الحرمه : ما بدخليني داخل ؟
انا : دخلي . .
دخلت الحرمه وانصدمت من الشنطه الي دخلت معاها . . مشيت معاها قعدتها فالصاله . . تميت بس اطالعها لين قعدت . . جميله وايد جميله . . او يمكن الغيره مخلتني اشوفها احلى مني . .
انا : ما بتتكلمين
الحرمه : انا ماتوقعت ان وليد متزوج . . لو كنت ادري جان ما دخلت حياته مره ثانيه . . لكن الامر ضروري . .
انا : شو الي ضروري . .
الحرمه : اسمي اماني . . و ولدي اسمه حمد
انا اشهق : حمممد . .
الولد الي كنت ابا اسميه ولدي . .
الحرمه : وليد كان ف خاطره هالاسم . .
بلعت ريجي بقهر . .
الحرمه : متى بي وليد ؟
تميت اطالع ولده . . وايد وايد يشبهه . .
شوي وانفتح الباب . .
وليد : انا رديييت يا ام اللوززززز " ويصد يطالعنا وطاح الكيس الي ف ايده كله " . .
تم وليد يطالعني فتره واانا اطالعه بنظره اقوى من نظرته . .
وليد : انتي شو تسوين اهني " يطالع الحرمه "
انا غمضت عيني بقوه : يعني السالفه صدق . . لين هاللحظه وانا احس انها جذب . .
وليد يطالع الياهل . . حسيت من نظراته انه استغرب لان الياهل يشبهه بشكل ملحووووظ . .
الحرمه : اقعد خلنا نرمس . .
وليد تقرب وتم يطالعني بس نظراته علي وكان ياي يقعد يمي . .
انا : لو سمحت اقعد بعيد . .
وليد : مهره
انا بانفعال : ارجووووووووك . .
الولد خاف وتلصق ف امه . .
وليد : تكلمي شو عندج . .
الحرمه : هذا ولدك . .
وليد يطالعها بصدمه . .
الحرمه : من عقب ما طلقتني انا كنت حامل بس ماخبرتك . . لاني اعرف انك بترقض الولد وانا كنت اباه . .
وليد مش مستوعب : انتي شتخربطين . .
الحرمه : حمد . . ولدك . . عمره 4 سنين ونص . . ثاني روضه . .
انا بس كنت اطالعهم ما ارمس ..
وليد : كييييييف عقب كل هالسنين يايه تقوليلي انه ولدي كيف . . شو الي رجعج دامج اخترتي انه يكون لج وانتي بتربينه ليش رجعتتتتي . . ليش يبتيه . . ليش
انا : وليد . . " صديت اطالعه عدل " الولد يفهم . .
اماني تطالعني وعقب طلعت من شنطتها ايفون : روح حمودي ألعب اهناك حبيبي . .
