ඉරිසියාකාර පෙම්වතා | TAEKOOK FANFICTION~ (ongoing)

CHAPTER 07~

එදා දවසේ රැය ගෙවිලා ගියේ හීයක වේගයෙන්... ජන්කුක් ට ගමනේ මහන්සිය නිසාමද මන්දා තමන් නිදාගත්තේ කීයටද කියලවත් මතකයක් නැති වෙලා ගිහින් තිබුනා...

උදේ හිරු කිරණත් එක්ක අලුත් දවසක් අලුත් ප්‍රභෝධයක් එක්ක හැමෝම දවස ආරම්භ කරා... අද කාට විශේෂ නැති වුනත් ජන්කුක් අදුරන ජන්කුක් ගේ පවුලේ අයට අද ගොඩක් විශේෂ දවසක්... ඒ තමයි අද ජන්කුක් ගේ බර්ත්ඩේ එක... ඒ වගේම අද කොලේජ් එකේ නිවාඩු දවසක් වුන එකත් හොද කරුණක් වුනා...

ටොක් ටොක්

උදේ දහයේ කනිසම පහු වෙලා දැන් විනාඩි 20 ක් 30 ක් විතර ගිහින් ඇති... යුහි ගේ ගෙදරට උදේම කිව්වට චුට්ටක් දවල් වෙලා ආවේ ඊයේ මදි නොකියන්න රිදෙන්නම කාපු ජියොන් වෙන කොට අද නම් ජියොන් හිටියේ ගෙනාපු මොනාහරි ලොකු මල්ලක් එයාගේ ඉස්සරහින් තියාගෙන... හරියටම ඒ මල්ලෙන් එයාව ආරක්ෂා කරගන්න වගේ...

ටොක් ටොක්

" කමින්... "

දෙවෙනි සැරේටත් දොරට තට්ටු කරපු ජියොන්ට ඇතුලේ ඉදන් යූහි කතා කරන ගමන් එන සද්දේ ඇහෙන කොට එයාගේ හර්ද වස්තුව ගිඩි ගිඩි ගාලා ගැහෙනවා කියලා ජියොන් ට හිතුනා...

" ඕඕඕඕ.."

යූහි කියලා හිතලා බලාපොරොත්තුවෙන් හිටියත් දොර ඇරියේ ජන්කුක් ගේ වයසේ හිටපු කොල්ලෙක්... ඒ කොල්ලා දොර ඇරපු ගමන් කටත් ඕ ශේප් එකට තියන් ඕඕඕ කියලා දත් සෙට් එක පෙන්නුවාම ජියොනුත් ආපස්සට ඒ කොල්ලට හිනා වුනා...

" කවුද ආවේ හොබීත... "

පළවෙනියට ආපු කොල්ලට පස්සෙන් තව එකෙක් එබිලා බැලුවත් ජියොන් නම් ඒ කවුද කියලා කියන්න දන්නේ නෑ... ජියොන්ගේ සාමාන්‍ය දැනීමට අනුව නම් මේ කොල්ලෝ දෙන්නම ජන්කුක්ගේ වයසේ වෙන්න ඕනි... ඒත් ඉතිම් එයා ජන්කුක්ගේ යාළුවන්ව අදුරන්නේ නෑනේ... හැබැයි ඒ දෙන්නම ජියොන්ව නම් හොදට අදුරනවා...

" ජියොන් අන්කල්... "

අර දෙන්නම දත් සෙට් එක ජියොන්ට පෙන්නගෙන හිටියත් කවුරුවත් වචනයක් වත් කතා කලේ නෑ... ඒ දෙන්නටම පිටි පස්සෙන් ආපු අනිත් කොල්ලා ජියොන් ට අන්කල් කියලා කතා කරන කොට ජියොන් ගේ ඇස් ගියේ ඒ කවුද කියලා බලන්න වුනත් ජියොන් ඒ කොල්ලව හොඳට අදුරනවා...