ثاني يوم العمره . . اميه تدقني بخفيف . .
اميه : مهره اميه نشي . . بنسير نصلي الفير . .
انا افتح عيني : ان شاء الله . .
قامت قبلي وقمت بعدها بدلت ملابسي عقب رحت تغسلت وتوضيت . .
طلعت من الغرفه وانا لابسه عباتي وشيلتي وكان قاعد يستغفر هو وشهاب . .
وليد يطالعني ويبتسم : صباح الخير . .
انا اطالعه وابتسم : صباح النور . .
وليد : شخبارج . .
شهاب : حالها بيتغير من امس لين اليوم . .
وليد : انت شتبي . .
شهاب يبتسم : شخبارج اختيه
وليد يطالعه
انا ابتسم : بخير فديتك
وليد عاقد حياته : فديتك بعد؟ هالمعفن يستاهل تتفدينه
انا : راس مالي هالاخو . .
وليد : وراس مالج وليد واحد
انا انحرجت وشهاب ابتسم . .
اميه تطلع : يالله . .
وتجدمت اميه هيه وشهاب لكن شفت وليد يغمزلي . .
انا اطالعه : شو
وليد : ابا اضربج
انا ابتسم : توني ناشه اسكت عني مالي خلق . .
الساعه تشير لل3 لكن احنا بنسير بدري عسبت نحصل لنا مكان زين . . اول ماطلعنا كانو يتريونا الباقي . .
ميره تيني : سنننننه .. ليش هالكثر . .
خلود : عنود دقيت لها الف مره ماترد
شيخه : خليها كانت تعبانه امس . .
وليد : حتى عبدالله راقد ؟
خلود : هيه . .
مروان : يالله يا جماعه شو تتريون . . إلا " يدور بعينه " حرمتي وين . .
شما كانت متلومه ورفعت ايدها . .
مروان : هههههه تعالي
ومشت سارت صوبه وتمشت عداله وكلنا انطلقنا ماشاء الله قبيله . . عمي سعيد كان يصلي ويكببر عن العيد لان كان عددنا جدا كبير . . طلعنا من الفندق ومشينا لين صوب الحرم . .
وليد يطالعني : امسكي ايدي . .
انا اطالعه : اسكت عني . .
وليد : بلاج من الصبح
انا يادوب افتح عيني مارديت عليه . .
وليد : ما بتمسكين ايدي يعني مهور ها . .
انا : لا . .
وسكت عني . . وصلنا الحرم و وصانا عمي سعيد . . وسرنا احنا الحريم جماعه مع بعض والاولاد انفصلو عنا . .
ميره تبتسم : وليد وصاني عليج . .
انا طنشتها مارديت عليها . . مسكتلي قران وقعدت قبل الكل اول ما حصلت مكان . . توقعت بيون ورايه بس ما انتبهت لهم لاني اندمجت بالقرايه . . اذن الفير . .
صليت قبل الفرض ركعتين سنه وعقبها صلى فينا السديس الفير . . عقب الصلاه تميت اتلفت يمين يسار مول ما لقيييييييت حد . . ما خفت ولا توترت ولا شي بالعكس عادي رديت اقرا قران وماحسيت بالوقت ابد لين شفت وقت صلاة الضحى . . وبعدها صليت الضحى وتروعت . . وين راحو ليش للحين ماجفت حد فيهم . . رديت القران مكانه وتميت ادور مره ومرتين وثلاث . . احس اني ضعت ماعرف وين انا اصلا . . الرقاد ضارب فراسي ومدوخه . . وانا اوردي من النوع الي ما يحفظ ولا يدل ولازم حد يكون ويايه لاني اضيع الا لو شرات المره الي طافت لما كنت مع وليد كان سهل . . تميت استغفر وتميت ادور لكن ابد ماحصلت حد . . حاولت اطلع من الحرم واحس اني طلعت من الباب الي ما يوديني ع الفندق واصلا ماحفظت اسم فندقنا عشان اسال حد . . يودت عمري وتميت ادور يمين يسار عل وعسى احصل من اهلي يشوفني . . لكن بدون جدوى . . شفت ساعتي . . الساعه صارت 9 . . مستحيييييييييييل للحين انا ادور . حسيت بتعب فظييييييييييع ماعرفت وين ارووووووح وكيف اتصرف رجعت الحرم مره ثانيه وقعدت ف مكان ع زاويه ويلست افكر شو اسوي . . وماحسيت بروحي الا وانا غافله . . نقزت من مكاني ع اذان الظهر . . صديت يمين يسار شفت الناس ازدحممممت . . توترت اكثر . . للحين ماشفت حد ولا حد شافني !!!!! اكيد الدنيا مقققققققققلوبه علي فوق تحت . . شششششششششسوي شسووووووووووووووووووووووي ماعررررف . . وقفت وصليت الظهر وتميت ادعي ان الله ايسر لي شخص يردني بس ما ابي شي ثاني . . خلصت صلاه ورديت اطلع مره ثانيه من الحرم وتميت ادور شوي ولقيته من بعيد وكان اخر شخص اتمنيت اجوفه . . كان يتلفت يمين يسار جنه يدور مادري يدورني ولا لاء لكن الكره كان اكبر من خوفي وتراجعت قلت ما بلحقه ولا بروح له . . ومن شفته عطاني ظهره ومشى خفففففففت . . قلت فهالزحمه وانا بنت روحي يمكن حد يسوي فيني شي ولا يصير فيني شي جان ألحقه من غير ما يحس فيني واخر شي تمنيته انه يطيح تلفونه وينجبر ينزل تحت ويصد ويطالعني
سيف : انتتتتتتي وييييييييين !!!!!!!!
كل ألم فيني رجع وكل خوف فيني رجع . . رجفت بكبري من فوق لين تحت وانا اذكر سوات هالشخص الوصخ . . الي مادري ليش ياي اهني ؟ يتوب على غلطته ع الي سواه فيني وفوق ها كله يتبلى علي عند حرمته ويقولها اني انا ألحقه واتصل فيه . . ولا ياي بدون قلب بس زياده عدد . . افكار كان تشلني وتردني واحس بكره عميق لـ هالحقير . ..
سيف تجرب مني وانا رجعت ع ورا . .
سيف : وينج الدنيا مجلوبه فوق تحت عليج . .
انا : رجعني من دون ماتكلمني . .
سيف يطالعني بخوف واضح : خفت عليج قسم بالله خفت عليج . .
انا اطالعه : انت فيك قلب يخاف من الله ؟
سيف : بنت عمي
انا احط صبعي ع حلجي : اششش . . ولا حرف . . مابي اسمع اي شي منننننننك , !!!!
سيف تنزل دمعته : والله ابليس لعب ف راسي . . والله . . انا مصدوم من نفسي اكثر منج ليش سويت جي او كيف استجرئت . . كيف ضيعتج وانتي من لحمي ودمي . .
انا اطالعه : مابي اسمع شي منكككك . .
سيف : سامحيني . .
انا : ما اسامحك لو شو ما قلت ما اسامحك . .
سيف : مهره انا حسيت ب خسارتج وتخبلت . . اول مره من 21 سنه تبتعدين عني وتجفيني وتصدييني وتروح لحد ثاني . . تعودتج حوالي وقربي وصوبي كل وقت . . شي يديد علي الي يصير
انا فاجه عيني بصدمه : انت الي تخليت عنننننننننني
سيف : ماضنيت اني بموت وبتعب . . توقعت تعود لكن والله مش تعود والللللله . .
