تكمشات صفاء كي الفلوس تتقلب فثانية ..شافت فباباها تترغبو بعينيها مايخرجش لكن ماسمعش منها...خرج هو و اب عاصم و خلاوها منها الحاج شوف فيا نشوف فيك مرة تتدفع السنطيحة و مرة تتكمش و تهرب عينيها...شاف حتى عيى و قال بحيرة...
_ كملي نسمع شنو عندك الالة صفاء... حنا شنو ؟
تنهدات و شدات راسها بين يديها حتى بدات تتبكي : نتوما ظلمتوني بهاد الزواج و خرجتو عليا ...
الحاج العراقي ( هز راسو بالثقالة ) ظلمتي راسك براسك و القصص القديمة ماعندناش علاش نرجعو نفتحوها ..خلي العقل ينسى احسن ليك...مفهوم !
حركات راسها بالايجاب بزز منها حتى سمعاتو قال : مزيان...دابا شنو باغية ؟!
صفاء ( هزات راسها فيه تتمسح الدموع و يديها تيترعدو ) كيفاش ؟
الحاج : عاصم قرر قرارو ! و نتي ماسمعتش قرارك ! اذا كنتي ضد هاد القرار انا غنتدخل ! و اذا كنتي معاه مابقى مايتقال ...
صفاء ( نطقات باندفاعية ) مابغيتش ..
الحاج ( بتمهل ) شنو مابغيتيش ؟
صفاء ( تعصبات بدون سبب ) مابغيتش تدخل ! خلي الطلاق يكمل ..
الحاج ( بدا يتعصب ) حاسبة الطلاق ساهل !
صفاء : الزواج مع داك المخلوق اصعب من الموت ماشي غي الطلاق..
الحاج ( رفع صوتو بضيق ) عاصم ولد عمك قبل مايكون راجلك...
صفاء ( رفعات صوتها حتى هي سيرتو تتشعل فيها العافية ) نتوما ماخليتوهش يبقى ولد عمي...نتوما لي كرهتوني فيه حتى خسرتو...نتوما سبابي خليتو الدنيا كحلة قدام عيني... كرهت هاد العيشة و كرهت كلشي بغيت نتفك ( شدات راسها بانهيار ) و بغيت نعيش نعيش غنمووت و انا معاكم محبوسة عمرني فحياتي نسمح ليكم...اذا شي نهار قتلت راسي نتوما سبابي...
ضرب فوق البيرو و غووت بغضب وهو تيقرب لعندها معصب : قلة ادبك مابقى حتى واحد كيصبر ليها اصفاء...حتارمي راسك قبل مانبكيك الدم...
خرجات فيه عينيها بحال الا لبساتها شي روح اخرى : شنو غدير كثار من شنو درتي ! وصلت للموت معاه و ماتحركتيش ! هو المزيان يعنفني و يقتلني ضرب و انا الكلبة الحمارة لي عصبتو باش ضربني....ربيييو راسكم عاد ربييوني انا...شوفوو راسكم تفوووو عليكم واحد بواحد..انا هاد الاصل لي جامعني بيكم ماراضياش بيه...العيشة وسط المتشردين خير من العيشة وسطكممم...اناا غنخرج من هنا...
طرشها حتى تقلب وجهها و تصورات يديه فكمارتها بحال الطابع ..شدات حنكها تتبكي و تضحك فنفس الوقت وهي تتسمعو تيقول ..
_ الله ينزل عليك اللعنة اقليلة الادب...العائلة لي نتي كدفلي عليها غيرك كيقلبو عليها بالريق الناشف و مالقاوهاش...الشارع لي باغية تعيشي فيه خرجي ليه من هاد الليلة خلينا نشوفوك شنو غتصنعي فيه ! خرجييي عليااا من هناا خرجي لهاد الشارع و خلييي الفنون الجميلة توكلك الخبز و تعيشك فالعز لي نتي عايشة فيه....خرررجييي و نهار توقفي على كلامي انا هناا و العائلة لي نتي كارهاها غتبقى فاتحة ليك بابها حتى ترجعي و نتي مجربة العافية لي عايشين فيها ولاد الشعب و تحمدي على عيشتك ليل و نهار.....
أنت تقرأ
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
