ياقطرة من غيث احيتني من بعد مماتي

البارت (11)

-مرت شهرين-

بدون اي حدث مهم ولا شي غير بكاء المها وحزن وكسرت ابو سعود لكن اللي كسر ال هذال زود بعد اسبوع توفت الجده ام بندر
دخلت القصر وهي بلثامها
شافت ابوها جالس بالحديقه
رفعت الثام عن وجهها: عظم الله اجرك
وقف ابو سعود وقرب وحضنها
رجف جسم استبرق وهي اول مره تعرف وش يعني حضن من رجل ماعمره حضنها الا امها واختها
وخر ابو سعود ودخل بها للبيت
وقفت المها وهي تناظرها وقربت وحضنتها
بدت استبرق تهديها

~قصر العز~
-قصر ال الوليد-
دخل برجس فلته الجديده وناظرها: قرب موعد طلاقك
خلود بصدمه وبدت تبكي: ليه شسويت شسويت؟؟؟؟؟
مسك يدها وضحك: تحسبيني غبي ولا ادري انك تحبين اخوي ،،،اخويي ياخلود خلصوا الرجال ولا حبيتي الا عمر انا خذيتك لجل اكسر عينك ،،،انا عمري ماحبيتك ولا بغيت قربك ولو ماجدي مسعود وصى انك لي ماخذيتك وحركات الارض الفلانيه عجبتني والبيت الفلاني والعقار العلاني والمجوهرات والفلوس والاسهم ولا شي منه تسجل باسمك انا لي شهرين ماقربت منك قرفان اني المس وحده عينها على اخوي وماخذتني مصلحه
خلود بصدمه: لا لا!!!!!
مسكها ودفها على السرير وقرب منها ونطق بحده وهمس: انا كابوسك يابنت فارس مب انا اللي تلعبين علي شرايك وانا ازيف مشاعري لك وابينلك حبي ؟؟؟ لهدرجة انتي غبيه وماحسيتي اني امثل ،، وخر وطلع من البيت
بدت تهدد وتتوعد فيه وهي تبكي

~قصور العز~
-قصر ال بندر-
دخل ابو بندر ووراه ابو عمر
كانت ام سعود وكل ال بندر من رجال وحريم جالسين يتعرفون على استبرق عدا ميس اللي كانت ببيت زوجها
دخل ابو بندر
نطق ابو بندر بحده:يلا يلا انت وياه برا بيتي
عبدالعزيز: ياعم مب وقت المزح تعال استريح
صرخ ابو بندر: وانا مب كبرك لجل امزح يلا برا انت وياه امي عطيتني ذا البيت وكل الحلال طلع الورقه
-فعلا الورقه صحيحه 100 بالميه ولا فيها اي غلط-
وقف ابو سعود وهو مايبي يجادل: تطرد اخوك اللي رباك يافارس لكن الشكوى لغير لله مذله يلا قم انت وياه وزهبوا اغراضكم الهمام
وقف عبدالعزيز ونطق بحده: يبه ذا بيتك وين تطلع منه
ابو عمر : البيت نصه لي ونصه لاخوي
ضحك الفيصل وهو يصفق: انت ياعمي انت تغدر ببوي
ابو بندر بحده: اقطع واخس
المها بحده: مب انت اللي تسكت اخواني تفهم
قرب ابو بندر منها وقفت استبرق قدامه: بتمد يدك واخوانها موجودين
ابو بندر بضحكه: مابقى الا بنت حرام
عصب عبدالعزيز ومسكه وطاح فيه ضرب وخروه العيال
عبدالعزيز بحده والعيال مثبتينه ومبعدينه عنه : مب انت اللي تغلط على وحده من خواتي ولا من حريم ابوي وانا واقف واسكتلك ظفر امي وطفة وعمتي روضه وعمتي سوارنا اطهر منك رجال افتح فمك عن وحده من حريم ابوي
لف ابو سعود ونطق بحده: بنطلع من ذا البيت يلا
طلع ابو بندر وهو يقولهم : معكم ساعتين تاخذون اغراضكم
خالد بتسأل: وين بنروح!
استبرق بحده: بيت اختك موجود وتسال وين تروح استح على وجهك
ابو سعود: بس
استبرق: يبه الله ماكتب اعيش معكم يوم كتبها رفضت؟
دخلت خديجه ومعها شنطتها وهي تدمع
وقف خالد: شنوحك
خديجه: بجي معكم مالي عيشه معهم تستقبلوني ؟
دخل البتال ومعه سلطان وهم شايلين شناطهم
سلطان وهو يبي يلطف الجو: تراني مؤدب بس عطوني اكل وشرب ووعد ما اجننكم
ضحكوا كلهم بوسط ضيقهم
عصفت العاصفه بقصر ال عمر من صراخ برجس وضربه في بندر وعمر
حاول ابوه وعمه يوخرنه
دفهم وصاح فيهم: من الليل مالي ابو الا بندر انسى اني ولدك اللي يغدر بخوه بيغدر بعياله
دخل غرفته ولم اغراضه المهمه ودخل الملحق اخذ سهم وطلع من البيت لبيت عمه
دخل برجس: يبه انا معك
ابو سعود: ليتك ولدي يابرجس
قرب برجس وحب راس عمه: وانا ولدك يبه
مسح ابو سعود على راسه : بدون ماتقول
ضحكت غيم: الله بنعيش سوا
الغاليه اللي صار عمرها خمس سنين: بابا بنسكن مع بعض؟؟؟؟
سلطان :اي
تخصرت الغاليه : يع بشوفك كل شوي وتاخذ حلاوتي ما احبك
سلطان وهو يقهرها: اصلا توني ماكل حلوه من حقتك،،،طلع لسانه يقهرها،،
شهقت الغاليه: مايحدررر
ضحك ابو سعود
و توجهوا لقصر المرتفع
( سنه 90 اهدا الشيخ أبا الملوك حرمه الثانيه قصر المرتفع بعد ولادتها في بنته الاولى استبرق كان القصر موجود في قلب الرياض لكن خبت روضه ملكية هذا القصر عن بناتها وبعد وفاتها لازم يسوون حصر الارث لقت هذا القصر باسم امها ووديعه في البنك بقيمة نص مليون ورث من ابوها مهنا بن فلاح لكن قررت انها تبعد عن اخوها بعد طلاق زوجها وتسكن في ديرة العذوب اللي كانت ديرتها الاساسيه ومسقط راسها )

