسها: البنات بيجون عندك واذا بغيتي شي كلميني
الجوري وهي تزيف الابتسامه: سلامتك يبو البتال
ضحك برجس وطلع

~فلة ال عبدالعزيز~
-المطبخ-
ربى: ايلاف اعقلي
ايلاف بهمس: ربى ياخوفي نغدي الحج متولي وياخذ الثلاثه والرابع ابوي بندر يبي الولد
ربى وهي تشرب القهوه: لا لا عبدالعزيز يحبك والدليل قدامك لي سنه قدامه ولا قرب احسن لي ولك وله
ضحكت ايلاف: الصدق لو غيرك يمكن اموت غيره بس انتي حتى لو جبتي الولد بعتبره ولدي وولد اختي
دخل عبدالعزيز وهو شايل الاوراق المهمه: وين وصلت مفاوضات الامم المتحده؟؟؟
فزو البنات
ايلاف: اي مفاوضات؟؟؟
عبدالعزيز ببتسامه: ابد سلامتك الوكاد انتي واختك(ربى) اجهزو وروحو لحرم سعود خلوكم عندها لين تخلص العده ووقت النوم تنامون هنا مفهوم؟
ربى : لنا شهرين على ذا الروتين توك تصحصح
عبدالعزيز بحده: ما اسمع؟؟؟
ربى بتوتر: ابشر ابشر بنسوي لها الغدا بعد
ايلاف وهي تكتم الضحكه: تبي قهوتك؟
عبدالعزيز وهو طالع: سلامتكم اذا البيت ناقصه شي ارسلو لي فمان الله
طلع من بيته وانفجرت ايلاف ضحك
لفت ربى ونطقت بحده: وعمى الوفههه وعمى وش يضحك
ايلاف تمثل الحده: ما اسمع
ضحكت ربى وهي تحضن ايلاف وتدمع:الله لايحرمني منك
ضحكت ايلاف وهي تحضنها: ولا منك
دخلت الغاليه: ماما ربى
لفت ربى: لبيه ياماما
الغاليه: ابي هوت شوكلت باخذه معي لصديقي بروضه
ضحكت ايلاف: حلو؟
الغاليه وهي تمثل الدوخه: ايي ياماما يدننن
ايلاف بحده: امك احترمي وجودي
الغاليه وهي ترفع كتفها: انتي سالتي وانا جاوبت
رفعت ايلاف الشبشب وفكت الغاليه سبرنت
طلعو حريم عبدالعزيز
كانت ايلاف مسويه كيكة الليمون الذيذه
اما ربى مسويه بودنق
وهم طالعين قابلو المها وهي شايله صحن فطاير ووراها خديجه وهي شايله صينيه البطاطس اللي بالفرن المشهوره فيها
ضحكت ايلاف: اليوم الاطباق العالمي
طلعت فلك من الفله هي ومهرونيسا
مهرونيسا: سويت لكن شباتي لذيذذذ
فلك : ويلي مكذبتسس انا اللي مزينته!!!!!
مهرونيسا وهي تدف كتفها: اختك غطي علي
المها ببتسامه: يلا لا نتاخر على الجوري الا ميس وين؟
استبرق وهي شايله قهوتها وشاهيها وصديقها الحب:مدري ياختي ببيت رجلها ماجت يلا مشينا لحرم اخوي يلا
دخلو الفله واولهم فلك اللي طاح الصحن من يدها وصرخت بقوى ماعطها ربي
كانت الجوري طايحه بالصاله على وجهها
ركضو البنات طلعت مهرونيسا وهي تصارخ: باباا بابا الحقنا
ركضو كلهم لجهة بيت ال الوليد
دخل ابو سعود و سلطان شال سلطان اخته وتوجهو للمستشفى
كان حال القصر قايم قاعد