لالة نجمة ( انفاجرات ) قولي يابنت المرضى شي نهار قاليك داك الحمق د عقلك تهزي التليفون تسولي فيا ولا تعرضي عليا لدارك...حتى نهار ! و دابا بعدي مني الله يعطيك الستر...
مريام ( زادت قربات منها تتبسم راشقة ليها مايعصبها حد ) و غي فهميني الالة ! والله حتى كنت غادي نعرضك نتي و ماما و بابا تفطرو عندي اول نهار رمضان ..غي نتي تتسبقي العيب ! سولي ماما الدار عاد كملت فراشها و ماشي كاملة مزال ماساليت كلشي...
لالة نجمة ( تتعوج فمها ) الله يربح ...
مريام ( باستها مزيرة عليها ) الزين ياربي الزيين..
لالة نجمة ( بتذمر ) حيدي عليا...ياكما شفتي فيا اليوم كمارة راجلك...هو يديرها و انا نوحل فيك !
جات فاتي مع هاد الهدرة ماكاين سلام ولا صواب : شنووو دار سي العراقي شنووو...
ضحكات مريام و ناضت تتسلم عليها : توحشتك احبيبة ديالي...
فاتي : حتى انا العمر...( مشات باست حنين ) حنونة الكتكوتة صافا !!!
حنين : وي صافا...
فاتي : حتى انا صافا وخا ماسولتيش فيا ...
مريام ( جلسات ثاني باغية تدوي و تضحك و تسمع الاخبار ) اجي خليها عليك و جلسي حدايا عاودي ليا ...شنو درتي مع لالة غزلان. .
فاتي : بزاف عليها نقول ليها لالة !! خلينا من العجوز الشنطاء...عاودي ليا عليك...و الزريرق يالالة و الحالة و الزين تيقطر ! هاد الحمالة زيناتك ...
لطيفة : و حمالة الولد تتزين الحاملة ..اما البنت تتاخد زين مها...
جات سلوى حتى هي كانت برا مع جلال خلات ليه سليمان و دخلات مثقلة...سلمات عليهم و جلسات مهلوكة...
_ لطيفة : عاد كنا تنهدرو على حمالة البنت .. شفتي الفرق بين سليمان و دابا...
سلوى : وي الفرق كبيير ... شفتي كيف وليت ! شوفي نييفي اماما جلال كيعايرني بيه صباح و عشية...
فاتي : ههههه جلال ضحكو باسل...النيف كلشي تيكبر ليه مع الحمل و نتي مزال ماكبر ! حتى دخلي للتاسع و شوفي الرضاعة لي غتولي عندك كيف كانت حكمة مسكينة ههههه ..حتى مريام ( ضحكات ) تخايلت مريام .. عندها حبة ماشي نيف !..
مريام ( ضحكات ) والله العظيم... ديما تيقولها ليا عبد الهادي...شبعت تنمر معاكم و معاه...
سلوى ( تتسوط مامرتاحاش مع الحمل ) هاد الرجال تيعرفو غي للتنمر !
قلبوها كلام على الحمل ! حتى قربات حنين همسات لمريام بلي جاتها ! ناضت معاها و حنين صفرا باين عليها الهلكة...عطاتها الويز لي جابتها احتياط ليها ! دارتها و خرجات عندها مزيرة على كرشها...
مريام ( تتبورش من حريق ليغيكل حيت تتدوزها عليها حتى هي ) واش وجعاتك كرشك بزاف ؟
أنت تقرأ
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
