وليد ينزل من السياره : وه فديت ريحه الامارات والله ولها طعم ثاني . .
انا انزل : هيه والله . .
شهاب يبتسم : والله ونورتو وشرفتو . . . بس ليش ما بغيتوني اخبر حد
وليد يأشر : اختك . .
انا اطالع شهاب : جذاااااااب حتى اخوك ما يبا . .
وليد : شهاب بتصدقها ؟ الا حركات بنات هاي اونه بفاجئهم . .
انا : انزين جب جب . .
شهاب : ترا محد فالبيت . . كلهم في بيت يدي اليوم . . لان ماجتمعو الظهر ع الغدا ف يدوه خلتهم يجتمعون ع العشا عندها . .
وليد يطالعني : عيل انا بسبقج . . بسير بيت يدي . .
شهاب : وانا وياك . .
وليد يطالعني : تزيغين تمشين روحج
انا اطالعه : روح روح . . 21 سنه وانا امشي روحي ليل نهار الفير طول الوقت . .
وليد يبتسم : ساحره . . ااذا خفتي " يبتسم " دقي . .
شهاب : امش امش . .ودر حركات المعرسين عنك . .
ابتسمت وسبقوني راحو . .
قبل 3 ايام . . اخر شي قلتلكم اياه ان وليد رقد ع ريلي . . عقبها مرض يومين . . ماصار شي يديد بيني وبينه . . لانه كان مريض وايد من الجو . . الحمى ما تفارجه . . حجز لنا تذكره واقرب تذكره كانت اليوم الي هو الجمعه . . مممم شي واحد صار بس وماقدر انساه . . لما كان مريض ومنسدح فالغرفه الي هو فيها . . كنت حاطه ع راسه كماادات ولافه ع عمري شيله الصلاه لكن ماكنت راصه عليها . . يعني شعري شوي طالع وشوي من لبسي . . كانت مفتوحه تقريبا . .
شليت الكمادات من راسه . . حطيتها ف الماي المتروس ثلج . . نشفتها وكنت يايه احطها ع راسه لكنه سحبها عني ورادها وحط ايدي فوق يبهته . . .
وليد : خلي ايدج اهني وانا بصير زين . . ايدج دومها بارده
انا سكت ماقلتله شي . . كان مريض وايد لدرجه انه يهلوس . .
وليد : سيف . .
انا اطالعه . .
وليد : تفكرين فيه تحبينه . . حبيتيه وايد . . ليش . . حبيبني . .
انا يايه اوخر ايدي عسبت ارد الكمادات لكن مسكها
وليد يفتح عينه : لاتتخلين عني . .
انا اطالعه : ماراح اتخلى عنك . . انت ف اصعب الاوقات وقفت ويايه . . وتحملتني . . كيف تبيني اتخلى عنك
وليد : حتى . . لو قلبج تم ينبض له . .
انا اطالعه وماتكلمت
وليد : لالا . . مستحيل قلبج يتم ينبض له بتنضربين . . " يبتسم " اقصد . . يوم بتشوفيننه بتحبينه بتحنين ؟
عقبها يسكت
وليد : شقاعد اقول . . ماحاس بعمري
انا : خلاص اهدى وريح . .
وليد يطالعني وعينه حمرا : انا تعبان . .
انا امسح ع راسه : اسم الله عليك ياولد عمي
وليد يبتسم . .
انا اطالعه . .
وليد يفتح عينه : لما تقوليلي ولد عمي افرح . . لما تقوليلي حبيبي كيف بحس . .
انا ابتسم . . : جب ونام . .
وليد يبتسم . . : لا تتحركين من اهني . . عشان انام . .
انا : بتم اهني ما بتحرك . .
وليد : توعديني حتى لو نمت ما تتحركين . .
انا : اوعدك حتى لو نمت ما اتحرك . .
وليد يبتسم : صدق . .
انا ابتسم : صدق . .
