تأملاتو من الزاجة خارج و زمات شفايفها بحقد...! اما هووو ركب سيارتو و قلع و التليفون فيديه تيدوز رقم نسرين لي صيفطاتو ليه نبيلة...صونا جوج مرات عاد جاه صوتها الانثوي المستفهم...
_ الو ؟محمد ( بحدة ) السلام عليكم نسرين...انا محمد ...
نسرين ( بصدمة ) شكون محمد...
محمد ( عض فكو من الداخل عاقد حجبانو ) محمد العراقي ..
نسرين ( تحول صوتها لقلق ) نبيييلة بنتي وقعات ليها شي حاجة...بنتي امحمد ماالهااا...
محمد ( بهدوء ) ماوقع ليها والو ! نبيلة بخير .. حم مسالية دابا نهدرو شوية ؟
نسرين ( باستغراب ) فاش ؟
محمد ( بجدية ) موضوع نبيلة ! الكلام ماشي ديال التليفون...خرجي انا برا كنستناك...
قطع عليها خلاها غي تتشوف فداك التليفون مصدومة...مشات طلات عليه من البالكون لابسة غي تيشرت طويلة و لارج و كولون ضيق للركبة و شعرها مجموه باهمال...شافت طموبيلتو الفخمة و عقدات حجبانها فيه فاش شافتو تيشوف ناحيتها... دخلات بضيق و مشات لبيتها تتبدل عليها و تأنتك..ماشي على قبلو ! نسرين من ديما مهلية فراسها و تتموت على اللباس و الأناقة ..وخا تكون خارجة غي تسخر !
بعض لحضات خرجات عندو لابسة غوب فالنواغ كلاص عندها سميطة رقيقة فالخصر و شعرها البني جامعاه كعكة أنيقة ملامحها تيدلو على الكره و النفور ..خرج عندها فتح ليها الباب تركب لكن مابغاتش حدها شافت فيه و قالت عاقدة حجبانها ..
_ فين غنمشيو ؟
محمد ( ضربها ليها بتخنزيرة ) ركبي بلا مرض !! غنهدرو واقفين ؟نسرين ( تعصبات ) غنمشي فطموبيل نبيلة ..قولي البلاصة فين ؟
محمد ( شاف حتى عيى و شعط داك الباب راجع لبلاصتو تيدوي بغرور ) تبعيني ...
مشات بصبر ركبات سيارة نبيلة و تبعاتو تتسوط و تنفخ...
_ الزمر كييطير...الله يعطيه كسيدة ...طلع ليها فتليفونها تيصوني ردات عليه تتسمعو صوتو و نبرة العصبية...
_ واش كنظل كنستنى فيك !! طلقي راسك ...نسرين ( بنفس النبرة ) و نتا كتسوك بالزربة انا لااا...عطيني العنوان فين و هني راسك و هنيني معاك...
قطعات عليه تترد ليه الصرف ودمها تيغلي بكره ..جاها ميساج فيه العنوان و تبعاتو حتى وصلات للريسطو و دخلات بهدوء و بشوية عليها ..شير ليها فين جالس وجات لعندو جلسات ماتتشوفش فيه...
_ شنو باغي تقول على بنتي ؟محمد ( تيشوف فالمينو و يهدر بجدية ) فرح نبيلة غيتقام عندنا..الخلاف لي بيني و بينك نسايه هاد الفترة !! و اجي شاركي بنتك فرحتها...
نسرين ( كمشات فيه عينيها ) ماغنجيش ؛ و بنتي غتفرح براسها عندي...
محمد ( طلع فيها عين قاصحة ) ماتكونيش انانية و تسبقي راسك على بنتك !!! مافكرتيش فديك البنت ديما مقسومة على جوج...نسرين ردي عقلك بلاصتو حتى يدوز كلشي على خيررر...
![](https://img.wattpad.com/cover/352017597-288-k368275.jpg)
أنت تقرأ
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...