ياقطرة من غيث احيتني من بعد مماتي

البارت (10)

~الفندق~
-موقع العرس -

صحت من النوم وهي مروقه وتشوف فستانها الابيض قدامها
رفعت جوالها وسجلت فويس : اخيراً حبيبي جا اليوم اللي ننتظره
وصلها الرد برساله: اي والله اخيراً
وقفت خلود وهي تسمع صوت برا فتحت الباب لقت البنات واقفين
دخلوا البنات وهم يغنون
خديجه بوناسه: الله شكلي بفتح جناحك على جناحي وافتك ليتك معرسه من زمان
اسيا وهي تصغر عيونها: على الاساس المهندس ماينتظرك
ربى بخبث: وحضرة الدكتور مايتنظرك؟
ضحكوا البنات
مهرونيسا: ما اتخيل ذا البرز تلعب بمخ فهد
خلود وهي تفتح شعرها وتعدله: هذي الوفه لعبت بمخ عبدالعزيز عيالنا يتخرفنون بسرعه
دخلت ستي وبيدها هديه: ماما بابا سلطان جيب هذي حق انتي
خلود: ياعمري ياسليطين
خديجه بقهر ومزح: ولدكم يتزوج كبار؟
الجوري وهي تبرد اظافرها: ولدنا يتزوج بنت شيوخ مايهم كبيره ولا صغيره
خديجه: اجل لاتنادوني الا ام سلطان تخيلت امشي جنبه امه بصير
ضحكوا البنات
لفت خلود وهي ترد على برجس وتأشر للبنات يسكتون
اسيا وهي تأشر لها افتحي المايك
خلود بدلع طاغي: لبيه يروحي
برجس اللي ذاب وداخ : مابغيتي تصيريني ببيتي وتنورينه يم البتال
خلود بضحكه وهي تفتح المايك بعد زن البنات: ما استاهل قصيد
تنهد برجس تنهيده طويله وقال بنبره حنونه بصوته الثقيل العذب: انتي اول قصيدي ولا في قصيد يوفيك يانجمتي
استحت خلود وحطت ميوت
صرخوا البنات
الجوري بصدمه: وش مسويه لاخوي
خلود بغنج و رقه: حبيبي بجهز شوي واكلمك انتبه لنفسك
قفل برجس وهو يضحك بشكل هستيري
برجس بخبث: ولله وبتصيرين عندي يابنت فارس
قام وهو يكلم بالجوال ولاكنه معرس
دخلت امه وشهقت
ام عمر: قم قم روح الحلاق اخوك عمر له دهر وهو حلاق ووالف شغله وشغله وانت يالمعرس ماسويت شي
برجس وهو يلعب سهم : يمه انتي عارفه السبب ووصية ابوي مسعود خلي الموضوع ستر مغطى

-انشغل الكل بالتجهيزات-

دق سعود على المها: خلي وحده منكم تنزل
المها وهي توقف الميكب اراتست : سعود ولا وحده فينا فاضيه برسلك جوري قدها خلصت ختمها بضحكه وهي تقفل
الجوري بصدمه: نعم نعم نعم؟ وش يوديني له وبعدين اسمي ال جوري ال جوري الجوررييي!!
لفت ايلاف : نسيتي انك كنتي في يوم من الايام خطيبته وملكتي عليه؟ انزلي شوفي وش يبي
ربى بضحكه: تغطي بس لجل مايدوخ الولد
اسيا وهي تضحك : بنت اسكتي
ايلاف بحده: خير تسكتين اختي؟
اسيا بنفس حدتها: تخسين اختي انا
ايلاف: بس هي عايشه معي
دخلت الغاليه : ماما
ردوا ربى وايلاف بنفس الوقت: لبيه ياماما
ضحكوا كلهم
دخلت عائشه وهي متاخرة : ياويطي راحت علي نومه بسرعه جهزوني
ضحكوا البنات
ميس بهدوء غير عادتها: تفضل مكاني انا اخر وحده تعالي
انصدموا كلهم من متى ميس كذا هاديه ومكسوره

-اللوبي-

نزلت وشافته عند المصعد
مد سعود الاكياس لها: تفضلي جبت لكم غدا ولاتخافين انتي طلبك كالعاده
توترت الجوري:  تسلم
تنهد سعود ومشى لجناحه المحجوز بالفندق
انسدح على سريره وهو متضايق
دخل عمر وهو يدندن: ابو رمش شقومك ؟
تنهد سعود: ولا شي وين اخوك
عمر وهو يتعطر: مدري قم اجهز
دخل سلطان: هي هيي بنقل لكم خبر حصري
لفوا عليه
سلطان وهو ياكل فشار الجبنه: ابوي تهاوش مع عمي فارس
عمر : كدينا خير ذي اولها
سلطان وهو يطلع من الغرفه: بالليل اكمل السالفه الان بروح انشر الخبر
دخل جناحه هو والبتال
كان البتال بسابع نومه
قرب وهو يناظر البتال وبيده كوب مويه
سلطان بقهر وهو يشوف ملامحه : اوريك يالعصبي ،،، كب عليه المويه
فز البتال: خبل انت؟
سلطان بعناد: لا مجنون
قام البتال من سريره وفك سلطان سبرنت
ضحك البتال ودخل ياخذ شور