🍁قيد العراقي 🍁 (طور التنزيل )

part105

معاك واحد دارس قواعد الحب فالكتب ، أما القلب جاهل ...أنا طالب  صبرك  لهاذ المخلوق امريم...

ماعرفات اشمن درجة الحب لهاد الراجل وصلات ، احاسيها و مورالها بيين يديه ..فاش تيكون ساكت و بزز تتوزن راسها اما اذا دوى تينشر سحرو عليها بنص كلمة ، تأثيرو عليها كثار ماكانت تتصور.. تتفكر كيفاش عشقاتو لهاد الدرجة ، و كيفاش ولى مغروس فقلبها لدرجة عمر شي راجل وصل ليها ، باغية تروي عطشها منو حتى تشبع ، و يمكن عمرها تشبع من الكلام معاه..زين ليلها حيت تيكون فيها ديالها ، اما نهارها ولى مغيم وخا الشمس منورة الدنيا ..مغيم حيت تيغيب على عينيها...،

كانت تتستنى تلميح عن الحب بلهفة ، تتلقط اي اشارة منو تعرف واش تيعتابرها مراتو و حبيبة  ولا فقط زوجة ! واش عندها بلاصة فقلبو ...و بكلامو قدر يداوي نص جروحها ، تيعجبها فيه مزاياه الكثيرة وخا فيه عيوب لكن لي خلاها تعشقو وهو الصدق لي تتحسو فيه ، و الثقة لي عندها فكلامو ، عندو مصداقية ماكايناش عند كلشي..، عليها كلامو كان كيف السحر على قلبها...كانت تتقول فعقلها واش الروسية لي ولد معاها حنين ، كان تيبغيها ؟ كيفاش  كان تيتصرف معاها ؟ و علاش تفارقو ؟ واش السبب فالحاج لي وقف ضد علاقتهم بحجة الاسلام !

هاد الاسئلة كاملة كانت تتدور فعقلها و ماباغياش تجبد ليه سيرتها...كانت تتقول فعقلها راه مدوز معاها قصة غرام ! و دابا تيقول قلبو جاهل !! واش داكشي لي فهمات منو هو لي قصد ولا فهمات غلط ..و قلبو فقط جاهل كيفاش يساير الحب لي فقلبها ؟ هي عاشقة و العشق مفروش فعينيها مايكونش صعيب على واحد بحالو يعرف...بين اخد و رد  و تحليل لكلامو كانت عينيه تتقرا افكارها و يديه قربوها لصدرو العاري كثار تيبعد ستاير شعرها على وجهها   وهو تيقول ببحة ..
_ عندك شك فكلامي ؟

هربات عينيها منو وهي في صراع مع نفسها ، بحال داك الام لي باغية تعاقب ولدها على تصرف غالط دارو  بزز منها حتى مايعاودش مرة اخرى وخا قلبها رافض ، و هكاك كانت...هاد الكلام و الحديث معاه و الجلسة و الحميمية ديالو ماتقدرش بثمن و لكن ماعندهاش الجهد يتعاود مرة اخرى ..، حساتو تيلعب ليها فسميطات السوتيان و يسرح يديه مع شعرها على طولتو و قال بدفىء ...
_ كتعاقبيني بسكاتك ؟

مريام ( بصوت حاني ) لا ، تنشوف راسي عمرني كان عندي شك فيك ولا فكلامك ، و عمرني رفعت عليك صوتي حدا شي حد ! .عكسك نتا ! شوف شنو درتي معايا اليوم و شنو درتي معايا داك النهار فالريسطو قدام حنين ...الغلط الوحيد لي كان ديالي هو انني غفلت على راسي و نزلت حيت ماحسابش ليا شكون جاي ! و نسيت و غفلت وي غلطت هنا ! لا فوط ديالي و حتى انا ماعجبنيش الحال ...( بصوت مرتجف ) ربي شاهد عليا شحال محتارماك قدامك و فغيابك و عارفة لي عليا و كنتفادا اي حاجة تقدر نتخاصمو عليها.
.عقد حجبانو و دوى بنبرة هادية رزينة : خصامك نهار على نهار كيزيد يمرار...! واش عقلك كيقول انا كنفرح وقت نتخاصمو ؟علاش وقت نتناقشو كتفضلي السكات و تهربي !