مشات مريام مبتسمة للكوزينة جابت المشروبات و بلاطو د المالح و الحلو بريسيتيج حطاتو و تولات الطبلة و جلسات طالقة شعرها حتى فاقت حنين لابسة بيجامة غوووز خارجة بيها للصالون بحرية عاجبها الحال غي شافت صفاء كاينة بقات واقفة تتلعب بظفيرتها مخلوعة منها...تبسمات ليها صفاء و نطقات...
_ حنين قربي عندي ماتخافيش...بقات واقفة تتشوف فيها و صورتها وهي تتغوت على باها و ضربو لصدرو باقية فبالها ، مابغاتش تمشي عندها ..مشات تخبات عند مريام لي .مشطات ليها شعرها بيديها مبتسمة...
_ ماتخافيش احبيبتي...سيري عندها حشومة ..حنين : لا ااا..
صفاء( قلبات وجهها ) خليها على راحتها...
نبيلة : مالها ؟
مريام : مزال مخلوعة بعد لي وقع ....
صفاء : ممم
مريام : ماتخافيش احبيبتي ...
حنين تتشوف فصفاء بنض عين و شادة فمريام بيديها و رجليها...بقات صفاء تتشوف فيها بنص عين مارضااتش..
_ خليها براحتها امريام خدات عليا نظرة ماغاديش تزول من بالها ....مريام : لا غادي تزول..
بغات تنوض زيرات عليها حنين تتهد تبكي : لااااا...
مريام ( رجعات جلسات ) هادي عميتو احنين... ماغاديش ضرك ! البارح كانت معصبة و صافي احبيبة...
حرام لابغات تفك منها ولا تدوي معاها...حتى ناضت صفاء جلسات حداها باستها فراسها تتسايس معاها تتحسسها انها عمتها لي كانت معاها من الصغر ماشي تصرف فلحضة غضب غادي يخليها تنفرها...
_ حنونة حبيبتي مقلقة مني ! مابقيتيش باغية تدوي معايا بغيتيني نمشي و مانرجعش...ممحنين : لا رد..
نبيلة : الحلاوة ديالنا مقلقة من عميتو ديالها....دابا تبرد ..
صفاء ( باست راس حنين تتنهد ) بخاطرها...حتى هي فاش تتقلق من شي حد ماتتنساش...
نبيلة : عبد الهادي عندو الزين تبارك الله.... فنيونة...
مريام ( تتغمزها ) وي مازوين حتى حد غيرها..شكون فيكم عندو بحال هاد الشعر ! حتى وحدة...
نبيلة ( ضحكات و قالت بهمس ) تيعجبها الحال .
هزات ليها مريام راسها و بقاو تيشكرو فيها حتى هزات راسها تتشوف فيهم حشمانة و تقاد فشعرها عاجبها الحال..صافي البنت بدات تفيق على راسها و تحس بجنابها..
الحرب كانت نايضة و مزال مابردات بعد قررار صفاء لي رفضات ترجع ليهم و فضلات الاستقلالية ! أصيلة تترغب و تبكي عليها و جويرية تتسايس وهي ماتحركات فيها حتى شعرة ...تتقول فاش كنت انا تنعاني حتى واحد ماكان تيعاني معايا...ماسمعاتش ليهم و ماتهزش قلبها عليهم...و كثار فاش جدها و باها ماحاولوش معاها حدهم قالو ليها تحملي مسؤوليتك ..اما عبد الهادي قاليها هدرة وحدة " نهار تعياي انا معاك " هدرة وحدة خلاتها ترتاح و تزعم كثار...و خاصة مع خليل لي تتحسو القلب الحنين فعائلتها كاملة و ماتيشبه لحد فيهم....!
![](https://img.wattpad.com/cover/352017597-288-k368275.jpg)
أنت تقرأ
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...