الساعة 10 الصبح . .
فتحت عيني بتعب . . احس ب يوع فظيع . . تميت اطالع ايديني شفتها ترجف من اليوع . . انتبهت لروحي . . راقده ب روب السباحه . . نشيت وقفلت الباب وطلعت من الشنطه الي يابها وليد مال السفر جلابيه خفيفه . . لبستها وبعدها لميت شعري كله ع فوق وتميت اذكر لو اني صليت الفجر او لا . . وتذكرت اني صليت . . ف صليت الضحى وبعدها خذتلي شيله بيت و طلعت . .
سرت صوب الصاله شفت اكياس هو شارنها من امس بس محد كلا . . طلعت خبز وسمون وقعدت اسوي سندويج جبن مع خيآر وقشطه وشويه مايونيز . . سويت كوفي وزهبت كل شي وحطيته ع الطاوله . . كنت اتعمد وانا اسوي اطلع اصوات عشان يسمع واتاكد لو هو موجود فالشقه ولا برع لكن مع الاسف بدون نتيجه .. قبل لا ابدا اكل سرت صوب الغرفه الثانية ودقيت الباب بهدوء وبعدها فجيته . .
لقيته مندمج قاعد يقرا قرآن وعيونه جمر من الصياح . . وقف قرايه ورفع عينه يطالعني وتم مركز وعقبها سكر القران ومسح دموعه بظهر ايده بسرعه . .
وليد : قمتي . .
مارديت عليه ورديت سكرت الباب بهدوء ورجعت صوب الطاوله . . قعدت ع الطاوله وانا احس ب حد ماسك قلبي وعاصرنه . . . الي فيني ما ظن يخوز ابد . . ونقسيه وليد عمرها ما بتتعدل . .
ثواني ورجع طلع . . كان لابس جلابيه سودا وشعره متكشش شوي وعيونه وارمه ومسودة . .
قعد ع االطاولة مجابلني وخذاله السندويجه وتم ياكلها بسرعه ومركز فيها من دون ما يطالعني . .
وليد : بتمين تطالعيني . . كلي ..
شليت لي سندويجه وكلت بهدوء . . دموعي كانت تنزل وانا اكل واحاول اكتمها لكن ما اقدر . . ولما رفعت عيني اطالعه لقيته يعاني شرات ما اعاني . .ياكل ودموعه تنزل بدون ما يحس لين غص . .
مديتله ماي بسرعه لكنه تجاهلني وشرب كوفي بداله . .
كنت يايه اقوم . .
وليد : قعدي . .
انا : شبعت . .
وليد : قعدي قلتلج . .
قعدت . .
وليد من دون لا يطالعني مد لي السندويجه الثانية : كلي تغذي . .
طلع من نجيبه حبوب . .
انا اطالعه : ليش
وليد يرفع راسه بـ شر : اذا كان في حمل ؟ شـ تتريين مني اسوي . .
سحبت الدوا . . وعرفت انه منع حمل . .
وليد : اسبوعين خلج ملتزمه فيه . .
انا : ان شاء الله . .
وليد يطالعني : باجر عرفه . . بنصوم . . وبعدها العيد . . ثالث يوم العيد بنروح العمره
انا اطالعه . .
وليد ينزل عينه : انا سويت ذنب كبير . . ونفسيتي تعبانه . . ماكان المفروض ألجأ للشرب ابدا . . ماقدر ارقد الليل وانا اتخيل الي سويته . . كنت مينون متخبل مش عارف افكر . . ابا التفكير يخوز عني وكان هذا اقرب شي فالفندق حصلته . . " يبتسم باستهزاء " ابا اسير اريح نفسيتي من الذنب الي سويته . . ابا اسير اريح نفسيتي من الي صارلج . . واباج تريحين عمرج اهناك . .
يحط عينه ف عيني : ولو . .
تميت مركزه ع كلامه ..
وليد : لو مارمنا نتحمل بعض اهناك . . .ولا قدرنا نرتاح ولو شوي . . صعب . . " سكت "
انا اكمل عنه : صعب نكمل مع بعض . .
وليد يطالعني . .
انا ابتسمت : ان شاء الله . .
وليد : كلنا بنروح مش بس انا وانتي . .
