ياقطرة من غيث احيتني من بعد مماتي

البارت (14)

-بعد سبع شهور -
ماصار اي حدث مهم الان انه ال عاطف وال هذال قوة علاقتهم تعرف ال عاطف على ال خلف وصارو البنات كل يوم بقصر المرتفع اما العيال بالجلسه
سلطان اللي مازال مختفي ولا احد يعرف له مكان
البتال اللي قرر يكمل تعليمه
خالد وخديجه قررو يملكون بدون زواج بسبب الظروف
برجس وخلود عايشين بالعسل
استولى برجس على جميع املاك الشركه حتى اسهم ابوه وعمه وعيال عمه
صيته اللي تبكي وجدان و ورد صارت تبكي الجوري و سلطان وتبي شوفتهم
سكن ال فارس قصر العز الاساسي
الحوت جالس يطبخ على نار هاديه
ام سعود اللي جالسه تفكر كيف تحل العقده اللي صارت قدامها
اوس وشدن اللي لسى مستقرين بايطاليا
ميس اللي تطلقت اخيرا من طلال
اما ام فاطمه فتحت المستشفى الخاص فيها في الرياض ونقلت الكادر الطبي اللي كان بالخبر
الجوري اللي رافضه تسوي سونار وتجهز للبيبي على انه ولد
دخلت ايلاف ووراها ميس ووراهم ربى ماسكين بطونهم
ربى اللي عرفت انها حامل بعد ثلاث ايام من العزيمه
اما الجوري دخلت شهرها التاسع
جلسو بالصاله
ربى وهي تلهث: ابي شي حالي
ميس وهي تاكل الليمون: لا لا ابي حوامض
فلك وهي تقطع الليمون بالصينيه : دوتس
ايلاف: ابي تفاح
صرخت مهرونيسا وتشد شعرها: يمههه تعالي شوفي بناتك!!!!
الجوري وهي تتحرك بالم
فزت استبرق : وش توجسين
الجوري وهي تدمع : الم الم
قربت فلك وهي تلبسها عبايتها
صرخت الجوري
ميس بخوف: يمه مابي اولد خلاص كنسل
طلع ابو سعود من مكتبه على صوت صراخ الجوري وعلى طول على المستشفى

-المستشفى-
~غرفه الولاده~
الدكتوره ميمونه(ام فاطمه) وهي تهديها : هدي هدي تنفسي
الجوري وهي تصارخ: ياربب
الدكتوره ام فاطمه: شقيق زفير وبعدها ادفعي يابنتي
خذ الجوري نفس وحاولت تدفع
صرختت الجوري : مقدر مقدررررر
الدكتوره ام فاطمه وهي متوتره: هدي يابنتي ولاتتوترين يلا ادفعي
حاولت الجوري مسكت شعرها بالم وهي تصارخ: ابي امي وطفه

~سيب المستشفى~
كان عبدالعزيز واخوانه وابوهم واقفين
طلعت الممرضه : تفضلي الوالد تبيك
دخلت ام سعود بعد مالبست البس الطبي قربت وهي تحضنها
ام سعود وهي تقرا عليها القران وتهديها: دفي يمك دفي
الجوري وهي تدمع وتمسك يدها بقوه: اذا صارلي شي ولدي برقبتك سامحيني يمه
صرخت ام سعود بخوف : انتي اللي بتربين ولدك اذكري الله
الدكتوره ام فاطمه: يلا يلا يابنتي ادفعي بقوه جمعي طاقتي وانقذي وليدك يلا
جمعت الجوري طاقتها وخذت نفس ودفعت بقوه صرخت صرخه وصل صداها خارج غرف الولاده صرخت وهي تنادي: سعودددددددد
وصلت الصرخه لبو سعود اللي قشعر شعر جسمه وطاحت دمعته غصب لكن تدارك الموضوع ومسحها بطرف شماغه
خرج المولود بسلام
طاحت الجوري بكل جسدها على السرير وهي تناظر ام فاطمه وتسمع صوت صياحه
الجوري وهي تمسك يد ام سعود: يمه ابي احضن ولدي قبل يسبحونه
قربته ام فاطمه لها
حضنته الجوري وهي تدمع: ولد صح؟؟
ام فاطمه ببتسامه: اي ولد
بدت الجوري تحضنه وهو يصيح على صدرها جلست تبوسه وتشمه وهي تدمع : ليت ابوك من شالك
ام فاطمه وهي تمسح دمعتها: يلا خلينها نسبحه ونطلع على الغرفه ترتاحين البنات سبقوك للجناح