رجعات نسرين شادة بلاصتها حدى ختها مزنكة و معصبة سولاتها مالك غوبشات و قالت..
_ من بعد نعاود ليك..الاخت : نشطي و ضحكي شوفي ديك اللفعة د خديجة كيف تتصرف تقول العرس د بنتها !! بيني راسك حتى نتي و خلي البشر يشوفك و نتي غي مخبية ولاصقة فيا...نوضي وقفي حدا بنتك ..
تحركات فيها النفس و ناضت لعند نبيلة تتدوي ليها فوذنيها..
_ شنو قالت ليك ديك اللفعة ؟نبيلة ( بهدوء ) باركات ليا سييتو...مرتاحة اماما ؟
نسرين ( تتقاد شعرها و جلايلها و تتشوف فخديجة بنص عين ) مرتاحة ابنتي مرتاحة غي يبعد مني كحل الراس...تنخاف نشرب ولا ناكل شي حاجة من عندهم ماعندي فيهم ثقة..
نبيلة ( دوات ليها فوذنيها ) لا ماتخافي والو ! و لا نتي بقاي حدايا حتى تجلسي معايا فنفس لاطابل نتي و بابا ...
نسرين ( غوبشات ) مم دابا نشوف...
قرمات نسرين و سكتات حتى نبيلة فاش جات ثاني خديجة متقصداهم... نسرين قلبها تيضرب فالتسعين تتشوف غي الوحش حداها ماشي بنادم...و مع ذلك حاولات تغلب على رعبها منها و تدفع حتى هي الجبهة و ماتبقاش ديك نسرين لي تتحني الراس !! دابا عندها بنتها مسخنة بها كتافها ..
خديجة ( طولات النظر لنسرين تتفليها فلي و بهدوء قالت ) مبروك على بنتك نسرين ...كنت كنقلب عليك نبارك ليك !نسرين ( هزات فيها حاجبها و من الحنجرة الفوق قالت ) شكرا...
خديجة ( تبسمات و خاصة الانظار عليهم ) الزمان مابدل فيك حتى حاجة !!
نسرين ( ردات ليها الابتسامة الصفرا ) نتي بدل فيك بزاف ! ماعقلتكش فالاول ...
خديجة ( تاملاتها بنظرة مطولة محافظة على ابتسامتها ) مبارك عليكم مرة اخرى .. نتمنى دوزي وقت زوين الليلة !
نسرين ( بكره ) شكرا...
مشات خديجة راسمة ابتسامة على شفايفها مخلية الانظار عليهم باستفهام و فضول و تتبع !!
أصيلة( غي شافتهم حسات بالقلق ) ماباغياش فضيحة ففرح ولدي اجويرية !!
جويرية : لا ماتخافيش ! خديجة ماتقدرش دير شي حاجة و حتى نسرين غتخاف على فرح بنتها...تهدنيأصيلة ( مارتاحت حتى شافتها مشات عاد تنهدات ) فين مريام ؟ ماشفتيهاش ! هااا صافي هاهي ...
هزات جلايلها و مشات عندها كانت جالسة مع لالة لطيفة و بنات من عائلة العراقي تيتعارفو و يتبادلو ارقام بعضهم...جلسات معاهم أصيلة تتشارك الكلام مع لالة لطيفة لي شحال ماجلسو مع بعضهم....!
عاد جاية لالة حنين بحال الفراشة دايرة النوبة بين مريام و عبد الهادي...جلسات حدا مريام تتفرنس..
مريام ( دارت لعندها تتصاوب ليها شعرها لي ترون مع الريح الخفيف و الحركة ) مالك تتضحكي ؟
![](https://img.wattpad.com/cover/352017597-288-k368275.jpg)
أنت تقرأ
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...