ياقطرة من غيث احيتني من بعد مماتي

البارت (6)

-الساعه 12 الظهر-

-مطبخ قصور الخالديه-

كانت ام حامد واقفه على هي وعائشه والخدم على القدور
عائشه: يمه قلبي يرقع
ضحكت ام حامد: ولا حرف يوم عرسك وش بتسوين
دخل زين وهو لابس لبس النادي: صبحهم بالخير
عائشه: وانت هذا وضعك نادي بيت مسجد نادي بيت مسجد
دخل حامد وهو ببدلته: وانتي ماوراك جامعه
عائشه وهي جالسه فوق الطاوله: الا بس محاضرتي الساعه 2 وبخلص 5
حامد ببتسامه: اجل انا بجي اخذك اكون خلصت دوامي بعود بس اتسبح وابدل واجيك
صرخت عائشه : لا لا تعال بلبس الدوام
ضحك زين: ماتبين اجيك بلبس النادي واصيد بداله
عائشه ببتسامه غرور: ابي الكل يشوفني وانا اركب سياره الرائد حامد بن علي ال خلف
ضحك حامد وباس راس امها وراس اخته: غالي والطلب رخيص كم عائشه عندي يلا فمان الله
توجه حامد للمركز
دخل وشاف سلمان يطقطق
حامد : وين خويي
سلمان: هيه تراني اشبهه مشي امورك معي
حامد: انا ابي عبدالله شبي فيك ورع
ضحك سلمان : حشم معك الملازم اول سلمان ال هذال
ضحك حامد ودق له تحيه

~قصور العز~
دخلت مهرونيسا المطبخ وبدت تطبخ الغدا
دخلت ام سعود وشافتها: شتسوين
فزت مهرونيسا: اسفه ياخاله بس كنت بسوي لكم الغدا
قربت منها ام سعود بهدوء: ارتاحي انا بسوي
مهرونيسا وهي تفرك يدها ببعض: ادري انك ماتبيني ولاتبين وجودي بينكم بس انا مالي ذنب امي وابوي هم اللي جابوني خالتي اذا متضايقه من وجودي انا مستعده اكذب على بابا اقوله وحده من خالاتي جت عشان تجلس بس مابي اكون ثق ماكملت كلمتها الا وام سعود حضنتها
مسحت ام سعود على شعرها : انتي مالك ذنب لاتعتذرين على غلط ما سويته من اليوم انتي بنت من بناتي ولا ابي شوكه تضرك
ابتسمت مهرونيسا: شكرا خاله
ام سعود بضحكه: في بنت تقول لامها خاله
مهرونيسا: ماما
ضحكت ام سعود: قولي يمه وابوك يبه
مهرونيسا: لا لا ماما وبابا
ام سعود : ماعلينا من الكلمه الان ابيك تعاميني شلون اسوي سمبوسه هنديه تعرفين؟
مهرونيسا: افا عليك عندي الموضوع بسوي لكم سفره لذيذه
ام سعود: وتعلميني؟
مهرنيسا: اذا انتي طالبه تتعلم بسرعه اكيد بعلمك
ضحكو كلهم دخلت المها تساعدهم وشوي دخلت وراها ميس وايلاف

-الجامعه-

دخل الدكتور فهد الكلاس وشافه فاضي جلس على طرف الطاوله وهو يناظر ساعته بدت المحاضره وتاخرو بعض الطلاب لمده عشر دقايق
دخلت اسيا وهي شايله شنطتها ووراها صديقتها ربى وكذا طالب وطالبه
فهد وهو يكتب على السبوره: المكان اللي اخركم يشيلكم تفضلو برا
ربى بتوتر : دكتور انا واسيا تاخرنا بسبب الحادث سوينا حادث عشان كذا تاخرنا امانه دخلنا
عائشه بكذب وترقيع : دكتور انا شفت هذول البنتين مسوين حادث وتاخرت عشاني كنت بالسياره وراهم بس اذا تبي ادق على السواق تتاكد
فهد بجدية وهو يكتب على السبوره: شفتيهم نظره سريعه ولا وش
عائشه بخوف: لا دكتور كنت وراهم على طول
لف فهد عليهم : والباقي
اللي قال كنت بالكافيه واللي كان بالبهو
فهد بحده: كل المتاخرين عندكم اختبار الساعه ثلاث العصر مكون من ثلاث اساله فقط من درس اليوم اللي بيتاخر دقيقه يتعبر نفسه حامل الماده طول ما انا ادرسه موافقين؟
كلهم بصوت : موافقين دكتور موافقين
دخلو وبدو يركزون بالدرس
لف فهد بعد ماخلص محاضرته: انتهت محاضرتنا بعد ساعه عندكم اختبار فقط العشره اللي تاخرو مفهوم؟؟
ردو الطلاب: مفهوم