وليد : كل العايله ماعدا يدي ويدوه وامي . . خليت شهاب يكلمممهم وكلمهم يبون . .
انا اطالعه : عرفو ان وصلنا . .
وليد يطالعني : محد يعرف ان نحن فالبلاد الا شششششهآب . . " يبتسم باستهزاء " وإلي خبرتيه انتي . .
انا فاجه عيني : الي خبرته انا ؟
وليد قام وقمت وراه . .
انا : تتحراني انا خبرت هاك الواطي . . تتحراني انا قلتله انننننننن وصلنا البلاااااااااااد . .
وليد يصد يطالعني : لا تطرينه جدامي . .
انا بعذاب : والله العظيم انا ما قلتله ان وصلنا . . والله العظيم والله . .
وليد يطالعني : كيف عرف
انا : انا شدراااااااني انا ماعرررررف . . . انت كنت تتحراني ابي كل ها يصير فيني " فاجه عيني ع وسعهن ودموعي تنزل " تتحراني مستانسه ب الي وصلت له . .
وليد يطالعني . .
انا دموعي تنزل وبصوت يخنق العبره : والله انه طلع لي فجاه والله . .
وليد يصد الصوب الثاني وبدا يتنرفز . .
انا : قالي انك تعبت عليييييهم . .
وليد يصارخ : انا اصلا ماجفتتتتتتتتته . . . شغالتهم يتني وقالتلي الكهرب بندت عنهم و وسرت معاها اشوف شصار
عقبها سكت . . وغمض عينه : الحقير الواطي . .
مسك تلفونه
وليد : الو . ." بانفعال" شهاب لما دقييييييتلك وقلتلك احنا بنرجع واستقبلنا فالمطار منو سمعك
شهاب : محد . .
وليد : كيييييييف محد . . في حد وواطييييييييييييييي سممممممممعك . . لاتقولي محد . . انت كنت وين وانت تكككككككلمني
شهاب : كنت في بيت يدي مع يدوه . . ولما انت دقيت انا طلعت اتكلم بررررررع . . .
وليد : تذذذذذكر لااااااااازم حد سسسسسمعك .
شهاب : انزين انت قول لي منو الي عرف عشان اتذكر لو شفته ولا لاءءءءء .
وليد : سيف كيف عرف . . " يصارخ " كييييييييييييف
شهاب : شصاير معاااااكم لا تلعب بمخي . .
وليد : شهاب ارحممممني واتكلم
شهاب : انا ممممتاكد ان سيف ما كان موجود . . انا كنت اكلمك برع البيت وعقبها دش مروان لكنه ما وقف ولا سمع شي مشا على طول ودش بيت يدي . .
وليد : هه . . مروان . . مروان خبر اخوه
شهاب : وشفيها لو عرفو ليش مكبر الموضوع
وليد سكر فويهه . . .
انا تميت اطالع وليد بخوف . . كانت اعصابه متنرفزه ومعصب . . وفوق ها كله ما يبا يطلع الي فيه فيني . . .
عقب سكوت بسيط
وليد : هه اكيد قال بخبر اخوي يهممه يعرف . .
انا ماتكلمت تميت اطالعه بس ودموعي تنزل . .
وليد يطالعني واحسه تخبل لما جافني اصيح . . تم يصارخ بحاله هستيريه : ليش تصيحين بعد لييييييش
مسحت دموعي وعطيته ظهري . .
يا مجابلني ويصارخ : ليش تصيييييييييييحين . .
ما قلتله شي وصديت . .
شل وليد الصحون الخاليه الي كانت ع الطاوله وتم يفرها ع اليدار . .شل الكوب وفره مع ان ممزور كوفي . .كان يكسر كل شي ع الطاوله وانا بس اطالعه ودموعي تنزل . .
شفيج يا مهره شفيج . . انتي القويه . . انتي الي تتحملين . . ليش ماقادره توازنين روحج وتتحملين . .كافي صياح خلاص . . الصياح ما بيغير من الموضوع ششششي . . لازم اكون قويه عشان اتعدا هالمرحله . . ضعفي بيخليني في حاله يئس مامنها نتيجه ..