غمض عينه وعلى طول غط ف نومه وانا تميت ابدل له الكمادات وافكر . . لما اشوف سيف مابي جزء من مشاعري ترد . . خلاص . .ابي اعطي نفسي فرصه احب وليد وبس . . ابا يكون قلبي صافي عشان اقدر ادخل وليد فيه . . تنهدت وتميت معاه مثل ما موعدته ما غمضت لي عين خفت انه يتعب . . لين قام وكان احس شوي . .
وليد يطالعني : بعدج . . " يطالع الوقت " مانمتي . .
انا اطالعه : انت قلتلي لا تنامين
وليد : انا ؟ متى . .
انا ابتسمت
وليد : تتبلين علي
انا ابتسمت : شو تحس
وليد : الحمدلله اهون . . روحي ارقدي ريحي عيونج . .
انا : انت بتكمل رقادك . .
وليد : بنش بصلي الفير وبرد اكمل رقادي . .
انا ابتسمت : انزين . .
وليد تقرب باس راسي : اسمحيلي بنت عمي تعبتج معايه . .
انا اطالعه : شـهالكلام . .
وليد : لا جد اسمحيلي . . خليت عيونج تتعب " يقرص خدي "
ابتسمت . .
وليد يبتسم وبصوت تعبان : تؤبرني هيك ابتسامه . .
اانا قمت : يالله قوم قوم . .
وقام عقبها . .
دخلت بيتنا . . ع طول سبحت وعقبها صليت فرض العشا ولبست لي جلابيه خفيفه مرتبه .. وتعدلت شوي عسبت يشوفوني حلوه . . كثرت من العطر وخذتلي شيله بيضا وطلعت . . .
اول ما طلعت من بيتنا شفته ف ويهي وانصدمت . .
سيف : وليد . .
انا اطالعه : شفيه
سيف يرجف . .
انا اطالع سيف : وليد شفييييييييييه . .
سيف : ودوه المستشفى
انا اشهق : ليش . .
سيف : ماعرف . . كلهم راحو وقالولج انج اهني روحج . . . امشي بوديج . . البسي عباتج
ركضت حجرتي وانا ماحاسه بعمري . . لبست عباتي بسرعه وشيلتي وركضت مره ثانيه . .
شفته موقف السياره عند باب البيت ركبت بسرعه وتحركنا . .
شصار له فجاه . . ماكان فيه شي . . تميت ارجف من الخوف عليه . . كنت قابضه ايديني وراصه عليهم بقو ومغمضه وادعي ما يكون فيه شي . .
سيف يطالعني : خايفه عليه . .
انا اطالعه : شصار فيه فجاه كيف طاح
سيف ببرود غير عن مساع : مادري . .
تميت ساكته وادعي وادعي وادعي . .
انا اطالعه : اي مستشفى . . ليش لفيت اهني . .
سيف ساكت . .
انا اطالع سيف واصارخ : ودني عند وليييييييييييييييد . .
سيف يصارخ : اسسسسسكتي مابا اسمع لج حسسسسسس . .
انا اطالعه : شقاعد تسسسوي انت . . ودني عند وليد . .
وصلنا مكان ماعرف ويييييين .!!!!!! تميت اشوف . . فندق . .
انا مارضيت انزل من السياره لكنه نزلني غصب . .
كنت اصارخ وحط ايده ع حلجي . . تميت ارافس واضربه لكنه صفعني كفف . .
انا اشهق : شقاااااااااااااااعد تسسسسوي . .
سيف يطالعني : امشي . .
انا اصارخ : مابدخخخخخخخخخخخخخخل . .
سحبني بقوه ودخلني من الباب الخلفي للفندق . . كان عنده بطاقه وفتح الباب ب بطاقه . . كان في سكيورتي واقف لكنه يرمس ف الفون وسيف مسك حلجي عسب ما اصارخ وخلاني امشي جدامه بسرعه وما لاحظني السيكورتي ابد فالظلام . .
ركبني اللفت وانا اصارخ واعض ايده لكنه راص بالقو . . . شعوري كان فظيع . . خوف ارتباك ماعرف اوصفه ابد . .