سيف يتقرب شوي مني وانا ارجع ع ورى وعقبها وقف
سيف : مهره انا اروح عند دكتور نفسسسي . . احس اني مريض . . حتى الدكتور عاطني مليون دوا ولو ماعطاني شي كنت بتاكد اني صاحي لكني استخفيت وربي . . عقلي طار . . انا صايننج " يحط ايده ع قلبه " صايننج والله
انا : صاينننننني . . اي صووووون الي ترمس عننننننه . .مستحيل سيف مسسسسستحيل . . ابتعد عني " اغمض عيني " مابي اشوفك اببببببببببببد . . اممممش وعطني ظهرك خلني ارجع الفندق . .
سيف : سمعيني خليني اطلع الي ف خاطري
انا : مابي اصارخ واحنا اهني . . حشششم .. حشم المكان الي احنننننا فيه واممممش عني . .
سيف : عطيني فرصه اصلح الغلط الي سويته
انا بصدمه : وكييف بتصلحه
سيف : خليه يطلقج وانا الي باخذج . .
انا :ونوره
سيف : بطلققققققققها والله بطلقها . . بس ارجعيلي
انا : بتبيعها بسهوله نفس ما بعتني . . ما استغرررب . . انت بعتتتتتتتتتني بعد عشره عمر فوق العشريييييييييين سنه . . بتقدر تبيعها بسرعه
سيف : نوره . . " يغمض عينه "
انا باستغراب اطالعه اترياه يكمل
سيف : تحاول تتقرب مني من 5 سنين . . وسوت امور وايده غلللللللللط . . دوم اقارنها فيج لككككن انتي غييييييييييير . . انا لما اشوفها اتخيلج وها الي مصبرني . . عمري ماكنيت لها مشاعر . . كنت ابي احرق قلبج مثل ماكنتي تحرقين قلبي مع وليد . .
تذكرت كلامي وياها قبل ما اسافر ويا وليد علاج لـ ريولي لما كانت موجوده . .
>
<
>
نوره تبتسم ب براءه : الكل يشوفني جذي . . بريئه ومسكينه . . " توخر ابتسامتها " لكن . . انا الي حبيت ولد خالتي حب . . سيف انا مت فيه . . تعرفين من حبي له شسويت ؟ تيتمت . . ّ!! ذبحت ابوي لاني اقوله اباه وباخذه وبهدم الي بينج وبينه ف يوم . . ابوي مات مرتفع ضغطه وانا السبب تتوقعين اني كنت بتساهل لحبكم السخيف ؟ " ابتسمت " كنت ابا استخدم سحر . . شعوذه . . اي شي عشان ايييب راسه . . لكن . . غريته . . بس اغريته وياني بسهوله . .
انا اطالعه : مايهمني . . كل الي تقوله الحين ما يهمني . . انا بديت صفحتي ويا وليد وماريدك تدددددددخلهاااااا خلاااااص
سيف يقاطعني : وليد . . وليد انتي ماتحسين معاه الي تحسينه معايه . . بتنكرين ان قلبج ما يدق الحين وانتي تشوفيني ؟ بتنكريييييين انه في شي ف داخلج يبيج تسامحيني وتنسين كل شي سويته وضريتج فيييييه . . بتنكرين انج من داخلج ماصدقتي التغير والحقاره الي انا وصلتلها لانج تتوقعين انج عرفتيني عدل . . مهره . .
لما قال اسمي بهالنبره متتتتتتتت . . شي فيني انكسسسسسسسر . .
سيف : مهره . . انتي لسيف . . الكل يقول انتي لـ سيف . .الكل يعرف مهره ما تستغني عن سيف لو شو ماصار . . الي تحسينه لي لا وليد ولا غيره يقدرون يهدمونه . .
انا غمضت عيني بقوه وبلعت ريجي مابي اسمع شي . .
انا : امش ودني الفندق . . الحين
سيف : خلينا نتكلم
انا افج عينه واحط عيني بعينه : الحين امش ابا ارجع الفنننننننندق . .
سيف تم يطالعني شوي وبعدها مشى ولحقته . . . افكار ومشاعر وامور قاعده تتخربط فيني . . الي صارلي بسرعه بسرعه بسرعه . . تركني سيف . . وليد حل محله عوضني ونساني الالم . . سويت حادث . . تزوجت بسسسسرعه . . سافرت علاج و وليد اول من وقف وياي وتحملني . . رجعت من البلاد اموري تحسنت مع وليد . . رجع سيف يجبر نفسه يدخل بحياتي مره ثانيه وضيع كل شي . . والحين سافرت وارد اشوفه الانسان الجديم الي ماكنت اشوف غيره ف حياتي . . كل شي متخرررررربط كل شي . . ماعرف شلي احسسسسه . .ماعرف حتى اذا للحين ااانا اكن له مشاعر ؟؟ معقققققوله . . عقب ما اذاننننننننننني وضرني وهدم كل شي . . اصلا كنت اشوفه واسسسسسبه وادعي عليه واحس اني اكرههههههههههه . . معقوله ما كرررررررررررررررررررهته معقققققققوله !!! و و ليد !! و وليد شذذذذذذنبه . . سقاني من ماي عيننننننه . . ماقدر أجرحححححه مستحيل اجرححححه . . اول انسان وقف وياااااااااي اول انسسسسسان ما تحلى عني ف وضع ماكنت اتخيل نفسي فيه . .شلي صااااااار . . ليش يصير وياااااااي جي ليييييييش . . انا مابي شي . . انا يايه اهني ارتاااااااح واريح نفسيتي وانسسسسى الي سواه فيني سيف . . لكن مش معناته ان الامور بينه وبيني ترجع مثل ماكانت لمجرد اني انسسسسسسى الي سواه . . الي سواه كبيييييييير كبيييييير كبير . . حتى سو سامحته ما ارجع له ولا اعطيه فررررصصصصصصه .. لكن يقول انه مريض . . مريض نفسي !! شلي وصله لهالحااااااااااله . .
حطيت ايدي ع راسي مابا افكر ب شي خلاص كل شي فيني تععععععععب . .
وصلنا الفندق . . فتح لي اللفت ودخل ورايه مع اني ما بغييته يدخل . . رجعتتتتتت ع ورى اككككثر شي . . وكنت بعيده حيل وردلي شعور الخوف . . مابي استفرد فيه مابي . .
سيف صد يطالعني وشوي تقرب : خايفه . .
انا ارفع صبعي اهدد : ابتتتتتتتتعد عنننننننننننننننننننني . .
سيف يطالعني : معقوله انتي تخافين مني . .
انا اغمض عيني وعيني ع اللفت اترياه ينننننننننفتح ..
سيف : تخافين من سيف . .
انا اطالعه وانا جد خايفه بمووووووووووووت من الخوف . .
انا ارجف : كنت تحسسني بأمان . .كنت صاينني ايدي ما تمسكها لكن الحين ما احس بهالشي . . ابتعد عني الله يخلييييك ابتعددددددددددد
كنت اطالعه عين بعين ابيه يتاثر ويحس بخوفي ويبتعد وكان يطالعني عين بعين بنظرة شفوق لها معاني وايد . . وانفتح اللفت . . واخر شي اصدقه دوم " الصدف " الصدفه الي خلت وليد واقف عند اللفت ويتريا الحين بيركب . . انا اعرف ان اللفت جريب من غرقتنا واكيد انه بيدخله بالذاتت هاللفت .. لكن ليش ما كان قبل 5 دقايق او بعد 5 دقايق . . شلي خلا الصدفه تخليك تجوف هالموقف ياوليد . .
