ياقطرة من غيث احيتني من بعد مماتي

البارت(2)

تحرك بانزعاج من صوت المنبه تأفف منه وقام ياخذ شور،،،،وقف قدام المرآيا يلبس ثوبه نسف شماغه ولبس ساعته مرر العود المخفف على يده وتعطر ناظر نفسه بالمرآيا ابتسم وهو يشوف وجهه نزل من جناحه للصاله
الجوري وهي معطيه ظهرها للدرج : صباحو سهم
ضحك برجس : وش عرفك؟؟؟
لفت الجوري وتسندت على الكرسي رجعت شعرها بخفه ورا اذنها : من عطرك
قرب برجس وحب راس امه وابوه : يلا توصون على شي؟
ام عمر : افطر اول
ابو عمر وهو ياكل : خليه رايح لمرته
ضحك برجس بخفه انه ابوه فهمه
نزلت الجوري الشوكة بقهر : ترا خلود لسی مادخلت بيتك عشان كل مازانت الجلسه رحت لها عمى مدري وش تبي فيها توك مالك شهرين مملك عليها!!!!
ضحكوا كلهم
سلطان وهو يكتم ضحكته : رايح يعيد على وضيح
برجس بعصبيه : وضحى يامال العمى
ام عمر : تدعي على اخوك لجل حيوان انهبلت
انقهر برجس : البل عطايا الله مب الحيوان ابو راس مب وضحى
سلطان بضحكه: تراني اجمل منك يعني على كذا انت الحيوان
قرب برجس من كرسي سلطان وهمس له : اذا انت اجمل مني تراني ارجل منك
ضحكت الجوري: كفو سهوم اجلد ولا تبالي
سلطان يمثل العصبيه : حشم حشم
لمس برجس خشمه وهو يطقطق عليه : وزين النونو المعصب باس خده وطلع
ضحكوا كلهم
ام عمر وهي تضحك :صب شاهي يالنونو
سلطان بقهر : جيناتك السبب كل اخواني شنب ودقن الا انا انتي مهكره اعداداتي
شرق ابو عمر بالشاهي : وهو صادق جيناتك خربت الموضوع معه
الجوري : يبه
ابو عمر : تدللي ياعيون الوليد
الجوري : بابا
ابو عمر بضحكه : لبيه
الجوري بضحكه وهي تدلع : بابي
ضحك ابو عمر : سمي
الجوري بجدية : ابي اقدم استقاله
نزل ابو عمر بيالة الشاهي : ليه يبه
الجوري بحيره وتردد : بابا ما اقدر خلاص
فزت ام عمر تحضنها : علامك يابنت
الجوري بغصه : امس جتنا جثت طفل خربت على فرحت العيد يبه
ابو عمر : والله يالجوري لو تبكين دم مافي استقاله دام ذا عذرك
الجوري بصدمه :ليه يبه؟
ابو عمر بضحكه: خلي الدلع لسليطين مب لك
ضحك سلطان بمزح : اخر العنقود ويحق لي
الجوري تلمح من بعيد : نفس كلمة ميس
ام عمر : عروسه (عروسه يعني زوجته )
فز سلطان بزعل وهو متوجه للباب : انا اخذ ذا الملسونه معصي ما اخذها
ضحكوا كلهم

-الملحق-

دخل برجس اول مادخل جاه سهم يركض(نمره الصغير)
برجس بنبرته الثقيله وهو يمسح على فرو سهم: هيه ياسهم ولله يالك فقده
ناظره سهم نزل راسه وبدا يلحس يد برجس
ضحك برجس وشاله لين حضنه: البارح قبل انام شفتك بس اشتقت لك وانت مشتاق ياورع؟
ناظره سهم وبدا يتحرك بحضنه ويلعب قدامه
ضحك برجس وطلع من عنده

