بولاريس

ذريعة 10

جالس بظلامه مافيه غير نور القمر يضوي ملامحه يفكر لأي مدى تمادى بحق نفسه أولاً ثم بصاحبه غير مدرك أنه جالس على السرير وراه يتأمل ظهره وكيف هو الوحيد اللي باين بعيونه رغم الظلام اللي يحطهم

يتنهد وهو يتأمل فيه قاعد بالبلكونه و الهوى يتجاوزه و يوصل له عطره ، ابتسامة جانبيه طلعت منه وهو يتذكر كيف يوسف يحاول يتقرب منه و يعامله مثل ما هو يبي ، يدري انه يمثل عشانه لكن هالشي ماخلاه يتراجع بالعكس ، صار يبيه اكثر و متولع فيه

ناداه بصوته الهادي : يوسف

التفت الثاني وهو يهمهم و يسمع عزيز يقول : ادخل صار الجو بارد

و بكل هدوء دخل يوسف و سكر وراه البلكونه و جلس على السرير ولسى نور القمر يضيئ غرفتهم

جالس على السرير يدور بعيونه عن جواله بس قاطعه راس عزيز اللي استقر بحضنه وهو يقول بصوت مكتوم : حطيته بعيد عنك عشان ما تنشغل فيه عني

زفر انفاسه بصوت مسموع ثم انسدح و راس عزيز صار على صدره و يقول : يوسف

يوسف : لبيه ؟

عزيز : احضني اقوى

شد عليه يوسف و غطاهم بالبطانية زين و ابتسامة عزيز ما نزلت عن وجهه لدرجة عجز يسيطر عليها و ينام

عزيز : يوسف

تنهد يوسف وهو مغمض عيونه يحاول يمسك نفسه : وش تبي يا عزيز ؟

عزيز : تصبح على خير

يوسف بصوت ثقيل : وانت من اهله يلا ارقد

ثواني مرت ثم : يوسف ..

تحرك يوسف وصار فوق عزيز ويقول وهو منزعج : تبي تسكت ولا اقوم اروح غرفتي ازين لي ؟

ارتخت ملامح عزيز وهو يقول بابتسامة خفيفههه : ابيك تمسك يدي

يوسف : اكثر من انك بحضني الحين وش تبي ؟ والله عزيز خلني انام وراي شغل الصبح

انسدح يوسف وعزيز حط راسه على صدره و يسمعه يقول : نام نام لو ما تصحيني بكرا على شغلي بخليك تعض الارض

بوز عزيز و سكت وهو يفكر بداخله و يقول لو اني ساكت ولا خليته يزعل علي أزين

غمض عينه بس ابتسم لماً حس بيد يوسف تمسك يده اللي على صدره و يشد عليها

لثاني مره يقدر ينام عزيز و صدره خفيف و مرتاح بس هالمره برضاء من يوسف ..
_______________________________
من طلع حبيبه من بيته وهو يبكي ما سكت لين حس بوجع صدره و اخذ بخار ، يحس بينجن لو ما شافه الحين و بسرعه قام من مكانه حاذف جهاز البخار بالارض و نزل يمشي شوي شوي عشان ما يحس عليه ابوه

صار يمشي بالليل ماعليه غير بجامته وكل شوي يلتفت وراه يشوف إذا ابوه او الحارس يلحقونه و تطلع منه شهقات خفيف بسبب انه ماسك بكيته الحين و رجوله تنتفض من البرد