بمجرد ما انفتح اللفت طلللللللللعت مفزوووووووووووووووعه موت وانخشيت ف حظن وليد . .
وليد : شصار . . شسوالج . . " يوخرني عن حظنه يطالعن " اتككككككلمي . .
كان ياي يدزني عشان يضارب وياه لكني حظنته قو ويادوب طلعت مني هالكلمتين : ماسوا شي
ماحسيت ولا سمعت خطوات سيف ابد . . اكيد انهم مجابلين بعض ويجوفون بعض . .
بعدها طلع سيف من اللفت ومشى وجفت ظهره يمشي بيدخل جناحهم . . ومن غاب . . حسيت بروحي اني بين احظان وليد وقمت ع طول . .
كانت ملامح وليد مش الي انا متوقعتنها ابد . . ملامح يديده . . صدمه ؟ ممم نظرات عتاب ؟ نظرات فيها ألف سؤال وسؤال . .
وليد يطالعني : تقهرينه . .
انا اطالعه بصدمه : اقهره . ...
وليد : تحظننيني عشان تقهرينه . .
انا بصدمه : شهالكلام وليد . .
رجعت شوي ع ورى . .
انا : أنا اصلا ما حسيت بعمري . .
وليد : كل شي تمثيل ب تمثيل ؟
انا اطالعه . .
وليد : تمثلين كنتي انج تخافين من لمسة ايديني . . عشان ماقرب صوبج
اناا مصدومه : وليد شهالكلام . .
وليد يطالعني : كيف راجعه معاه . . كيف عيني جافتكم بهالقرب . . تبين تسكتيني بهالحظن .؟
انا بعدني متفاجئه من تفكيره . . كيف فكر بهالطريييييقه . . اعرف ما ينلام والله ما ينلام لو حد ثاني جافنا جيه بيفهم غللللللط لكننننن . . لكن مادري ماتوقعت يفكر جييييه . . يمكن لانه تحمل واايد وصبر وايد وعطاني اعذار وايد وفجاه زهق ؟ يمكنننن يمكننننن . . يمكن ماعرف ماعرف . . ماعرف شقول . . لكن ماتوقعت يقول هالكللللللللللام . .
انا اجابله واطالعه : وليد . .
وليد يصد ويهه ما يبي يحط عينه ف عيني : روحي داخل . . الكل يحاتيج . .
انا : خلني اكلمك
وليد فتح اللفت ودخل . . ودخل وهو صاد من دون ما يطالعني وانا متفاجئه وبنفس الوقت مبعثثره ماعرف شسووووي . . انا كنت خايفه ولما شفته جدامي حسيت بالامان والله وحظنته لاني اعرف لو كنت بقربه سيف مايروم يضرني ولايسويلي شي . . ليش فكرت بهالتفكير ياوليد ليييييشششش .
من بعد ماتسكر باب اللفت وراح . . رحت جناحنا ومجرد ما دقيت الجرس فتح لي شهاب
شهاب : وين كنننننننننننننتي ويييييييين . .
دخلت داخل وشفت اامايا تصيح . . سرت صوبها
انا : امييييه جيه تصيحين الله يهديج
امايا تحظنني بقوه : انتي وين سرتي وين . . خفت خطفوج ولا سووبج شي . .
شهاب : وين كنتي هالكثر . . ماخلينا مكان ما دورناه فيه . . من الفير للحين كل شوي نطلع ندور . .
يمسك فونه : بدق حق وليد . . متخخخخخخخبل ما ارتاح دقيقه وهو يدورج
انا : جافني وليد
شهاب يطالعني : جافج ؟
انا اهز راسي . .
اميه : ليش ما رجعتي الفندق . . وين كنتي شصاااااارلج
وخبرتهم الي صار . . واني ما حسيت بروحي وكيف اختفو عني . . وكيف اتوهقت وما عرفت ارجع ف تميت داخل . .
انا : لين جفت سيف
اميه بصدمه : سيف رجعج !!
شهاب يطالعني : لانه هو بعد كان يدورج . . من سمج انج محد ماجفته . .
انا اتنهدت . . احس بتعب فظيع وربي . . من الفير لين الحين قرابة العصر وانا بهالحال . . مارقدت ولا ريحت والي صار هدلي حيلي اكثر . .
انا :بسير ارقد امايا بموت من التعب . .
شهاب : لاتين معانا باقي الصلوات اليوم . . تمي اهني ارتاحي وصلي فالغرفه
انا : لا . . بس بصلي العصر فالغرفه . . وع المغرب بكون احسن وبي معاكم . .
اميه :لين المغرب يصير خير . . روحي ريحي عمرج يالله روحي . .
وتمت تبوسني . .
ورحت عنهم الغرفه . . تميت مغمضه وادممع . . مرات احس انه انا مش مكتوب لي اتهنى او اكون مرتاحه . . استغفر الله . . لكن مابي حد بحياتي خلاص . . مابي اعيش هالشعور تعبت منه . . صح بكون ناكره مروه لو تخليت عن وليد عقب كل شي سوااه لي . . لكن انا بعد تعبت من كل شششششي . .انا بنت مافيني اتحمل اكثر عن جيه والله مافيني ..
وعلى هالافكار . . اذن العصر وسمعت حشره اظن اجتمعو عندنا فالصاله وبعدها ظهرو كلهم وهدا المكان . . وانا نشيت سرت صليت ورديت انسدح وغمضت عيني ورقدت . . ولا نشيت الا ع ايد ميره وهي ادق ع ويهي ..
ميره : حبيبتي مهور . . نشي
انا اشوفها وافتح عيني بتعب : الساعه كم الحين
ميره : توني راده من الحرم . . خلصنا صلاه المغرب . . قومي صلي . .
انا : أمي وين . .
ميره : كلهم تمو فالحرم بيتمون لين صلاه العشا . . انا ردني راشد . . قومي صلي ابا ارمسج . .
انا قمت بتعب وتوضيت وصليت وقعدت استغفر وادعي . . وعقبها يت ميره ع الارض . . متسانده ع السررير . .
انا : شفيج . .
ميره تنزل دموعها . .
انا خفت : شوه فيج ميرووه . . شو مستوي . .
ميره : مريض . .
انا : منو المريض . .
ميره تصيح . .
انا : مياري ارمسي شصاير لاتخوفيني قلبي بيطيح . .
ميره تطالعني : مايد . . .
انا اطالعها اترياها ترمس . .
ميره : اليوم مول ما جفتته . . من صلاه الفير مادريبه اصلا يا ولا لاء مالا حظت . . عقب اجتمعنا عند عمي سعيد واتريقنا كلنا وهو مايا . . عقب طلعو الريـآييل يدورونج وهو ما طلع وانا استحي اسال حد . . وشما وشيخوه وخلود محد فيهم قال شي . . عقب سرت عند شماني " مسحت دموعها " قالتلي انه ف غرفته مريض . . ومحموم وراقد . .
انا ابتسمت لها . .