~قصر ابو سعود~

-جناح عبد العزيز-

کانت ایلاف جالسه تتعدل وتزين شعرها
دخل عبدالعزيز وحضنها من ورا :وش عندك تتزينين
لفت ايلاف وهي تناظر عيونه : كيفي
قرب عبد العزيز يده لخصرها وشدها له : اجل كذا؟
ضحکت ایلاف : اي كذا ونص
دخلت الغاليه : بابا للوس
وخر عبد العزيز وهو يضحك ويشيلها : تحبين الفلوس
هزت الغاليه راسها : اي
ایلاف وهي تعدل البلشر: وش تبين طيب
رفعت الغاليه اصبعها : ابي حواوه (حلاوه) ابي الااب (الالعاب)
عبد العزيز وهو شايلها : بس؟
الغاليه : بابا
عبدالعزيز : لبيه
الغاليه بضحكه : بابا
ضحك عبد العزيز وهو ينزلها على : لبيهه
ضحكت الغاليه : اغهه (اغه الصوت اللي يطلعه الطفل لمن تلعبه ) وركضت برا الجناح
ضحكوا عليها وذي حركتها من يوم هي صغيره تنادي أكثر من مره واخرها اغهه وتركض
عبدالعزيز وهو يعدل ثوبه : يلا نزلنا وجهزي الشنطه بكرا راجعين
ايلاف وهي تعدل حجابها : طيب حامد ماكلمك
رفع عبد العزيز حاجبه : لا النسيب قاطع
ضربت كتفه : لا تغلط على اخوي
ضحك عبد العزيز : يلا يلا مشينا
نزلوا جميع من في القصر يفطرون
ركضت غيم تحضن ام سعود
غيم وهي تلهث : ماما عمه ميس بتضربني
ام بندر بضحكه: خليها تقطعتس
غيم وهي تتخبى ورا ام سعود : ماما احميني
دخلتوا وعبدالله وسلمان ووراهم عبدالعزيز وایلاف
باسوا راس جدتهم وامهم
راحت غيم ووقفت قدام سلمان : عمي سلمان
سلمان وهو يضحك : عيون عمك
غيم وهي تفكر :انت شرطي تسجن اي احد صح؟؟
سلمان ببتسامه : ليه شبغيتي
غيم بقهر : اسجن عمه ميس
دخلت ميس وهي شايله الشبشب و شعرها کشه ووجهها كلها ميكب بشكل محوس وتصارخ :غيموهه
نطت غيم بحضن سلمان
ضحكوا على شكل ميس
ام سعود : وش لاعب بوجهك
ميس بقهر : بنت عبدالعزيز راسمه خرايط السند والهند على وجهي
عبد العزيز : وانتي عمه على الفاضي؟؟،، خليها تنبسط
دخلت المها وهي شايله الملف : يالله صباح خير وش صاير
انحاشت میس وغیم ركضت وراها
المها بضحكه: والله لو اني ابليس وشبهم
وقف سلمان ودق لها تحيه : ياطويلة العمر السالفه ومافيها المتهمه غيم راسمه خرايط العالم بوجه المدعيه ميس
وقف عبد الله بطقطقه : ياحضرة المحققه ،،،الاخ سلمان ادعى الكذب على طفلتي غيومه،،،، طفلتي كانت تلعب وتلهو لا أكثر ولا اقل
ضحكوا كلهم
المها وهي تضحك : نعلن براءة غيم
غطرفت ایلاف بمزح : بنتي بريئه
ام بندر ببتسامه :يلا يلا افطرو وعينوا خير
جلسوا على طاولة الطعام
المها بتافف : يمه جعنا وين ابوي؟؟
عبد الله وهو يمسك يد سلمان : دقيقه وباكل يد جندينا الباسل
نفض سلمان يده : کذاب انت تتخيلني عا
حط عبدالله يده على فم سلمان
ضحكت ام سعود : بنخطبها لك بس فك اخوك
ضحكت ايلاف : لا لا اختي مب موافقه اختي شارطه مهندس مب محامي
دخل خالد وهو يقرا شایل کتابه نطق بهدوء :السلام عليكم
ردو عليه السلام
جلس خالد بهدوء
عبد العزيز وهو يضحك : مخي معلق شلون خالد الهادي اخونا
ام سعود وهي تناظر خالد : اريحكم خالد
ابتسم خالد وهو يناظر ولا علق
ايلاف وهي تهمس للمها : اقنعي عقلي ذا ولدنا كلنا ملحس شلون ذا ولدنا؟!
ضحكت المها : انا ما اعرف والله بس ال ماكملت كلامها
دخل ابو سعود وقفوا يسلمون عليه
شوي ودخلت ميس وغيم
ابو سعود بحده : وينكم الفطور مابي احد يتاخر عليه
میس بتأتأه وتوتر: با ب بابا
ابو سعود وهو يبتسم: تعالي يمي
جلست ميس بينه وبين امها
وبدوا يفطرون
دخل سعود وهو مبتسم : صبحهم بالخير وصباح خاص لتوامي
المها وهي ترسل له بوسه بالهوى: صباح السعاده ياعيون توامك
كان سلمان ياكل من صحن الفول ضربه عبدالله على راسه : شفت شلون التوأم يعاملون بعض ياعله
اخذ سلمان لقمه واكله : ولا تحز بخاطرك ياشين
ضحكت ام بندر: هو(اداة تعجب) وجهك ووجهه واحد اذا هو شين تراك زيه شين
ضحكوا كلهم
دخلت الغاليه وهي لابسه ذهب ام سعود وكعب امها وحاطه عطر المها الجديد ولابسه طرحة ميس و ماسکه عکاز ام بندر وشايله صوره بیدها
شهقوا البنات
المها وهي تمثل البكيه : عطري يابنت الحلو
ضحك عبد العزيز وقام شالها : يفداك يابابا وش ذا الز ،،،،،ماكمل كلامه من الصوره اللي بيدها نطق بحده،،، من وين جبتيها
الغاليه وهي خايفه من حدت ابوها : افت (غرفه) ماما( غرفه ام سعود )
ابو سعود بحده وعصبيه: الصور ماقلت لاتطلع من التجوري
ام سعود : الا بس ا ماكملت كلامها
فز ابو سعود من السفره : اللي اقوله يصير
طلع من البيت وهو متوجه للشركه
طلع وراه عبدالعزيز