-الساعه 10 بالليل -

كان جالس ابو سعود بساحات قصر المرتفع وقدامه شبة الضو جالس لحاله ولا عنده احد تقسمو كالتالي..
برجس وسلطان وسلمان والبتال عليهم مقاضي البيت
عبدالعزيز وفهد وخالد سباكة البيت وتركيب الانوار
الفيصل وعبدالله عليهم تنظيف الحوش وترتيب الزرع
خديجة وفلك ومهرونيسا عليهم تنظيف الحمامات والغرف
ربى و استبرق ترتيب المطابخ الثلاث
المها والجوري و ايلاف عليهم ترتيب الصالات والمجالس
خلصوا كلهم وفتحوا الشبابيك يهوون البيت
كانت فلك واستبرق مرتبين فلة صغيره من فلل القصر بحكم انهم نفرين مستحيل يرتبون قصر كامل لكن الان كل القصر ترتب والاثاث اللي كان فيه انتيكات من فرنسا وروما وايطاليا بانت معالمها وزادت البيت جمال
طلعوا البنات وهم بغطوتهم ولابسين عباياتهم يبون يطمنون على ابوهم ودخلوا العيال وهم شايلين الاغراض
عبدالعزيز: وين ابوي؟
اشرت ايلاف وهي رافعه اللثام على وجهها : جالس ورا بالحديقه الخلفيه تونا بنروح لمه
سمعوا صوته وهو جالس قدام شبة الضو ومتسند بغصن شجرة
رثر ولده واغلى عياله بقصيده وقفوا يسمعونها
بد يحدو وهو عيونه بلون الجمر ونبرة صوته مهزوزه الا محافظ على حدت صوته وثقله :
(بيبان قلبي والضماير عوني
إعواي مع ماضي سبيب الربابة
أعوي عوا اللي يوم يقنب يوني
ذيبٍ تعاوا له ضواري بغابة
في راس مرفوع الحجا يقنبني
تجاذبن الصوت رمل الذيابة
أنا عويت ومثلهن قمت أوني
عزي لمن عكف الشوارب ذهابه
زمل المحامل بالمهامه غدني
وأنا بعد من عرض جملة أحسابه
قصيتهن حيث إنهن حودرني
مع جال ما يرجع ذهيبٍ غدا به
العام نجد مطربينه تغني
واليوم عبارت الزوابع هبابه
لا والله إلا ليثها غاب عني
ما عاد يرجع ليثها من غيابه
الخوف عقب العز حبله مكني
وتحطمت عقب السعود المهابة
البيض تنعي والعشاير تحني
عليك يا سبعٍ عرينك بغابة
غزو الندامة سرد خيله وطني
ركز بلاه وجاحني في صوابه
سعود لافته المقادير مني
لو صحت ما يرجع علينا جنابه)
تنهد بعدها نتهيده طويله
مهرونيسا بدموع وصدمه: لهدرجة ابوي يحب سعود؟؟؟؟
المها وهي تدمع:ابوي روحه بسعود بس ابوي ماظهر حبه الا بشده

و انتهى ...