فاتي : وي حتى سلوى و صوفيا جات من اسبانيا البارح ناقصانا غي نتي...
مريام : اليوم ماعرفتش نخليوها لغدا ان شاء الله صافي ؟
فاتي ( ضحكات ) علاش ؟ خارجة مع سي العراقي ..مابقيناش تنشوفوك والله , غبرتي واحد الغبرة تقول راك ساكنة ماعرفت فين ! حتى لالة نجمة ولات تتقول داك ولد عبد العفور مزيرها و خانقها ماتيخليها تدخل ولا تخرج ههههههه ضحكاتنا داك النهار....
مريام ( ضحكات ) مابقاتش ليا الكانة للخروج والله ...حتى ماما شحال مامشيت لعندها ..
فاتي : و صافي ادومان ان شاء الله ...
جويرية : بلغي ليها سلامي...
مريام : ان شاء الله ..لالة جويرية تتسلم عليك....
فاتي : مرحبا بسلامها ..سلمي عليها حتى نتي بزاف ...
قطعات معاها مبتسمة فوجه جويرية : سلمات عليك حتى هي...
جويرية : مرحبا بسلامها...( حضات بعينيها حتى مشات زكية و قربات من مريام حاطة المجلة من يديها ) كي كتجيك زكية ؟ تترتاحي ليها...
مريام : عادية علاش...
جويرية : والو ..غي ماتعطيهاش الثقة ديالك من الاحسن ..
مريام ( شافت فيها شحال و قالت بهدوء ) وي عندك الحق ، تتجيني بنت ظريفة مي مانكدبش عليك ..شوفاتها معيقين ! هادشي لي ماتيعجبنيش فيها ...
جويرية ( فتحات عينيها ) شوفاتهم معيقين فين ؟ فيك !! ولا فشي حد اخر...
مريام ( بتردد ) فعبد الهادي !
جويرية ( بجدية ) لا هي هكاك دايرة ! تتشوف فكلشي هكاك مي ماتقدرش تزعم على شي حاجة خايبة ...و هاهي شافت ؟ عبد الهادي تقوليه زكية يقول ليك شكون زكية ؟ قد ماعندو قبول قد ماتقدرش تزعم عليه شي وحدة وخا تبغي هاد الميزة قليلة فالرجال حاليا....
مريام ( مارضاتش تبين غيرتها ) وي عارفة عبد الهادي كي داير و تايقة فيه...
جويرية ( تبسمات وهي تتأمل عينيها المفضوحة ) الله يكثر من امثالك..ذوق عبد الهادي صعيب و ماتتعجبوش اي وحدة بسهولة ،. و سبحان الله وقت شفتك اول مرة تمنيتك ليه و قلتها لصفاء قالت ليا لا عبد الهادي صعيب ماتقدرش تعيش معاه مريام يصلاح ليها خليل ( ضحكات ) يسمعني عبد الهادي يظلم علينا عينيه ...
مريام ( شداتها الضحكة ) فاش تيتعصب تيظلامو عينيه بزاف ...
جويرية : ههههههه وخا هكاك قلبو كبير و متواضع عكس كي تيبان ، ماعندوش مشكل يخلي البونج و الرطوبية و ينعس فالارض ، يمشي عند المسكين ياكل معاه الخبز بايت و اتاي مايقولش لا و ماتيعيفش نهائيا...عكس خليل تيبان بسيط و عفوي شي حوايج مايقدرش عليهم ....مريام : وي لاحظتها فيه ، فاش كنا فماساي ( ضحكات عاد كملات ) تتشدني الضحكة فاش تنتفكر دوك الايام عرفتي شحال من مرة كنت تنرد صعيب تشوف داك المنظر و ماتعيفش..وهو والو ! قلبو تيبقى بلاصتو ...
أنت تقرأ
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...