انفتح اللفت وع اول غرفه ف اليمين دخلني بقوه وسكر الباب . .
تميت اركض فالغرفه . . الغرفه متوسطه ماعرف شسوي و وين اروح . . تميت اكسر الاغراض واصارخ . .
سيف : لو تكلمنا . . ماراح امسك شعره من راسج . .
انا ارجف وخايفه وكنت متسانده ع البلكونه . .
سيف : قعدي . .
قسم بالله شعوري فظيع . . خوووووووف من هالانسان الي ماكنت اخاف منه ابد . . الي كان صاينني وحامني والكل يعرف كيف تعامله معاي غير . . ليش قاعد يتصرف بهالوحشيه انا مش قادره افهم . . انا اطالعه وارجف : تكلم . .
سيف يا صوبي وسحبني وخلاني اقعد ع السرير . .
انا ارجف . .
سيف يطالعني : تحبيني . .
انا اطالعه : لا . .
سيف بعصبيه : تحبيني ولا لاء . .
انا اطالع ف عينه : قلتلك لااااااا لاااااااا . .
يايه اقوم بس مسكني بقوه بايده لدرجه انه عورني .. : اقعدي مكااااااااااااانج . .
انا : خلني الله يخليك " نزلت دموعي " لا تسوي فيني جذي . . انا بنت عمك سيف . . بنت عمك . .
سيف : ماشي الا هالطرييقه عشان تودرينه وتاخذيني .
انا اطالعه : انت ماتبيني . . ليش تبي تاخذني
سيف : 21 سنه مكتوبه لي . . ليش تمحين الي بينا ..
انا : ما امحي شي بس ماشي نصيب وانت ما حبيتني . . ليش تبي اتم معاي وانت ما حبيتني
سيف :ما حبيتج بس انتي تعشقيني . .انتي تموتين ف ترابي . . انتي ملكي انا وبس محد ياخذج ويلمسج غيري . . تحرمين ع ريال ثاني . . ليش تركتيني عشان هالزباله الي مايسوى . .
انا اطالعه واصيح : خلني الله يخليك . . خلني . .
سيف : لو خليتج ما بتتركين وليد
انا اطالعه : بتركه . . صدقني بتركه
سيف : جذابه . . لانج تسايريني . . تتحريني توني اعرفج
انا اصيح من قلب : سيف لا تسوي جيه . . انت مش وحش . .
سيف يطالعني : انتي خليتيني وحش . .
انا اصارخ : انت تركتني . . انت ما حبيتني
سيف يصارخ : انتي الي تركتيني . .
انا : لانك ما حبيتني ما حبييييييييتني . . ليش اتم معاك وانت ما حبيتتتتتتتتني
سيف : بس كنت اراعيج . . واهتم فيج . . وصنتتتتتتتتتج
انا : كمل معروفك و صوووووووووووووووني . . صوووني انا بنت عمك لا تتخبل . .
سيف يطالعني . .
انا اصيح : الله يخليك خلني ف حالي . . الله ييييييييخليك . .
سيف : انتي حقي انا وبس . . انتي ملكي انا . . انت لسيف مش ل حد ثاني . . هالشي عقب ما صار له سنيييييين يايه تغيرينه الحين ليش . . عشان هالززززفت . . انتي شو تعرفين عنه . . انتي مغشوشه فيه لو تشوفينه واحد زين . . ها خرا يقص عليج . . يباج تحبينه لانه يبا يعيش الحب . . محد حبه ف يوم ولا حد قدره وتم معااااااااااااااااه . . واحد معقققققققد خسيس
انا اصيح : بترككم كلكم بس لا تسوي فيني جذي . . الله يخليك سيف . .
نزلت عند ريله : ببوس ريلك . .
سيف نزل ع الارض : لا . . محشومه بنت عمي . . محشومه
انا اطالعه واصيح . . : خلني اروح . . الله يخليك . .
