꒰⑅ᵕ༚ᵕ꒱˖♡ Unicode ♡˖꒰ᵕ༚ᵕ⑅꒱
ဂရုစိုက်မှုတွေကြားမှာ နေသားကျလာတဲ့အခါ ငါ့ကိုထားရစ်ခဲ့ပါ ဒီလူဟာ သေရာပါဒဏ်ရာတွေနဲ့....
___
ပျော်ရွှင်မှုနှင့်အတူ ဝမ်းနည်းမှုတွေကိုပါ ဆောင်ကျဉ်းပေးလာတဲ့ အဝါရောင်ဟာ သိပ်ကို လှပတာပေါ့။
အဝါရောင် ပိတောက်တွေက သိပ်ကိုလှတယ်။ တစ်နှစ်မှာ တစ်ခါသာ မြင်တွေ့ခွင့်ရတဲ့ ပိတောက်ဝါတွေက ပျော်ရွှင်မှုသာဆိုရင် ဒီတစ်နှစ်တော့ ဝမ်းနည်းမှုတွေကို ခေါ်ဆောင်မလာစေချင်ဘူး။
စားပွဲပေါ်က ပန်းအိုးလေးအတွင်း ပြည့်သိပ်နေသည့် ပိတောက်တို့ကို ကြည့်ကာ ပျော်ရွှင်မိသလို ဝမ်းနည်းမှုနှင့်အတူ စိုးရိမ်စိတ်ကလေးအနည်းငယ်လည်း ရောယှက်နေလေရဲ့။
ပိတောက်တွေကလှတယ်။ သို့ပေမယ့် လွမ်းဆွတ်မှုကိုလည်း ကိုယ်စားပြုတယ်။ ပိတောက်နဲ့ စခဲ့တဲ့ ဇာတ်လမ်းတစ်ပုဒ်မဖြစ်ခဲ့သော်ငြား ပိတောက်တို့သည်လည်း တစ်စိတ်တစ်ပိုင်းပါဝင်ပတ်သက်နေလေသည်။
" မင်း သဘောကျရဲ့လား "
ဟက်!
" တစ်ဖြုတ်ဖြုတ်ကြွေကျနေတဲ့ ပိတောက်က သိပ်လှတာ "
လှောင်ရယ်သံကအစ အသက်ဝင်နေလေရက်။
လွဲခဲ့လေသလား ကံကြမ္မာရယ်။ ရက်စက်တယ်ပြောရအောင်လည်း အပြစ်ကျူးလွန်သူဟာ ကိုယ်မဟုတ်လား...
အရမ်းကိုလှပခဲ့တာပေါ့ အတာရေနဲ့အတူ ဆေးကြောပေးခဲ့တဲ့ မျက်ရည်စက်တွေက ပိတောက်ပင်အောက် ပိတောက်ပန်းတို့အနှင့်အတူ မြေခခဲ့သည်လေ။ သိပ်လှတာ။
" မနက်ဖြန်ဆို သင်္ကြန်အကြိုနေ့ရောက်ပြီ ငါမင်းကို တစ်နေရာ ခေါ်သွားပေးရမလား "
" မလိုဘူး "
မလိုဘူး! မလိုအပ်တော့ဘူး
ဘာလို့ဆို ညစ်ထေးနေတဲ့ ငါ့နှလုံးသားက အတာရေနဲ့ဘယ်လောက်ဆေးဆေး ပြန်ဖြူစင်မလာနိုင်တော့ဘူး...
YOU ARE READING
I want to own it Butterfly
Fantasyလိပ်ပြာတွေက အရမ်းလှတယ် ဒါပေမယ့် သူတို့ကသိပ်ကိုဆိုးတယ် ငါ့ကိုပိုင်ဆိုင်ခွင့်မပေးပဲ ငါ့အနားဖြတ်ပျံပြီး ပိုင်ဆိုင်ချင်လာအောင်လုပ်တယ် ထွေးပွေ့ပြီး အနားခေါ်ထားချင်ပေမယ့် ထွက်ပြေးတယ် ... အစကတည်းက ငါ့ဆီမလာချင်ရင် မျှော်လင့်ချက်တွေပေးပြီးတော့ ငါ့အနားမပ...