ميره: امج بعدين سارت ويا شماني وكل البنات يدورونج . . وانا حقيره قلبي معاج والله لكن كنت ابا اشوفه بعيني . . قلت بجوفه وبلحقهم . . هالفرصه الوحيده الي لازم استغلها . . سرقت بطاقه الجناح من خلود ولما طلعو كلهم دخلت عليه الغرفه
انا اشهق : دخلتي ع ولد عمي الغرفه
ميره تطالعني وتنزل دمعتها : كان يكسر الخاطر مهور .
>
<
>
راحت صوبه وشغلت الابجوره الي عداله . . وشافت ويهه معرق وتعبان . . لحفته بحنان عدل . . حطت ايدها ع راسه وشافته محموم وشهقت ع الحراره
مايد يفتح عينه . .
ميره يايه تربع بتطلع من الغرفه بس سحب كندورتها . .
مايد : تعالي . .
ميره صاده ويهها عشان ما يعرفها . .
مايد : اعرف انتي منو حتى لو صاده . .
ميره تطالعه وتعدل شيلتها وتتاكد انها متحجبه عدل
مايد يبتسم وهو مغمض : يايه تطمنين عليّه اونج يالحيوانه ؟
ميره : جب منو قال اطمن عليك . . يايه اشل شي . .
مايد : شـ تبين تشلين من غرفه ولد عمج . .
ميره تبلع ريجها : خربطت بالغرفه
مايد : خربطتي بالغرفه تشغلين الليت وتحطين ايدج ع راسي . .
ميره : . .
مايد : وتلحفيني بعد " يبتسم بتعب "
ميره : جب اررقد عشان تنش تستوي زين
مايد :خفتي لما ما شفتيني صح ..
ميره : لا طبببعا . .ها الي ناقص
مايد يبتسم بتعب : جذابه . .
ميره تطالعه : ارتاح انت تعبان
مايد : قولي خفتي علي ولا لاء
ميره : لاء لااااااا . . ع شو اخاف علييييييك . . انت قطوه بسبعة ارواح ما يستويلك شي
مايد يكح : هب . .
ميره : ايييب لك ماي
مايد : مابا شي منج مشكووره ماتقصرين
ميره : ليش ما تخليهم يودونك المستشفى
مايد : مابروح بتم اهني اموت . .
ميره : موووت محد مفتكر فيك
مايد : ادري
ميره تطالعه : عن الاستهبال خل يودونك المستشفى
مايد يطالعها عين بعين : اقعدي . .
ميره تطالعه بصدمه : وين اقعد . .
مايد يبتسم بتعب : ع بطني . . وين تقعدين بعد . . " يلز شوي " قعدي اهني " ياشر ع السرير قريب منه "
ميره تشهق : يالمننننننننننننحرف
يايه تطلع ويرد يسحبهاا من جلابيتها . .
مايد : ياحيوانه شـ تحسين فيه وانتي تفكرين بهالتفكير الوصخ . .
ميره تطالعه
مايد : مريض ماروم اتحرك من مكاني يالححححيوااااانه ايلسي عن اصفعج . .
ميره بتردد يلست وعقب ردت قامت : ارمس انزين شو تبا اسمعككككك . .
مايد يكح : ما اشوف ويهج . .ايلسي ابا اشوف ردت فعلج لما اقولج
ميره : تقولي شو
مايد : انزين انتي ايلسي اول يا بنت الناس . .
ميره تيلس : شو ارمس
مايد يكح . .
ميره كانت خايفه عليه بس ما تبين وترص ع عمرها ..
مايد يطالعها : شـ كنتي تقولين . .
ميره : ماقلت شي
مايد : قلتي شي عن روحه المستشفى
ميره : هيه قلت خل يودونك . .
مايد : ولو قلتلج اني ما بروح . . وبتم اهني مرضان وما باخذ ولا دوا ولا اي شي . .
ميره تطالعه . : كيفك
مايد : صدق .؟
ميره : هيه انا شو يخصصصصصني . .
مايد يبتسم : متاكده . !
ميره تقوم : هيه متاااكده
مايد يطالعها : حلوو . .
ميره تطالعه وترد تقعد : انت ليش تستهبل . . روح المستشششفى . .شوف عمرك كيف تعبان ليش تعاند
مايد : لو تقدمت لج بتتزوجيني . .
ميره تصد الصوب الثاني : لاااااء لاء لاء
مايد : مابروح مكان عيل ولا باخذ شي . . .
ميره تطالعه : انت الي بتتالم مش انا كيفك
مايد يبتسم : . .
وقامت ولما يايه تطلع
مايد : ميره. .
ميره من دون ما تصد . .
مايد : لو فكرتي ترجعين مره ثانيه وفكرتي تحنين ع راسي عشان اروح . . لا تين لاني مابروح . . لكن . . لو رجعتي . . بحط ف بالي انج موافقه علي وتبيني وبتكونين لي وبس . .
طلعت عنه وسكرت الباب بقوه . .
>
<
>
ميره تصيح : ولما كنا نصلي توا تقولي شماني انه تعب اكثر ويعااااااند وحاالف و قايللها ما يروح مكان عناااد اونه لين يصير شي في بالي . .
انا اطالعها : وانتي جي ما تبينه وانتي خايفه عليه لهالدرجه
ميره : اوكي خايفه عليه مش معناته اتزوجه ..
انا : يعني ليش مانعه نفسج دامج تكنين له مشاعر
ميره : منو قالج اكن له مشااااااااااااعر
انا : شوفي روحج كيف خايفه عليه شوي وبتموتين كل ها شو . .
ميره : عادي ولد عمي واحاتيه ولو كنتي مكاني بتحاتينه شراتي . .
انا : صح بحاتيه لكن ما بدخل عنده الغرفه واسرق بطاقة الجناح واتريا الكل يطلع عشان ادخل عليه وألحفففففففه
ميره حاطه ايدها ع ويهها تصيح . .
انا : ليش تكابرين يعني . .
ميره : ما اكابر بس انا ما احبه يعني . .
انا اطالعها . .
ميره : عطيت حبي واهتمامي لوليد لكن قلبه كان فيه شيخه وبعدها رديت اعطيه وقلبه انملك لج . .
انا :ليش انتي بعدج تحبين وليد
ميره : طبببببببعا لا . . لكن مابا اعطي حد لا حب ولا اهتمام ولا ابا شي من حد . .
انا : شوفي مياري بقولج شغله .. انتي تعرفين اهلنا وتعريف عاداتنا وتقاليدنا شو . . لو شو ماصار . . لا انتي بتاخذين واحد غريب ولا بيخلونج تختارين ع كيفج . .اول واحد ييـج من عيال عمي ماظن حد بيعطيج ويه تختارين صح ولا لاء ؟ بيقولون لج مالج حايه ترفضين وليش ومنو ف راسج ومنو غيره . . بترضين لو شهاب اخوي تقدم لج ؟
ميره تطالعني : لا ما افكر فيه مستحيل
انا : انزين . . لو راشد اخو مايد
ميره تشهق : لااا طبعععععععا
انا : بقولج مثال مع ان ماحب اضرب هالمثال لكن بقولج اياه . . ليش محد تقدملي من عيال عمي ؟
ميره : لان الكل كان عارف انج لـ سيف وسيف لـج . .
انا : لو ماتبين غيره . . ع الاقل خلي الباقي يعرفون انج لمايد ومايد لج . . عشان ما اطيحين ف نصيب ما تبينه . .
ميره تطالعني : بس انا . .
انا : انا قلت الي عندي وانتي فطينه وادريبج بتفهمين الي اقصده عدل وكيفج عاد . .
