بعد معااااااناه طويييله وحنه على رااااسي وافقت اني اتحنا . . كنت رافضه الفكره عشان يدي الله يرحمه . . قلتلهم مش وقته الحين . . لكن بنات عمي وامي واختي حطوني ف الامر الواقع يابولي الحنايه لين بيت امي وحلفو علي اتحنى عشان وليد بيرد باجر . . وتحنيييت حنى عرايس ايد و ريل . . وحتى هم الي دفعو ما دفعت شي انا . . !! وبصباح اليوم الثاني اول ما اصبح ودتني عنود الصااالون واستشورو شعري وقصيت قصتي ع مستوى حواجبي مدرج . . وسوولي بدكيير ومنكير . .
انا : عروس عروس !! عروس وحامل !!
عنود : جبببب ولا كلمه .. انا هاده عنودي بنتي عشانج يالله اصصص . .
بعدها لما نزلتني بيت امي يابتلي فستان لويس فيتون سكري يجنن يجنن . . كانت ماخذتلي وماخذتلها لما كانت ف دبي مول . .
طبعا من رديت من الصالون ع طول سرت بيت امي قعدت شوي وشليت حمود و سرت بيتي بسرعه لاني اعرف من الصبح والظهر ام وليد تختفي ما تكون موجود يا راقده او تكون صوب الزرع من ورى . . ع فكره مر شهرر ! ولا اي حد لاحظ او عرف بـ امر ام وليد . . حتى عمي سعيد ما لاحظ لانه ما يا البيت وسافر العمرره وعقبها تم ف ابوظبي هو وعمي حمد وللحين مارجعو . .
يييت البيت وغديت حمودي فوق وتغدييت وقضيت وقتي معاه لين بعد صلاه العشا . . بعدها خليته يلعب بالايفون والايباد . . وانا تمييت اتمكيج واتعدل واتعطررت وادخنت ولبست الفستان كاااااان رهييييييب . . حسيت روحي عروس من اول ويديد مع بطن خفيف ههههه . . كان خاطري ألبسس كعب بس امي محلفتني ما ألبس ف اكتفيت ب خلخال ع ريلي وتميت حافيه . . لبست ذهب خفيف بعد وخواتم وساعتي . . وخلاااااص . . فنششش . .
استانست ع عمري . . حلو شعور البنت يوم فجاه تتعدل وتترتب وتتكشخ . . انتعاااش . .
مسكت فوني واستغربت صارت الساعه 9 وللحين وليد ما اتصل ولا طرش اي مسج . .
المفروض من الساعه 7 ونص يكون واصل . . ليش للحين ما اتصل . . ماتصلت فيه . . كنت يايه ادق للخدامه حق حمودي بس شفته راقد . . شليته وديته الحجره الي عدالي . . وقعدت ارتب السرير . . رديت بخرت الحجره اكثر ورتبتها . . بعدها قعدت ومسكت تلفوني وفجيت القروب تميت اقرا سوالفهم . .
>
<
>
رقوي : شهاااااب . .
شهاب يصد : انتي شو مواعنج الحين . .
رقوي : مواصله بعدني ما رقدت . .
شهاب : شمطلعنج من فير الله . .
رقوي : كنت بقولك صباح الخير عقب برقد . .
شهاب عاقد حياته : من متى انتي برع . .
رقوي : والللله توا
شهاب : كيف عرفتي اني الحين طالع !!!!!
رقوي : اففف كنت اوااااايج من البااااب ما طلعت . .
شهاب يطالعها . .
رقوي : اففففف انا حماره انزين ماعندي سالفه اواصل عشان بس اقولك صباح الخير لو راااااايحه ارقد اصلا اول ما ياني رقاد جاااان احسسسن بدال ما احصل هزاااااب واحصصصصل
شهاب يقاطعها : صباح الورد . .
رقوي سكتت وتطالعه ..
شهاب : صباحج جوري . . " يبتسم "
رقوي : . .
شهاب : صباح لسانج الطويل . .
رقوي بلعت ريجها بصوت مسموع . .
شهاب : ههههههههههههههههه . . شقلت ؟ بس صبحت عليج شفيج . .
رقوي : انزين شوه اانا شسويت تتحراني ما شايفه خير يعني
شهاب : ايه ها الي مبين من ويهج ما شايفه خير ابد . .
رقوي : جب جب انزيين . . يالله روح الدوام روح . .
شهاب يبتسم : مواصله عشاني . .
رقوي وهي بدون ما تحس وتطالع عيونه : هيه . .
شهاب يبتسم . .
رقوي : لاء !! مش عشانك عشانك يعني . . لكن جي قلت دامني سهرانه خل اصبح عليك شو بخسسر يعني . . منها اخلي يومك حلو
شهاب : الله يستر من يومي . . انا من الحين بطني يعورني مادري شبيصير . .
رقوي : ححححححححييييييواااااان اصلاا انته
شهاب يتقرب منها وهي ترجع ع ورا : اسحبها خلاص والله اسحبها . .
شهاب تم يتجدم وهي ترجع ع ورا لين دشت بيتهم . .
شهاب : خلج داخل . .
رقوي تطالعه . .
شهاب : نطري خبر الملجه جريب . .
