ياقطرة من غيث احيتني من بعد مماتي

البارت (9)

صرخت وهي تهز جثمانها: يمه قومي قومي تكفين يمه لاتكسرين ظهري
استبرق وهي تهديها وتدمع: خلاص اطلعي برا الغرفه
فلك وهي تدمع: لا لا بجلس عند امي،،،يمه لاتروحين تكفين انا احتاجك لاتروحين مثل ابوي يمههه
سحبتها استبرق برا الغرفه وقفلت الباب بالمفتاح دخلت الغرفه استبرق وهي تدمع رفعت شعرها و تربطه مسحت وجهها بيدها قربت وبدت تغسلها

~جلسة الروضه~

كان حاطه راسها على المسند وشعرها الغجري نازل على كتفها رفعت راسها وشافت موية الغسل تطلع من تحت الباب صرخت باعلى صوتها وهي تنادي باسم امها
تجمعوا الناس عند الباب ودخلوا الحريم وبدت ايام العز

~قصر الخالديه~

صحت ايلاف وهي فازه من حلم غريب قامت لبست وتجهزت وطلعت بدون ماتعلم احد عن وجهتها

~قصر ال عايض~

وقفت ربى مستغربه : تفضلي
ايلاف ببتسامه: انا ماني جايه اجلس ولا استريح انا جايه اخذك
ربى بصدمه: وين؟!
كتفت ايلاف يدينها: عبدالعزيز مايحب مرته تنام برا البيت شرعاً وقانوناً انتي مرته وحليلته ،،،عرفت انك انجبرتي عليه وانا قبلك انجبرت عليه لكن مابي اللي عشته والظلم اللي شفته تشوفينه ويمر عليك ،،،،ربى ادري امك توفت وانتي صغيره انا توفوا ابوي وامي لو عمي مارباني كان ضعت اعتبريني اختك وانا بعتبرك اختي
قربت ربى وحضنتها: اسفه ايلاف ولله مابيه ابوي جبرني ان
ماكملت كلامها من مقاطعة ايلاف
ايلاف: اشش انا عارفه كل شي يلا جهزي ملابسك بنروح العز
ربى بستغراب: وش العز؟؟
ضحكت ايلاف: سالفه طويله بس قصر ابوي مسعود وعياله اسمها قصور العز بعدين اشرحلك
لفت ربى وهي طالعه على الدرج: ايش رايك تجين تساعديني اخت على الفاضي؟
ضحكت ايلاف وتوجهت معها لغرفتها وبدوا يتعرفون على بعض اكثر

~ مرة سنه ~

هذي السنه كانت اغرب سنه على الجميع
عبدالعزيز للان مالمس ربى ولا اختلا فيها او نام عندها
فهد ومازال في اكتئابه واللي يسعده زين
زين اللي وصل للجسم اللي يتمناه وصار من افضل الملاكمين في النادي
خالد خطب خديجه وهو مبسوط لبعد درجة
ربى وايلاف تشوفهم من بعيد تقول خوات
مهرونيسا اللي دخلت بكل قوه فيهم تحول تتصل على امها كل يوم لكن امها اهملتها
برجس وخلود قرب موعد زواجهم
استبرق اللي خبت عن فلك من هو ابوها
اما فلك زاد تعبها لكن بدتت تتحسن خلصت الثانوي ولاتفكر تكمل
المها كل يوم حب نايف يزيد بقلبها للان تدوره
الشبل والحوت يخططون على جريمه شنيعه
اما عن النونو له فوق السنه مادخل المملكة ورافض اي احد يجيه لكن كل يوم يكلم اهله وخصوصاً البتال او بالاصح مايقفلون
سلمان وهو وتوامه وبرجس الثلاثي المرح وراهم طامه
حامد اللي يتقطع قلبه على حب عمره اللي انحرم منه
ميس اللي لها شهرين متزوجه طلال وتندمت على قرارها
البتال اللي فاقد حس النونو وكل شوي داق عليه
كان التواصل بين بنات العذوب وقصور العز شبه شهري