ميره تمسح دموعها . .
انا : كسرتي بخاطر ولد عمي . . روحي له الحين دام الكل محد قوليله يروح المستشفى . .
ميره : انتي سمتتتتتتي اخر جممممممملته !!!!!!!!!! قال لو رحت يعني اني موافقه عليه
انا : كيفج . . القرار بيدج .. لو هاين عليج يتم يتألم ويتعب ويمرض لا تروحين . . واذا تحسين انج راضيه ب اي نصيب يـيج لا تروحين . . واذا تحسين انج مستعده تتزوجين شخص غيره . . بعد لا تروحين . . ها الي عندي . .
ميره تمت تطالعني وبعدها طلعتتتتتت من عندي بسرعه . .
وانا قمت من ع السياده وبطلت شيله الصلاه ورجعت انسدح . . مسكت تلفوني ودقيت لـ بيت يدي . .
انا : الووه . .
يدوه : هااااه . . منوووه ؟
انا : يدوه شحالج . . انا مهره
يدوه : هلا امي مهره . . شخباااااااركم شعلووووومكم . . .
انا : بخير يدوتي الله يعافيج انتي شخبارج
يدوه : بخير الحمدلله . . دعيتي لي ؟؟ ولا بس حق يدج .؟
انا : دعيييتلج يدوه اكيد
يدوه : جذاااااابه انتي ما يندراابج ماتحبين الا يدج
انا : حرام عليج يدوه
يدوه : هااا هايوه يدج . .
انا : الوو . .
يدي : هلا بالغاليه . . هلا ببنت عبدلله ..
اانا : ابويه شحالك . .
يدي : بخير فديت روحج انتي شخبارج
انا : الحمدلله يدييييه . . مششششتاقتلك
سمعت صوت يدوه تقول : ترا هم مسافرين جانك نسيت سايرين العمره ..
يدي : مرتاحه ابويه ؟؟
انا : ااااااه يا يدي . . صوتك الي يردلي الروح . .
يدي : منو مزعلنج منو مضايقنج
يدوه تتحرطم : هاي كله تتشكا ويضايقونها
يدي : اسكككككتي انتي بلاج تتحرطمين خليني اسمعها
انا : لا يدي ما فيني شي يالغاالي بس مشتاقتلك ومشتاقه لريحتك ولجتفك وبوسة ايدك . .
يدي : بتردين ان شاء الله ابويه بتردين . . استانسي واتعبدي وادعي لـ يدج يرجع يمشي ويبصر ويشوفج . .
انا مبتسمه : والله دعيتلك يالغالي " نزلت دمعتي . . دايما تفائله يعطيني امل للحياه من يديد "
يدي : وليد زين وياج
انا : لا تحاتي يدي . .
يدي : شي صاير بينكم ابويه
انا : لا ابويه لا تحاتي فديتك . .
يدي : هيه ابوي زين تحملي تحملي
انا : ان شاء الله فديتك تامرني ع شي . .
وانفصل الخط . . اظن رصيدي خلص . . اااااااه فديت حسك يالغالي . . . والله اني احبك موت واموت ف حسسسسسك . . تميت افكر فيه شوي وابتسم وادعيله . . وعقبها تمللت من الانسداح وسرت الصاله وبطلت التلفزيون وحطيت ع الحرم وتميت اسمع قران واشوف وماحسيت بالوقت ابد لين بعد اذان العشا . . صليت وقمت سويت لي كوفي وقعدت اشرب وشوي تبطل الباب دخل شهاب وعقبها امايا ويايبين عشا . .
قعدنا كلنا وتعشينا . . وخلصت امي قبلنا وراحت الحجره تنسدح . . شوي واندق الجرس وقام شهاب فتح الباب كانت رقوي يايبه صحن فايدها . .
مدت له الصحن . .
شهاب يطالعها . .
رقوي : ماتجوفني ماسكه صحن . . شششششله عني . .
شهاب يطالعها : شسوي فيه . . تعشينا . .
رقوي : انزين يمكن تيوع فليل وماتحصل اكل
شهاب : بقوم باكل لي من برا . .
رقوي : يمكن تكون تعبببببببببببان وماتروم تطل
شهاب يطالعني : بدت تنرفزني واطلعني من طوري وربي . .
رقوي : مهور شو سويت . . هاي يزاتي احاااااااتي انك تيوع " تعصب " شل عني
شهاب : لا ومعصبه بعد . . تتأمرين علي
رقوي : انت بعدك تتحرطم . . . شل الصصصصصصحن افففففففف
شهاب يطالعها ومايحرك عينه . .
رقوي : اونك تخوفني . . " اطلع لسانها " ما اخاااااف وييييييو . .
انا ابتسمت غصب . .
قامت رقوي ودشت وحطت الصحن ع الطاوله الي انا قاعده اكل فيها . .
رقوي : مهور لو هبشتي شي من الصحن ياويلج . .
وردت تركض سارت صوبه . .
رقوي : ولد عمي .. . انا معروفه بالكرك . . اسوي كرك يعدل رآآآآآآآآآسس رآسك . . تبا ؟
شهاب : ابا شي واحد
رقوي : شو شو . . قول والله بسوي
شهاب : انج تفارجين وتطلعين من اهني
رقوي مصدومه
شهاب : ودامج حلفتي فارجي
انا اطالع شهاب : بلاك عليها كلتها شوي شوي . .
رقوي : جفتييييييييييه كيف يعاملني . . مافيه ادببببببب . .
شهاب مصدوم يطالعها : انتي ايه يالياهل عدلي لسانج وارمسي عدل
رقوي اطلع لساننه ك ما بعدله ولا برمس عدل . .
شهاب : استغفر الله . .
انا اطالع رقوي : رقوي سوي كرك . . يموت ع الكرك ز .
رقوي تطالعني وتربع صوبي وتبوسسسسسني ع خدي وراسي و فكل مكان
رقوي : احللللللللللفي
انا : ههههههههههههه والله
رقوي : شو يحب بعد
شهاب بعصبيه : بتطلعين ولا انا الي اطلع
رقوي : خلاص خلاص بطلع . . بسويلك كرك وبرررررررجع . .
وطارت . .
شهاب سكر الباب بقوه لما طلعت : والله وذى . . .
انا : حرام عليك شهاب ليش جي تعاملها . . وايد فظيع . .
شهاب : تغصص بي ياوخيتي والله . .
انا : ما قاعد تجوف انها وايد مهتمه فيك . .
شهاب : مع نفسها . .
انا : شهاااااب . .
شهاب : شفيج لا تبدين وياي نفس امايا كل يوم
انا : يعني امايا تقولك نفس الرمسه
شهاب : هالياهل تفرض نفسها غصب . . يوم انتي محد اوف . . كل يوم ناشبتلي الصبح تسوي ريوق وغصب تبادني اوديها المدرسه . . وتتصل فيني تعال شلني من المدرسه .. ماذتني
انا : هههههههههههههههههههههه
شهاب : ياهل وربي . .
انا : زيين يا اخويه ليش ما تبطل عينك عدل وتبدا تشوفها بنظرة ثانية . .
