ولا ادري وش يخيفك ياحبيبي
وانا بك مغرمٍ جاك متعنّي
ولو انك تلاحظ شفت عيني
وهي تروي حديث الحب عني
تعال أسقيك من جدول غرامي
شراب فيه للعشاق تهنّي
و أهيم بك بسماوات المحبة
ألين إنّك بعد مثلي تغني
_____________
الساعه 3 الفجر ماسكين الطريق المظلم بعز البرد لأطراف المدينه ، صار لهم نص ساعه من صعد الثاني وهم ساكتين او .. طرف وده بس يسمع صوته و طرف عارف بس حارمه حتى ينطق حرف
تنهد فهد و التفت عليه ثم على الطريق وقال : تيم يبا ..
تيم المتكتف وصاد عنه قال مقاطع كلامه بهدوء : ليه مطلعني من بيتي بذا الوقت ؟ وين ماخذني
فهد : طالع فيني و انت تتكلم
تيم : لا تتعب عيوني يا فهد خلني كذا
فهد : اجل عندك شي تبي تقول
تيم هز راسه بالنفي وقال : بس مابي اشوفك
فهد : و مستكثر علي أنا أشوف عيونك
تجاهله تيم و رفع رجوله لصدره ولف عن الثاني يحاول ينام
فهد : بردان ؟
همهم تيم وهو مغمض ، يبي ينام وهو من طلعته من المستشفى ما نام ولا غفى له جفن و التفكير لعب فيه لين بدأ يحس براسه ينبض و الصداع ملازمه
أرخى جسمه اكثر من حس بدفى ينحط عليه من نزل فهد جاكيته و غطاه فيه
تيم : بتبرد
فهد : عندي ثاني ورا
همس تيم بشكرا و كأنها لنفسه مو منتبه على ابتسامة فهد اللي سمعها ولف يناظر فيه لثواني معدوده قبل رفع عينه للطريق
عشرين دقيقه و وقفت السياره على البحر و التفت فهد على تيم و حط يده على شعره و قرب منه يهمس : تيم .. حبيبي
فز قلب تيم قبل يفتح عيونه و كأنه قلبه هو اللي سمعها و التفت عليه ببطئ بملامح ناعسه وهو يحس بيده فهد تصير على خده
فهد : و صلنا ابوي
اعتدل تيم و جلس وعقد حاجبه وهو يشوف قدامه وقال : الحين مطلعني من بيتي عشان توديني للبحر !
فهد : أنا اشتهيت اجلس فيه معك ، عندك مانع ؟ يلا انزل
تنهد تيم بعمق بصوت مسموع وهو يسمع فهد اللي نزل يقول بصوت عالي : البس اللي فوقك
فتح الباب و نزل بعدما لبس جاكيت فهد و شافه جاي له وهو لابس جاكيته الثاني ويقول وهو يمشي جنبه : من جيت للمانيا و أنا هذا مكاني كليوم بالليل .. هذا وقتي ، و الحين جيت و اخذتك لاني ابيك تشاركني بوقتي اللي احبه ابيك تحس باللي احس فيه من اجلس قدام البحر و اشوف انعكاس القمر ..
أنت تقرأ
بولاريس
غير روائيّةفيك الخِصال تجمعت بجمالي قُل لي بربّكَ هل مللتَ وصالي أم هل تبدّل يومنا عن أمسنا إني سألتُك هل تُجيب سؤالي .
