ياقطرة من غيث احيتني من بعد مماتي

البارت (15)

-المجلس-

دخلت جويريه وهي تفكر بداخلها( معقوله ذا اللي اشوفه بمنامي؟، لا لا صعبه ياجويريه كيف ماعرفته مستحيل ،،، ياربي وش المصيبه اللي طحت فيها )
فزت من افكارها على صوت استبرق: يابنت
جويريه وهي تعدل شعرها: ها ها معك
نزلت استبرق فنجال القهوه وهي حاطه رجل على رجل: لا بالله مب معي شنوحتس؟
مسكت مريم يد اسيا : اخخ لو حمود عايش ويسمعنا بيتخرفن
ربى بضيقه: الله يرحمه
اسيا بضحكه: لحظه حنا خواته انتي وش دخلك؟؟؟
ربى : اخوك اخوي كيفي شتبين !
مريم ببتسامه: وشهيد الوطن والدين ينزعل عليه؟؟
ايلاف وهي شايله سعود الصغير: ياحظكم بالاجر الله يجعله شفيع لكم
دخلت ميس وهي تتعوذ من ابليس وماسكه بطنها
مهرونيسا بستهبال: شكلك ولاده مبكره
دخلت غيم تركض: ماما تقول بنروح المزرعه
فزو البنات يركضون واولهم المها
دخلت المها الصاله
المها بصراخ: صدق بنروح؟؟؟
ام سعود بضحكه: اي ماتبون ؟ خلاص مافي روحه
البنات بصوت واحد: لالا نبي
تفرقو البنات
صرخت استبرق وهي تجمعهم: علم اسودد
ركضت استبرق الجناح والبنات وراهم
وسبحان الله ميس اللي بطنها متعبها صارت اسرع من البرق

-جناح استبرق-

جلست استبرق على السرير وجنبها مريم وبعدها المها واخرهم الجوري وبحضنها سعود
اما على الكنب جلست ايلاف وربى وميس واسيا
اما على طاولة التسريحه جلست عائشه وعلى الكرسي جويريه وجنبها هند اما مهرونيسا جلست على طرف السرير
خديجه وفاطمه وفلك احترمو نفسهم وجلسو على الارض بحكم خلصت عليهم الاماكن
ايلاف وهي ماسكه ظهرها : اف ياربي ،، رجعت شعرها لورا ،اخلصي يامسلمه
استبرق بحده: الكلام مايطلع بينا؟؟ ،، هي يابخور السوق مايطلع الموضوع؟
[تقصد بخور السوق مهرنيسا وميس وفلك]
فلك بقل صبر: ياحيي شقومتس علي وعلى خواتي الغرفه بها فوق الالف نفس ومادقتس نظرتس الا علينا؟؟ تراني يتيمهه ولا فوق اليتم يتيمة ام
شقهت مهرونيسا : يعني امي وطفة مب امك؟؟
اسيا بحده: يعني جمعتنا وعلم اسود واخر شي نتناقش مين ام مين انا بروح اتجهز باي
وقفو البنات الا استبرق جلسه على السرير
استبرق وهي تناظرهم: عمي الوليد جا المستشفى
لفو البنات
الجوري بصدمه وهي شايله سعود: متى؟
استبرق بحده: يوم جيت بتكلم برنكي و برن تكافخو
(تقصد مهرونيسا و فلك)
جت المها وجلست قبال استبرق: تكلمي
استبرق وهي تهز راسها : لا لا مافي
حاوطوها البنات بشكل دائري
مريم وهي متخصره: انطقي،،،، ياربي مب هاين علي اضرب ذا الجمال اخلصي يابنت
فلك وهي تشد شعر استبرق: اذا انتي مب هاين عليتس انا يهون ،،شدت شعرها،، اخلصي انطقي يابنت
استبرق بضحكه: يوم ولادة الجوري مب طلعنا معكم؟(تقصد بنات ال عاطف)
اسيا وهي تتذكر: اي اي ذكرت بالعلامه بعد ماطلعنااا عمي دخل يسلم على الجوري طيب ؟ وبعدين كملي
استبرق : العلم الاسود اللي جمعتكم فيه لمحت عمي الوليد متضايق وابوي بندر يقولها امش ولنا لقاء ثاني بوقت مناسب حاولت اسمع بس برنكي سحبني
شهقت مهرونيسا: ليتني ماسحبتكككك ياشيخه
فلك بقهر: طول عمرتس غثى  يام زيت خروع
مهرونيسا: اناا زيت خروع؟؟ هاا اشوف قمنا تنكلم يا خميعه
صرخت المها: بس انتي وياها قمو قمو برا والصغار معكم
ربى وهي تمسك بطنها: انا خارج النقاش بروح اجهز لبسي
ميس : خذيني معك حامل ابي اسمع شي يوسع الصدر
عائشه وهي تضحك: كتاكيت بسم الله عليهم
ايلاف وهي تاشر لها: يلا يلا معهم
طلعو كلهم عدا استبرق وخديجه والمها والجوري ومريم وهند وجويريه وفاطمه وايلاف
هند بحيره: ليه عمي بندر ماقلنا انه عمي الوليد جا؟
الجوري وهي ترضع سعود : انا اقول ابوي جا بيشوفني لكن عمي رفض
جويريه وهي منسدحه على جنب وتلعب بخصلات شعرها وتنفخ عليهم: السوال الحقيقي مب ذا،،، السوال ايش اللي يخلي برجس وعمي الوليد يجون بمكان واحد بيوم واحد هنا السوال مو ايش جابهم!!
مريم: انا اقول في سر اكبر من اللي نعرفه اكيد في شي
ايلاف وهي تلعب بشعر مريم: بتولي (اسم مريم الثاني) اكيد في سر واكبر من اللي نعرفه ماقلتي شي جديد
المها وهي تفكر: ماعلينا انا بكرا اذا رحت الدوام اجيبلكم العلم الاكيد
عائشه بصدمه : لحظه مب انتي قدمتي استقاله امس حامد قالنا
المها بضحكه بعد مافهمت: الا الا قدمت لكن لساني تعود على اني اقول بداوم بداوم