شهاب : اشوف منننننن ؟ ذي ؟؟
" لهجة شهاب يايه ع القطريه شويه . . بحكم انه ماعاش ويانا واغلب الي كان يعرفهم قطريـين . . مرات يحاسب ع روحه ويرمس شراتنا ومرات ينسى روحه بالذذاات لما يكون ويايه انا واميه و وليد ! يرمس بعفويه شرات ما اتعود "
انا : هيه ذي ع قولتك . . ليش ما تحبها شناقصصصصها
شهاب عاقد حياته : مهره ذي بيني وبينها 10 سنين مدري اكثر . . شـ ابي فيها . . وبعدين قاعد اقولج اني ما ابلعها . . واقفتلي اهني " ياشر ع بلعومه " تضايقني وربي . . تنرفزني . . تفرض وجودها غصب
انا : انزين انت جفت اسلوبك وياها كيف . . فقييييييييره كلتهههههههها . . وهي تضحك ولا مفتكره باسلوبك ولا تزعل بعد . . مش احلى شي فاليهال ع قولتك هالشي ؟ يزعلون شوي وبسرعه يرضون ما يعرفون شسالفه . .
شهاب : يا مهره انا ريال رزين وذي هبللله . . ليه ابتلش فيها . .
انا : هههههههههه انت لهالدرجه مش بالعنها
شهاب : خليني ساكت
انا ابتسم . . اندق الجرس . .
شهاب : وربي هي . . من دقتها المجنونه هي . .
انا : ههههههههههههههه
يعيبني لما يعصب ويخوره وتتغير طريقته فالرمسه . .
فتح الباب وشافها
شهاب : يا ليل مطولك . . وش تبين . .
رقوي : مهور . . يقولي وش تبين . .
انا ضحكت من قلبي . . : ههههههههههههههههههههههههه هههههههههههههههههههههه
رقوي تبتسم : ما ابي شي . . انت وش تبي >> تعيب عليه
شهاب حس ع روحها : شو تيبن شو تبين خلصييينا . .
رقوي : وش تبين احلى .. قول عقب بقولك . .
شهاب يطالعني : ذي الي تبين توهقيني فيها . .
رقوي تطالعني : مهروووووووووووووووو حياتي يالسه تمدحيني من ورايه ؟ فدييييييييت روحج بنت عمممممممممممممممي . .
شهاب : خلصصصصصصينا . . .
رقوي : ها .. شوه فيك تتحرطم انته اعنبوه جنك جبريت . . شوي شوي ع روحك . . اعصابك ياخي . . اانت فيك الضغط ؟ حشى كله مضايج كله متنرفز كله معصب . . شوي شوي ع روحك الدنيا حلوه يعني
وتجدمت ويت لين الطاوله مره ثانيه وحطت الدله : مهور خبريني شو بيقول يوم بيشرب اوكي
شهاب : مااااااااااابششششرب شي
رقوي : والله بتششششششرب والله . . ويا هالويه . .
وراحت . .
شهاب سكر الباب : اشمعنى اناا الي واقفتلي فالبلعوم . . .
انا اطالعه : ع فكره ماكانت جيه . . لكنها جد شكلها تحبك
شهاب : تحبني . . خلج منطقيه شعرفت عني عشان تحبني
انا : صح . . ماقصد اتحبك . . اقصد معجبه فيك وايد
شهاب : ماعليه اذا ع اعجاب بتمل من كثر ما اصدها
انا : يمكن من كثر ما اتصدها يتحول الاعجاب حب
شهاب : ماعليج مني ذي الياهل . . صبي لي . .
انا : هههههههههههههه بتشرب يعني
شهاب استوعب : ماااابششششششرب . .
انا : حرام حلفت مش زين عشان حلفانها . .
صبيت له كوب . . ورن تلفوني . .
انا : ألو . . .
شماني : مهور فاضيه ؟
انا : هيه . .
شماني : تقدرين تمريني . .اتلوم اييكم وشهاب موجود . .
انا : انزين اوكيه . . بخلص الكوفي الي اشربه وبييج
شماني: اوكيه مع السلامه
انا : مع السلامه
شهاب يشرب ومن ويهه احس عايبنه لانه شرب مره وكمل شرب ما لاعت جبده . . واحس انه يتعمد يخفي ملامح انه عيبه . .
انا : قول قول . .ادري عيبك . .
شهاب : المهم ينشرب . .
انا : ههههههههه روح ياوحش . .
شهاب يطالعني : وش تبين انتي . . وش فيج مهبوله اليوم . .
انا مبتسمه وقمت . . : بروح اشوف شماني وبرجع .. ما اوصيك . . اقض ع الدله .
ولبست شيلتي وعباتي الي كانو ع الغنفه . .
شهاب : ما بشرب بس هالكوب وبنش .
انا اطالعه : هيه خير ان شاء الله . .
وطلعت . . لما طلعت جفت ميره تمشي فالممر شكلها كانت يايتني . .
انا اطالعها : ها شصاااااار . .
ميره تبطل الباب
مايد بتعب : كنت اعرف انج بترجعين والله
ميره : افهم الي تباه دامني رجعت لكن قوم وروح المستشفى . . بسسسسسرعه
مايد يبتسم . .
ميره : يالللللللللللله . .
مايد : ان شاء الله . .
ميره : الحييييين !!!!!
مايد : انزين بقوم الحين . .
ميره : يالله شوه تتريا قوم
مايد : اوكي بقوم بس حشمتج قلت يمكن تستحين تشوفيني بوزار وفانيله
ميره تطالعه مصدومه : ياحيووووووووووووووووووووو وووان
وطلعت بسرعه
انا : ههههههه ياويلي عليج . .
ميره بتتسم
انا : ارتحتي صح . .
ميره : هيه اكيد الحين بيروح المستشفى . . انتي وين رايحه ؟
انا : عند شماني
ميره : احلفي . . يالله وياج بجوفه لو راح ولا . .
انا : ههههههه يالله . .
ميره : تعرفين من حسن الحظ اول ما طلعت من عنده يو من صلاه العشا تخيلي . . سالني عمي سعيد قالي من وين يايه . . قلتله اتحريتكم يـيتو . .
انا : من حظج . .
ودقينا الجرس . .
انا : استهبلي دقي الجرس ولا جنه عندج البطاقه
ميره : وانا طالعه رديتها حجرتها والله ههههههههههه
وتبطل الباب . . بطله مايد الي كانت عينه ع ميره ومبتسم . .
ميره : انت مارحت للحين . .
مايد يبتسم وبس يطالعها . .
انا : هههههههه اوب اوب ماقدر عليكم . .
ودخلت عنهم داخل شفت شماني يالسه وحسيت انها مضايجه . . قعدت حذالها .
انا : شفيج شماني . .
علاقتي ف شماني ما كانت ذاك الزود لكن من سافر عمي خالد وحرمته علاج ويو بيتنا علاقتنا وايد تغيرت وصارت قو . . شماني وايد كانت وحدانيه قبل . . ماكانت تندمج معانا من كثر ما تستحي . . وكنا اصلا نتلاقى وياها كل جمعه وتكون هي بس قاعده ومفتشله ومتستره لان عيال عمي الرياييل يدخلون ويردون علينا . .
شماني : تعالي ندش الحجره . .
ودخلنا الحجره
انا :شو فديتج قولي . .
مروان يبتسم : الله يتقبل منج . .
شما : منا ومنكم . .
مروان : عاد ابا اجوف ويهج اشتقتلج . .
شما تبتسم بحيا . .
مروان : اكيد تبتسمين
شما : . .
مروان : في حد فالصاله عندكم . ؟.
