ඉරිසියාකාර පෙම්වතා | TAEKOOK FANFICTION~ (ongoing)

CHAPTER 11~

After 3 days...

" මාත් එනෝ... "

" ගෙදර පලයන් කට වහගෙන... "

"අනේ යූහි ඔම්මා මාවත් එක්කන් යන්න කියන්නකෝ ම්හූ... "

නිවාඩු දවසක් වුන සෙනසුරාදා දවසේ ගමනක් යන්න ඕනි කියලා ජන්කුක් ගෙදරින් යන්න හැදුවත් කෑම වගේකුත් උස්සන් උදේ පාන්දරම ජන්කුක්ලගේ ගෙදරට කඩා වැදුනු ටේහ්‍යුන් දැන් නාහෙන් අඩන්නේ ජන්කුක් එක්ක යන්න ඕනි කියලා...

" ජන් ටේ බබාවත් එක්කන් යන්නකෝ ඉතින්... "

" මන් යන්නෙ වැදගත් වැඩකට නේ ඔම්මා... "

ටේහ්‍යුන් ගෙනාපු tteokbokki, kimchi rice, chicken soup යන කෑම ටික මේසෙන් තියා ගත්ත ජන්කුක් ටේහ්‍යුන්ග්ටත් සද්දයක් දාන ගමන් කෑම එක රහ කර කර කන්න පටන් ගත්තේ එයාගේ බබාගේ අත් ගුනේ ගැන හිත යටින් සතුටු වෙන ගමන්...

" අනේ යූහි ඔම්මාආආ... "

" ජන් හැබැයි මන් ආයි කියන්නෑ ටේ බබාවත් එක්කන් යන්න ඕනි... "

ජන්කුක් බෑ කියලා කියන නිසාම ඇස් වලට කඳුළු පුරවගත්ත ටේහ්‍යුන් යූහිගේ දකුණු අත් ගොබේ කම්මුල් තද කරන් අඩන්න වගේ කතා කරාම හිත උණු වුන යූහි ජන්කුක්ට වෝන් එකක් දුන්නා...

යූහි ඔච්චරටම කියන නිසා එයාලා දෙන්නා දිහා බලලා ලාවට වගේ ඔළුව හෙලෙව්ව ජන්කුක් ආපහු කන්න ගත්තා...

" ජන් මාත් යනවා.. පරිස්සමට ගිහින් එන්න ඕනි හොදද.. ටේ බබාවත් බලගන්න හරිද.. "

" ම්ම්.. පරිස්සමින් ඔම්මා.. "

ෆ්ලවර් ශොප් එකට යන්න පරක්කු වෙන නිසාම ටේහ්‍යුන්ගේ නඩුව විසදලා ඉවර කරපු යූහි ජන්කුක් ලගට ඇවිත් එයාගේ බෑග් එකට කෑම එකත් එක්ක ෆෝන් එක දාගන්න ගමන් ජන්කුක්ට උපදෙස් දීලා, ටේහ්‍යුන්වත් බලාගන්න කියලා ජන්කුක්ගේ හිස් මුදුනට සිපුමක් තියලා ටේහ්‍යුන් ගාවට ආවා...

" ජන් කියන දේ අහලා හොද බබෙක් වෙන්න ඕනි තේරුනාද... ම්ම්.. පරිස්සමින් කරන දෙයක්.. "

" ඕකේ යූහි ඔම්මා... "

ජන්කුක්ට හොරෙන් ටේහ්‍යුන් එක්ක රහසින් කුටු කුටු ගෑව යූහි ටේහ්‍යුන්ගෙත් ඔළුවට සිපුමක් තියලා දෙන්නටම සමු දීලා දොරත් වහගෙන ගියේ අද නම් හොදටම පරක්කුයි කියලා තමන්ටම කියාගන්න ගමන්...