صحى من سريره وتمغط :ياوك فاتتني الصلاه اعوذ بالله من ابليس
دخل توضى صلى وهو حاس بضيقه مداهمته مسك جواله وبدا يشوف الاشعارات لين وقفته رساله سلطان
دق اكثر من مره ويطلع له انه الجوال خارج الخدمه
مسك الجوال ورماه على الارض بقهر
اخذ شنطته وفتح الدولاب بدا يجمع ملابسه واغراضه
رفع جواله واتصل على شخص معين ومسؤول عن رحلات ال هذال
البتال بعصبيه: جهز الطياره ساعه بالكثير وبكون بالمطار
قفل بدون مايسمع الرد
دخل غرفه الملابس ولبس ثوبه ونزل وهو شايل شنطته
ام بندر بحده: وين وين يالبتال؟؟
البتال وهو طالع: بروح فمان الله اذا وصلت بكلمكم
توجه لقصر ال بندر
دخل واتصل على المها
ردت المها مستغربه: هلا
البتال بحده: ميس وين!
المها وهي تجهز لبس العزيمه: مدري
قفل وهو معصب دخل من الباب الفاصل بينهم
دخل وهو يصارخ بسم ميس
طلعت ميس والمها وام سعود من صراخه
ام سعود بخوف: شصاير امك فيها شي ابوك !!
البتال بحده: ميس جهزي شنطتك
ميس بتوتر من صوته العالي: ليه؟؟
البتال بقل صبر: اللهم طولك ياروح بتجين معي بريطانيا وبتخلين سلطان يرجع يلا
ام سعود: انهبلت يالبتال وين تطلع شلاله تجيب سلطان وش دخل ميس
البتال وهو يقصر صوته بالكلام معها: يمه انتي عارفه لكن انا بسكت حشمه لك انا ماشي لكن تاكدي ياميس عقوبتك عند ربي كبيره يوم انك كسرتي قلب يحبك
طلع البتال من قصور العز وركب سيارته
~ سياره البتال~
دق جواله من رقم دولي غريب
رد بسرعه: سلطان وينك ياسلطان
سلطان بضحكه: بوبوو وحشتني
صرخ البتال: سلطان طول عمري وانا وجهي بوجهك بأي حق تسافر وتتركني سلطان انا اضيع بدونك انا جايك الان
صرخ سلطان: لا لا ،،،لاتجي
مسك البتال بريك وضرب الدركسون بقوه نطق بغصه وعيونه متحجر فيها الدموع: ليه تحرمني منك ؟ ،،، وانت تدري روحي متعلقه فيك انت مب بس ولد عمي انت اخوي تعرف وش يعني اخوي !
سلطان بغصه : قدر ومكتوب يجيب الله الخير بتالي اذا تغليني لاتجي لاتزيدني عذاب بشوفتك افارق الكون كله ولا اقوى على فراقك
البتال وهو يدمع بصمت ولا يبي سلطان يدرني انه يدمع:اوعدني تدق علي كل يوم تكفى سلطان نخيتك اخوك يقولك نخيتك لاتحرمني حسك مثل ما حرمتني شوفتك
سلطان وهو يبتسم بين دموعه: يجيب الله الخير؟
البتال وهو يمسح دموعه: يجيب الله الخير
قفل البتال وفتح الشباك يبي يجمع انفاسه
مشى للبر رفع جواله ودق على برجس
برجس وهو جالس يمسح على وضحى وهو متضايق على فراق اخوه
ما انتبه برجس لجواله عرف البتال انه برجس مب يمه يم وضحى
وصل البتال المخيم بعد ساعه ونص
نزل وهو يحس بضيقه
لمح ضلع الذهب
دمعت عينه
"فلاش باك "
|2014|
كان عمر البتال وسلطان بذا الوقت حول ال10 سنين
وصل موكب ال هذال المزرعة
نزل سلطان وهو يركض: جيتكك ياضلع الذهب
الجد مسعود : وراك يبوك مسميه ضلع الذهب
ضحك سلطان وهو ينط مكانه ويركض للجبل وهو فاتح يده :لجل لين تسلطت عليه الشمس يغدي ذهب امي حصه(ام بندر)
ضحكوا كلهم
الجد مسعود: من الليله وكل ليله اسمه ضلع الذهب
أنت تقرأ
ياقطرة من غيث احيتني من بعد مماتي
Random(عزيزي القارئ / عزيزتي القارئة ..... انا ليسى كاتب روائي انا مجرد كاتب يشكل صراعه الداخلي على هيئة حروف ان كنت تبحث عن رواية اسطورية ذات احداث عميقة للاسف لقد وصلت للوجهه الخاطئة روايتي ماهي الا مشاعر متاضربه ان كنت تظن بانها ذات طابع غير معتاد من ا...
