နန်းဆက်က စူးစူးဝါးဝါးနာကျင်နေသောရင်ဘတ်ကိုဖိရင်း ကားကို ရပ်တန့်လိုက်သည်။ထို့နောက် ဦးလေးငယ်ထံသို့ ဖုန်းဆက်လိုက်သည်။
"ဦးလေးငယ် ထည်ဝါ့ကိုအခုချက်ချင်းလာခေါ်ပါ”
နန်းဆက်သည်ရင်ဘတ်ကိုဖိရင်းဆိုးရွားသောနာကျင်မှုကိုခံစားနေရသည်။ရင်ဘတ်ထဲမှလှိုက်၍တက်လာသောသွေးစတို့က နန်းဆက်၏နှုတ်ခမ်းဖျားမှထွက်ကျလာခဲ့သည်။ဦးလေးငယ်ရောက်လာသောအခါ ရင်ဘတ်ကိုဖိရင်း နှုတ်ခမ်းမှထွက်ကျလာသောသွေးစတို့ကိုသုတ်လိုက်သော နန်းဆက်ကိုကြည့်၍ ထိတ်လန့်တကြားမေးမြန်းပါ၏။
"ဘာဖြစ်တာလဲ ထည်ဝါ....."
"နောက်မှ ရှင်းပြမယ်။အခုအိမ်ကို မြန်မြန်ပြန်မှဖြစ်မယ်။မဟုတ်ရင် ထည်ဝါ သေသွားလိမ့်မယ်"
နန်းဆက်က ရင်ဘတ်ကိုဖိ၍ပြောရင်းနှုတ်ခမ်းဖျားမှ သွေးစတစ်ချို့ထပ်မံ၍ စီးကျလာခဲ့သည်။နန်းဆက်၏အခြေအနေကိုကြည့်၍ ဦးလေးငယ်က ဘာမှမေးမြန်းမနေတော့ပဲနန်းဆက်၏စကားကို လိုက်နာခဲ့သည်။အိမ်ပြန်ရောက်သောအခါ နန်းဆက်က လုပ်သင့်လုပ်ထိုက်သောကိစ္စများအားလျှင်မြန်စွာလုပ်ကိုင်လိုက်၏။ထည်ဝါ ဆောင်ရွက်နေသောအရာများကိုကြည့်၍သီးသန့်ရှင်းပြစရာမလိုပဲ ထည်ဝါဘာတွေဖြစ်နေလဲဆိုတာ ဦးလေးငယ် သိရှိသွားခဲ့ပါသည်။
"အဲ့ဒါသက်တန့်ရဲ့လက်ချက်လားထည်ဝါ"
"သက်တန့်က အဲ့ဒီအရာနဲ့ချိတ်ဆက်မိသွားပြီ ဦးလေးငယ်။သူမဆီမှာ အဲ့ဒီအရာက စတင်နေပြီ"
"ဘာ...."
"အင်း....အဲ့ဒီအရာက စကားလုံးတွေကိုပါ လွှမ်းမိုးနေပြီထင်တယ်။ချိတ်ဆက်မှုကို အခုဖြတ်တောက်မှဖြစ်လိမ့်မယ်။ကြာရင်တားဆီးနိုင်မှာမဟုတ်ဘူး"
"ဘယ်လိုဖြစ်လို့လဲ။ဘာ့ကြောင့် အဲ့ဒီအရာက စတင်လာရတာလဲ"
"အဲ့ဒါကို ထည်ဝါလည်းမသိဘူး။အခုတော့ ထည်ဝါဘာလုပ်ရမလဲဆိုတာပဲ သိတယ်"
"ဒါပေမယ့်အခုဖြစ်နေတဲ့ မင်းရဲ့ အခြေအနေက အဲ့ဒါကိုခံနိုင်ရည်ရှိမှာမဟုတ်ဘူးထင်တယ်"
"ထည်ဝါ ခံနိုင်ရည်ရှိတယ်ဦးလေးငယ်။အဲ့ဒါကိုလုပ်မှဖြစ်မယ်"
YOU ARE READING
သက်တန့်မျှော်စင်💛
Fantasyနန်းဆက်ထည်ဝါက သက်တန့်မျှော်စင်ကိုသိပ်ချစ်တာ.....။ နန်းဆက်က စုန်းလိုက်မုဆိုးတစ်ယောက်ဖြစ်နေခဲ့ပြီး ချစ်ရသူ သက်တန့်မျှော်စင်က စုန်းမတစ်ယောက်ဖြစ်နေခဲ့သောအခါ......။ စုန်းလိုက်မုဆိုးရဲ့လက်ချက်နဲ့သက်တန့်မျှော်စင်က သေဆုံးသွားမလား.....ဒါမှမဟုတ်......စုန်းလို...