رقوي فاجه عينها ع وسعهن : احلف . .
شهاب عاقد حياته . .
رقوي : اصلا انا مش مستعيله . .
شهاب : حلو دام مهب مستعيله انا اقول ننطر سنتين ثلاث بعد
رقوي تقاطعه : للااااااالالالالا مستتتتتتتعيله والله العظيييييم . .
شهاب يبتسم : ايه خلج عاجل . .
رقوي تبتسم . .
شهاب : شفيج . . مينونه؟
رقوي : الله يرحم . .
شهاب يطالعها . .
رقوي : هالابتسامه ماكنت اجوفها مول . .
شهاب يبتسم ابتسامه عريضه اكثر : لهالدرجه كنت قاسي . .
رقوي : قاسي بس ؟ الا قلب مافيك . . متحجججر . . متصخر . .
شهاب : انتي مال صخخخر ينطق ع راسج يالـ . . " يبتسم "
رقوي : ههههههههههههههههههههههههه هه . .
شهاب يبتسم : يالله روحي داخل وانا بروح الدوام . .
رقوي : انزين اتحمل ع روحك . .
شهاب : مهب لايق . . ياهل ياهل . .
رقوي تحط ايدها ع خصرها : اييييه انا بتخرج من الثانويه الحين لا اتم تقولي ياهل . .
شهاب : تعالي وين قدمتي ؟
رقوي : هاه
شهاب يطالعها بصدمه :ليكون جامعه الامارات . . ليكون سكن ؟
رقوي : روح الدوام بتتاخر . .
شهاب عاقد حياته : جاوبي . .
رقوي : انزين شو فيها لو رحت سكن . .
شهاب : يعني سويتي الي براسج؟ زين . .
عطاها ظهره بيمشي جان تزخه من جتفه بسرعه : للللللحظظظظظظظه
شهاب هد ايدها بقوه واطالعها
رقوي : قدمت ف التقنيه عند مهور . .
شهاب يبتسم : عارف . .
رقوي عاقده حياتها : شووووه
شهاب : قالتلي مهاري . .
رقوي : الحييييوانه هاي ماتررووووم تيود لسانها دوده فيها . .
شهاب : يالله بتاخر " يبتسم "
رقوي : انزين تحمل ع روحك " تبتسم "
شهاب : ههههههههههه والله مهب صاحيه . . مع السلامه . .
وراح عنها . .
هالكلام كانت كاتبتنه الصبح بس محد راد عليها . . ع الظهر كتبت مره ثانيه . .
>
<
>
شهاب : انتي ما تنامين ؟
رقوي : مانمت . .
شهاب : شعندج !!
رقوي : متى بنملج . .
شهاب : تنطريني عشان تساليني هالسؤال ؟
رقوي : هيه . .
شهاب : جفتي عيونج . . جفتي ويهج قبل لا تساليني ؟ اي واحد يشوفج جي يرفض فكره الزواج بتاتاً . . !!
رقوي : جب جب اعرف اني حلوه بكل حالاتي . .
شهاب : من الحلوه
رقوي : انا . .
شهاب يبتسم : ترا والله لو شفتي ويهج بتكرهين روحج انج خليتي اجوفج بهالمنظر
رقوي : عادي عادي بكره روحي . . يالله جاوبني . .
شهاب يطالع ريولها : ماعندكم نعله فالبيت ؟
رقوي : عندنا ليش . . " جان تطالع ريولها "
شهاب : الشمس حاره . . ديناصور انتي
رقوي : شهاب انا سالتك سؤال ممكن تجااااااوب
شهاب يبتسم : مصدع من الدوام لا تصدعين راسي اكثر وروحي داخل قبل لا احد يشوفج معاي . .
رقوي : انزين بروح البيت ببدل ملابسي وبنتغدا عند يدوه . .
شهاب : لا امي مسوتلي مجبوس لحم
رقوي : انزين انا بي اتغدا عندكم . .
شهاب : لااااا تجييين ما ابي اشششوفج
رقوي : جاوبني ياللله " بدت تتحرك ريولها يمين يسار وتنقز شوي شوي "
شهاب : هههههههههه احترقتي . .
رقوي : شهاب
شهاب يطالعها ويبتسم : متى تبين . .
رقوي : اححححححححححححححححححلف . . اقدر اختااااار متى ؟؟؟؟؟؟
شهاب يبتسم . . : ايه .. اختاري . .
رقوي : شرايك عقب ما تطلع النتيجه . .
شهاب : ومتى تطلع النتيجه ؟
رقوي : عقب يومين . .
شهاب مد ايده ب استهبال بيضربها . .
رقوي : هههههههههههههه انيزييييين شووووووو فييييك شهاب ترا ف المحكمه ماحتاج اسوي واشتري شي يعني . .
شهاب : ليش مستعيله ع الملجه شتبين انتي . .
رقوي : ابي احظنك . .
شهاب سكت وتم يطالعها . .
رقوي : والله ابي احظنك . .
شهاب تام يطالعها من الخاااااطر ما قال ولا ششششي . .
رقوي : اذا تبا تعطيني هديه نجاحي هاي بتكون احلى هديه ترى انزين . . " تنقز " وااااي احترقت خلاص بروح داخل . .
