بولاريس

شرارة 29

الساعه سبعه و نص الصبح كان صباح لبداية روتين جديد ، كشخص ليلي بحت حتى بشغله قرر هالمره يصحى مع أطراف الشمس يفطر و يطلع للمسبح بهالجو البارد يسبح لهدف صحي و من جانب ثاني يستنى أسر قلبه يجي من عند غريمه

طلعت هيرزن و نزلت على طرف المسبح كوب عصير وقالت : مافيه موت هنا ؟

متعب : تبيني أحطك تحت عشان تشوفين إذا فيه موت ولا لا ؟

رفعت يدينه تأشر بذعر : لا لا cold cold

متعب : اجل فارقي

دخلت هيرزن بسرعه للبيت و متعب عينه ثبتت على البوابه من سمع صوت اديب يكلم السواق من وراه ، مد يده يشرب نصف كوبه بنفس واحد قبل يشوف البوابه تنفتح و يدخل الثاني منها ببجامته وهو يمشي بسرعه طول الحديقه وهو حاضن نفسه من البرد

رفع متعب صوته عشان يسمعه الثاني وقال : صباح الخير

التفت له اديب و غير مساره له وقال وهو فاتح عيونه على وسعها : شنو ما تحس ؟ الدنيا موت برد و انت كنك لبتون قاعد تسبح !

غير متعب نظراته للبرود وقال : سخيف .. وين كنت ؟

تكتف اديب وقال : عند خالد

قال متعب وهو يمسح المويا عن لحيته : و شتسوي نايم عنده

اديب : انت قلتها نايم عنده

برز فك متعب وهو ينتبه على الجاكيت الكبير اللي على كتوف اديب وقال ببرود : اديب فيه حشره على وجهك

و بصوت واحد صرخ اديب من قمة رأسه و متعب يتحرك لأطراف المسبح و يقول : لا تصارخ قرب مني خلني أشيله عنك

و على طول قرب اديب منه و انحنى لمتعب اللي مسكه من بجامته بقوة وقال : من جكيته ذا ؟ لأبوك ؟

اديب بذعر وهو مغمض عيونه بقوة : لا تسألني و شيله عن وجهي بسرعهه

شده متعب اكثر وقال : جاوب ولا ما بشيله

اديب : لخالد لخالد شيله عن وجهييي

رص متعب على اسنانه قبل يسحب اديب بقوه و يرميه جوا المسبح ، ثانيتين و طلع اديب رأسه من المسبح بفوضويه وهو يقول بصوت عالي : يا ملعون ياحقييررر...

قاطعه متعب وهو يقرب منه و يقول : مو قلت لك لا تروح له

علطول شحب وجه اديب من البرد و صار يحاول يفلت من يدين متعب بكل قوته وهو يصارخ : بموت بموتتت برد

شد عليه متعب وهو يقول بحده : ليه رحت له جاوبني

و خلال ثانيه بكى اديب من البرد و يدينه تلقى طريقها ناحية رقبة متعب يتمسك فيه وهو يقول : طلعني الله يخليك طلعني بموت من البرد والله ماعاد بروح له

ابتسم متعب ابتسامه تكاد ترى وهو يشوف اديب صار بحضنه و مد يده يمسح وجهه عن الماي وهو يقول : تحبني ؟