ياقطرة من غيث احيتني من بعد مماتي

البارت(3)

~ الساعه التاسعه صباحاً ~

<قصر العز>

كان نايم على سريره ويتحرك بخوف وهو يتمتم :لا لا
فز من نومه وهو يصرخ: لااااااا
حط يده على وجهه وبدا يذكر الله وتعوذ من ابليس قام ياخذ شور سريع طلع وهو يناظر يده ويلمس الخيط المربوط بيده ابتسم بحزن ولبس ثوبه وشماغه طلع من جناحه وهو متوجه للصاله
مر من جنبهم وهم يفطرون على الطاوله
فهد بحده وهدوء: السلام عليكم
ردوا عليه السلام
فزت ام سعود وتوجهت له: صبحك الله برضا والرحمه تعال افطر وانا امك
باس يدها :مشغول يلا فمان الله
ميس بهمس : الوفه ياورعه
ايلاف وهي تاكل الغاليه وترد بهمس: ها ياعله هاا
ميس بنفس الهمس: اول شي انتي العله ثاني شي ماتلاحظين امس ابوي طلع صاغ سليم وامي من رجعنا ووجهها منقلب
ايلاف وهي ناويه ترد بس دخل ابو سعود
وقفوا يسلمون عليه
جلس ابو سعود على الطاوله وناظرهم وجلسوا
ميس: يبه ابي افهم وش صاير
ضرب ابو سعود الطاوله ونطق بحده وعصبيه: موضوع مالك باع فيه لاتتدخلين ذا اللي ناقص بزر امس تنشدني افطروا وعينوا خير
سكتت ميس وناظرتها امها بحده
دخل سعود : السلام عليكم
ابو سعود بحده: وانت ذا حالك يامرسم ياداخل متاخر
عبدالعزيز : يبه اذكر الله وهد
ابو سعود وهو يقوم من الطاوله: قم قم الشركه بيت يجيب الهم
توجه لسيارته وهو يشوف الغيوم ابتسم وركب سيارته وفتح الدرج وطلع صوره ناظرها وابتسم
لحقه عبدالعزيز وركب سيارته اللي جنبه وتوجهو للشركه

-داخل القصر-

ام بندر بحده: لين متى ياسعود وانت بالبيت ها ،،،وش انت عليه؟؟؟
سعود وهو يهدي نفسه: مالكم دخل فيني،،، كل اللي انا فيه من ولدك لاتظلميني وتشوفين ولدك الملاك اللي بأجنحه وانا ابليس كل ماحنا فيه بسببه اخوي سعود وورد ووجدان واصابة عبدالله و اللي صار لنايف
المها بصراخ وهي تضرب الطاوله :نايف مالكم دخل فيه مالكم دخل فيه
طلعت المها لجناحها تبكي وقفلت على نفسها الباب
ام سعود وهي تناظر حال بيتها والشتات اللي فيه: بس بس لاتنقصون عمري
خالد بهدوء وبرود: وانتم هذا حالكم تجلسون تفتحون جروح الماضي؟؟
سعود بحده: كل ماحنا فيه بسبب ابوك أبا الملوك اللي فالح يحل مشاكل الغريب وتاركنا وفيك خير افتح فمك قدامه وصلت ذا العمر والى الان ما اتجرا افتح فمي بشي كل ما انا فيه منه
طلع سعود المرسم يطلع حرته بالرسم
اما خالد توجه للمكتب يراجع اوراق المباني
دخلت ام سعود الصاله وجلست تفكر
ميس وايلاف كانو بحالة صمت رهيب
اما عن عبدالله طلع من الساعه 6 للشركه وسلمان توجه من الفجر للمركز
و الفيصل اول ماطلعو اهله من المستشفى توجه لشقته

~الحرم الجامعي~

-المصعد-

كانت تسجل فويس لاختها وشايله شنطتها ومحتاسه:جوجو يابنت انا ضايعه وحالتي حاله وربي الجوو حق جلسه مب دوام المصيبه في دكتور جديد بيدرسناا والله يستر ،،،،تخيلي يقولون انه عصبي وحاد الله يستر على اخر سنة في الادراة ادقر بسببه يلا يلا باي
كان فهد يسمعها ويضحك بخفه
دخلت الكلاس وهي تعدل حجابها اول مادخلت جلست بمكانها
دخل فهد وسلم: السلام عليكم انا الدكتور فهد ال هذال دكتور الماده الجديد
حطت يدها على وجهه
لفت صديقتها
ربى بهمس: شفيك؟؟؟
اسيا بدوخه وصداع وترد بنفس الهمس:توني مسفله فيه قدامه يافشلتي
فهد بحده :انتي اللي باخر الكلاس
اسيا وقفت: انا دكتور!
فهد بنفس حدته: في غيرك يسولف؟،،، تفضلي برا المحاضره
اسيا بتوتر: دكتور ولله ماسويت شي بليز اخر مره
على فهد صوته: قلت برا!!
طلعت اسيا ومرت من قدامه وهي تمشي
فهد بهمس تسمعه وحدها: بوريك العصبيه والشر
ناظرته اسيا وطلعت
كمل فهد محاضرته ومن اول يوم فرض شخصيته على الجميع