شما : مادري
مروان : عيل تعالي جناحنا . .
شما : لا مستحيل . .
مروان : شفيج بنقعد فالصاله
شما : لا . .
مروان : شماني انا ريلج قاعد اقولج بنقعد فالصاله . .
شما : مابي . .
مروان : تعصيني . .
شما :ما اعصيك بس ماقدر ف جناحك وبروحنا . .
مروان : ماعندج ثقه ف مروان ؟
شما : لا مروان حرام والله مش سالفه ثقه
مرون : خلاص ماله داعي تبررين شي . . انا بس كنت مشتاقلج وابا اجوفج . .
شما : انزين مروان انا . .
مروان : قلتلج لا تبرررين خلاص مابا اسمع شي . .
شما : مروان
مروان : بتسكتين ولا شو
شما : ليش ترمسني بهالاسلوب ماتعودت منك جيه . .
مروان تصارخ : شممما خلاص اسكتي قلتلج
شما دمعت . .
كانو يمشون مع بعض وهم طالعين من الحرم لين الفندق . . وصلها جناحها
شما : ادخل
مروان : لا
شما : مروان الله يخليييييك . .
مروان راح عنها . .
شماني تطالعني : يعني انا الي سويته غلط مهاري
انا عاقده حياتي : طبعا مش غلط
يندق الجرس
شماني : ليش زعل عيل . . انا قلتله يدخل ف جناااحنا
ميره تدق الباب : شموه . . مروان فالصاله يباج . .
شماني تطالعني . . .
انا اطالعها : سيرررري . .
وسارت بسرعه . .
خلينا اانا وميروه الباب ملايم , وتمينا نشوفهم
مروان اول ما جافها وقف : حياتي . .
شماني تطالعه وعيونها تغرغر
ميره : العيآآآآآآآآره المككككاره
انا : هههههه خليها تدلل عليه . .
مروان يمسك ايدها : حبيبتي انتي . . "يقرص خدها " شو الي يصيحج شو . .
شماني : انصدمت منك . .
مروان : انزين انا كنت مشتاق حق هالويه شو اسوي ؟ مشتاق موت . .
شماني تطالعه بعيون عتاب
مروان : ابوووي . . اممي . . طوايفي كلهم انتي . . " يبتسم " فديت بنت عمي . .
يتقرب يبوس راسها : حقج علي . . انا ما استحي ع ويهي . .
شماني : محشووووم .
مروان : والله كنت مشتاقلج وبس ابا اشوف عيونج وويهج . . وامسك ايدج . .
شماني تبتسم . .
عمي خالد ييهم و يهد مروان ايدها بسرعه . .
عمي خالد : ها مروان . . مشتاق لعيونج و ويهج
انا وميره : ههههههههههههههههههههههههه ههههههههه
انا : طاح عليه واللللللللللله
مروان مفتشل حده مووووت : اهلين عممممممي . . " يحج راسه "
ميره تطالعني : تعرفين لو وليد كان اهني وانتي وياه . . جان شو سوا
انا اطالع ميره . .
ميره : جان عناد ف عمي باسج ولا هدج والله . . وليد ما يسوي سالفه
انا ابتسم : ادريبه . .
آآآه وينك ياوليد . .قلبي معاك وربي . . معاهم واسمعهم لكن احاتيك . . من ذاك الموقف ما ييـيتني ولا كلمتني ولا شفتك . . توقعت يمرني ويكلمممممممممني . . لكنه اختفى مره وحده . .
انا : خلاص عيل انا بشرد بروح . . مايد راح المستشفى ؟
ميره : هيه راح ويا راشد . .
انا : انزين دام انحلت مشكله شموه خل نروح . .
وطلعنا من الحجره .
انا : ولد عمي شحالك . .
مروان يبتسملي : هلا بنت عمي . .
انا ابتسمله ابتسامه اني نقذته من عمي . .
وسرت صوبي عمي خالد وبست راسه . .
عمي خالد : مسودة الويه . . اشوفج تبتعدين عن البنات مره 2 . . خوفتينا
انا : ان شاء الله عمي . .
وبست راسه وطلعت . . وطلعت ميره ورايه . .
ميره : تعالي وصليني عقب روحي . .
انا : انزين
ومشيت وياها بوصلها . .
ميره ادق الجرس
انا : ليش وين بطاقتج . .
ميره : ماعرف
انا : لازم ماتعرفين شاله بطاقه ميود
ميره : ههههههههه حيوانه جب عن حد يسمع
بطل سيف الباب وانصدمت انا وميره ع طول اطالعتني . .
ميره : يالله مهوري روحي . .
دشت ميره وانا عطيتهم ظهري ولحقني سيف . .
سيف : مهره لحظه
انا جابلته : دخيلك .. ابتعد عن حياتي لاتدخلها . . لما تشوفني اعتبر روحك ماتعرفني ولا كان بينا اي شي . . خلنننننني ف حالي اعيش حياتي بدون هم ولا مشاكل
سيف : مهره انتي تعرفيني عدل !
انا : كنت اععععععرفك الحين ماعرفك . . خلني ف حالي
سيف : قلبي . . شسوي في قلبي !!!
انا : قلبك ما نبض الا بعد فراقي ؟
سيف : قلبي كان ينبض لج بس ماكنت حاس . . ابوس ريلج لا تتخلين عني . . مهره انتي كل ش في حياتي ! انتي كنتي ماليه علي دنيتي . . حاس بغيابج وغيابج هو الي مرضني وخلاني مينوووووون . . 21 سنه انتي ف حياتي كيف فجاه طلعتي منها وماتبيني اتخبل ..
انا : انا مابيك خلاص
سيف : انا ابيج . . بعدني ابيج . . ودوري ف داخلج اكيد بتلاقين سيف موجود بعده . .
ولاحظت نظرة سيف لـ شخص وراي . . تمنيت الارض تشقني ولا يكون توقعي صح ويكون وليد الي ورايه . . لكن من نظرة سيف . . متاكده انه وليد
صديت وغمضت عيني بقوة من صدمتي . . ليش وليد الحين طللللللللللللع ليش . . ليش مكتوب له يشوفني مع سيييييييييف ويسمع كلام يتأذى منه لييييييش . .
وليد يطالعني : حنيتو لـ بعض . . " يبتسم " تصافت القلوب ؟
انا اطالع وليد بصدمه : وليد
مشى عني وليد وطلع من الفندق ولحقته . . ركب اللفت وسكره بسرعه . .وركبت لفت ثاني . .
نزلت تميت ادوره ما حصلته . . تميت واقفه برع . . شوي بعيد عن باب الفندق . . تميت اترياه واترياه . . كان يمر الوقت وانا قلبي مشلوووووووووووول . . 4 ساعات مضت وانا بعدني اترياه . . كل شوي اشوف ساعتي الوقت يممممر وبعده مارجع . . حسيت بهلاكككككك . . لكن حلفت ما اتحرك لين اجوفه . . عقب نص ساعه لمحته يمشي بيدخل الفندق وحطا عينه ف عيني وشافني . .
سرت صوبه . .
وليد : شو تسوين للحين برع . . " يشوف الوقت " الساعه 2 . . انتي صاحيه !!!!
انا : من طلعت لحقتك . . وترييتتك . .
وليد يطالعني : ليش تتريييني .. انا فضيت لج الجو . .
انا : وليد دخيلك لا تفهمني غللللللط . .
