"ANO'NG nangyari sa pakikipag-‐‑usap mo?"
salubong sa kanya ni Mia nang lumabas siya ng
accounting office ng kolehiyo.
Mabigat ang buntong-‐‑hiningang pinakawalan
niya, kinipkip ang gamit sa dibdib. "Unless I
settled my previous accounts, hindi ako
makakakuha ng exams," she said in troubled
voice.
Nasa ikalawang buwan ng first semester siya sa
huling taon niya sa kolehiyo. At prelim na sa
susunod na linggo pero hindi pa siya nagbabayad.
Katunayan ay temporarily enrolled lang siya. At
ang atraso niya sa kolehiyo ay noon pang
nakaraang taon.
Kung hindi nga lang siya estudyante na ng SIC
mula pa sa unang taon niya sa high school ay
baka hindi siya pinagbigyang makapag-‐‑enrol na
promisory note lang ang ipinakita niya.
Nagpatiunang lumakad si Mia patungo sa
isang bakanteng bench at umupo sila roon. "Bakit
hindi mo i-‐‑apply ng panibago ang scholarship
mo? Na ang pagbasehan nila ay ang kalagayan
mo sa buhay."
Isang mapait na ngiti ang pinakawalan niya.
"Sana nga'y ganoon na sa simula pa lang. Hindi
ngayon na isang taon na lang at magtatapos na
ako. Bukod pa sa hindi ganoon iyon kadali. The
school gave me full scholarship since high school.
Hindi nila kasalanan kung sa huling dalawang
taon ko sa kolehiyo'y bumagsak ang mga grades
ko."
"Alam mo bang noong isang linggo ko pa
binalak kausapin si Ma'am Gertrudes tungkol sa
problema mo?"
Nagtatanong ang mga matang nilinga niya ang
kaibigan. Si Donya Gertrudes Honteveros ay ang
director ng SIC. Ang tiya ni Mia ay mayordoma
ng mga Honteveros. At si Mia ay paaral ng Don
Gonzalo Honteveros Foundation, ang scholarship
foundation ng yumaong asawa ni Donya
Gertrudes.
"Yes. But Ma'am Gertrudes was too busy these
past few days dahil nga sa pagdating ng anak
niya galing ng ibang bansa. ."
"Anak?"
Umikot ang mga mata ni Mia. "Ano ka ba
naman! Staff ka ng school organ, paano mong
hindi nabasa iyon? Dumating na two days ago
ang anak ni Ma'am Gertrudes mula sa Amerika,
YOU ARE READING
Sweetheart Series 11: My Own True Love By Martha Cecilia
Romance"You're my own true love, Marti. Hindi ko kayang ibigay sa iba ang pag-ibig na iyon, no matter how I tried..." Martha Cecilia