وليد يطالعني : شالسبب الي يخليج توقفين وتسمعين له
انا : هو يرمسننني
وليد : انتي وقفتي وتسمعين . . جان صديتي
انا سكت . . صح انا الغلطانه . .
انا : صح . . غلطت . . ماكان المفروض اوقف له ولا اعطيه مجال يرمس . .
وليد : خاز خوفج منه . . ماتخافين ؟ تحسين تبينه ؟ تبين قربه . . تبين ***********
انصدمت من الي قاله وضربته ع صدره وتميت اضررررررربه
انا : شهالكلام شهاللللللللللللككككككككلا م . .
وليد يمسك ايدي بقوة : تبينه ؟رووووووووحي له . . . روحي له لا تيييني . .
انا : مابيه .. والله ماااااا ابيييييييه . .
وليد يطالعني ونزلت دمعته و وخر ايده عني ومسحها ع طول . .
انا اطالعها : ماعاش الي ينزل دموعك ولد عمي . . ماعاش . .
وليد : . .
انا : سامحني . . ادري اني وايد اجرحك والله ما اقصد ولا قصدك أذيك ابد . .
وليد صدني وعطاني ظهره ولحقته . . كان الجو برآآآآد حييييل . . كان يمشي ومنزل راسه ووحاط ايدينه ف جيب الكندوره . . تم يمشي وكنت امشي ورااه لين تعبت . .
انا : تعبت . .
وليد صد وانصدم . . انا توقعته يعرف اني ألحقه لكنه شكله ما كان يدري . .
وليد : شو تسوين ورايه . . ليش ما رجعتي . .
انا : وليد انت ماتصدقني . كيف تبيني اروح وانت ما تصدقني . . انت تعرف عدل اني ما اجذب . . واني واضحه وصريحه . . انت كنت الانسسسسسان الي سمع حبي وتصريحي لسيف . . انت الانسان الي سمعت كرهي وحقدي لـ سيف . . لو كان في شي بقووووولك صدددددقني . .
وليد يتقرب مني : مصدقنج بنت عمي . . انا ماجذبتج . . بس انتي حانه له وانتي مش حاسه بروحج . .
انا : انا مش حااااانه . . ليش احنننننننن ل اكثر شخص اذاني وجرحني ..
وليد يبتسم : القلب ما يهوى إلا إلي يعذبه . .
انا : يعني انت تحبني لاني معذبتنك . .
وليد يبتسم . .
انا : وليد . !!!!
وليد بانفعال ويطالعني : انت تعرفيييييييييييييين شكثر انا خفت عليج اليوم . . تعرفين كيف كنت منهار ونفسيتي تتتتتتتتتتعبت . . . كنت مثل المينون ما ارتحت وانا ادور ادوووووووووووووووووووور متخبل ولا قادر استوعب انج ضعتي . . ومتحمل وصابر وعندي امل اني انا الي برجعج بين ايدي وبهزبج وبعاتبج لانج ما كنتي وياهم ولانج ما شليتي فونج واششششوفج راجعه مع منو . . مع الانسان الي كسرني . . الي كسسسسسسسرج وضيعج . .الي حطم حلم كنا بنعيشه انا وانتي وبنكون سعيدين . . راجعه معااااااااااااااااااااااه ولا كأنه شي بينكم صصصصصصار لدرجه اني حطيت ف بالي انج تمثلين علي خوفج بسسسسسسس لانج جازتني وماتبيني في حياتج . . افكار سودا تديني وتيبني وماقدرت ارجع الفندق وكنت ياي ع امل اوصل معاج لحل ونتفاهم وفوق هذا كله اعتذر منج لاني قلتلج كم كلمه تزعلج لكن ارجع اشوفج واقفه معاااااااه . . يشرحلج ويقولج مشاعره التافهة وتسمعين له . . شتترين مني يا مهره شـ تترين !!!!!!!!!!!!! آآآههه بسسس . . " يصد عينه عني " خلينا نرجع الفندق
انا : خلنننننننننا نتكلم . . عطني مجال ارد عليك
وليد : ما احس اني ابا اتكلم ف شي دخيييلج اعفييييني انا واصل للاخييييييييير من كل شي يصير ومتحمل وصاااااابر عشانج . . بس بقولج شي واحد . . " يطالعني عين بعين وبنره عذاآآب" ترا احنا بعدنا ع البر . . لو تحسسين ان خلاص قلبج ما بيملكه الا سيف . . اتركيني . . " يبتسم " وماراح ازعل منج . . لكن ماراح ارضى اتمين معايه دقيقه وحده وقلبج فيه ذره حنين له . . " يتنهد " وبنفس الوقت سمعييييني . . " يطالعني بنظرات تعب وعتاب " لو حابه تبتعدين . . عطيين خبر . . عشان اهيأ نفسي . . لكن لا تعلقيني مهور . . مابرضى انج تعلقيني اكثر . . ترا انا بعد تعبت وايد واايد والله
أمانـة .. لا تعلقنـي معـاك وتنسحـب بسـكـات "
" أمانة .. كـل مـا يطـري عليـك البعـد علمنّـي
وأمانة .. لا تعيشني علـى رجـوى زمـان ٍفـات "
" إذا هان الذي بينـي وبينـك .. حّـن .. وأرحمنـي
وأمانة .. لا توقفني علـى بـاب الأمـل لحظـات "
" ترى كـل شـي يهـون .. إلا تـروح ولا تكلمنّـي
وتراهـا كلمـة وحـده بـلا عـذر وبـلا إثبـات "
" وإذا خفت الزعـل منهـا .. تراهـا مـا تزعلنّـي
أنا أزعل يوم تنساني وأنا أتبع حلمـي اللـي مـات "
" وأنا أذكر ما دهى قلبي ..
بدايـة قصتـي كلمـة .. وآخـر قصتـي أبيـات "
" عذاب ٍكل ما طالت سنينه شفـت المـوت طاولنـي
أنا اللي ما وفـى حظـي سـوا بالهـم واللوعـات "
" أمنّـي قلبـي الطيـب .. وأشـوف الحـظ خاينّـي
أنا اللي ما أحتمل قلبي فراق اللي يبـي .. هيهـات "
" ألا لو يحتمل قلبي .. لا أجنّـب مـن رحـل عنّـي
روى خدي من دموعي شبـع قلبـي مـن النكبّـات "
" أظن الظن بأحبابي .. وما أسرع ما أختلـف ظنّـي
ضميت من الهوى ياما .. وتجرعت العنـا رشفـات "
" وتنطحّت الدهـر هالـك صويـب ... لا كنّـي ..
أزيف ضحكتي .. مهما بقى فـي خاطـري ونّـات "
" وأضمد طعنتي .. مهمـا ظـروف الوقـت ذلنّـي
وترى لو شفتني أضحك وأجامل .. وأكثر الضحكات "
" ترى كل السنين اللي مضتلي .. مـا ضحـك سنّـي
وإليّا مني فرحت بوقت بكيـت فـباقـي الأوقـات "
" وتبغاني بعـد أسكـت ..! وترحـل مـا تعلمنّـي !
ترى ماني بناقص هم .. ودموع .. وحزن .. وآهات "
" أمااانـة .. لا تعلقـنّـي بحـبـك .. لا تعلقـنّـي
أمانة .. يا آخر أحلامي .. أمانة يا أعذب الترفـات "
" أمانة .. كل ما يطـري عليـك البعـد .. علمنّـي