وليد يطالعني : لمي اغراضج بنرد البيت . .
انا اطالعه . .
وليد تجاهلني وطلع من الشقه . .
اغراضي جاهزه وماعندي شي مطلعتنه . . قعدت ألم الصحون المتكسره . . وانظف الكوفي الي انجب ف كل مكان . . تميت انظف لين اذن الظهر . . و وليد بعده ما يا . . تزهبت ولبست عباتي وصليت . .
كنت بروح حجرته اشوف لو تلفوني اهناك . . ماعرف وين تلفوني . . وبالفعل لقيته ع السرير ومغلق . .وحذال الفون لقيت حبوب . . بس ماعرفت ل شو . . معقوله مخدرات . . معقوله وصل لهالمرحله . .
وليد يدخل علي وحط عينه ع الي في ايدي ويا سحبه عني . .
تميت اطالعه بس ما اتكلم . .
وليد : حبوب مهدئه . . لا تحطين في بالج اشياء ثانية . .
حطاها ف جيب الجلابيه . . وشل السويج وصد لي : اغراضج وين . .
انا تنهدت وشليت فوني : فالحجره . .
وراح صوب الحجره وشل اغراضي وطلع من الشقه وطلعت وراه . . كنا ساكتين محد فينا يرمس لين وصلنا السياره . . وحرك . . طلع من السده جرج وركبه . .
وليد : ركبيه ف فونج مافيه جرج عشان جي مبند . .
انا : . . .
وليد : ركبيه تسلي فيه لين نوصل . .
انا مارديت عليه وخليت الفون ع مقبض السياره مابيه يتجرج ولا ابي اتسلى فيه .. الي فيني مكفيني وزود ومافيني اسمع شي ولا اقرا شي زياده . .
وقفنا عند المحطه تم يعبي بترول . . وعقبها صدلي . .
وليد : اخذلج شي . .
انا : لا . .
وليد : مش يوعانه . .
انا : لا. .
وليد : ماي ؟
انا : لا مابي شي . .
وليد : زين . .
وبعدها حاسب وكملنا الطريج . .
وفجججاه وقف الطريج ما يتحرك . . كان حادث صاير وزحمه فظيعه . . والسياييير كلها موقفه . .
وليد يطالعني : ماريد اي حد يعرف بالموضوع .
انا اطالعه . .
وليد : ولا اي حد . . حتى امج . .
صديت الصوب الثاني . .
وليد : تسمعين ولا لاء
انا : احنا يمكن ننفصل . . لا تعيش الدور وايد
وليد : نعمممممم ؟
انا كنت اطالع الجامه ما اطالعه . .
وليد بصوت عالي : طاااالعيييييني
صديت له بكل قوة وحطيت عيني ف عينه . .
وليد : انا من سااافرت معاج . . قد ما اقدر عاملتج كـ بنت عمي وصنتج . . ماعاملتج كـ زوجه ابدا . . " يبتسم باستهزاء " وانتي بكل بساطه احنا بننفصل . .
انا غمضت عيني . . شقولك يا وليد شقولك . . اذا انت مطعون مره ومضايج مره . . انا مطعونه الف مره ومضايجه مليون . . انا الي صار لي الشي انا . . انا الي انعرضت لهالموقف الصعب انا . .
تنهدت وماتكلمت . . اكتفيت اني اتم مغمضه وصاده ماتكلم . . وتميت ع هالوضع لين وصلنا البيت . .
وليد يطالعني : اول ماتوصلين جرجي فونج عشان لو بغيتج ادق . .
انا اطالعه : ما بتي تشوفني يعني . .
وليد يطالعني . .
انا شليت الفون ونزلت . .
ونزل ورايه نزل اغراضي . .
دخلنا البيت . . كانت الساعه 3 الظهر . . . فارشين فالصاله ع الارض وحاطين الغدا وياكلون . . .
اميه ع طول نشت : امي مهره . .
سرت صوبها وحظنتها بقوووووووووووووووه . . تميت احظنها وما اتكلمممم . .
اميه تمسح ع ظهري : الحمدلله ع السلامه . . الله بشرني فيج الحمدلله وتشافيتي ويييتيني بريولج . .
انا ساكته بس احظنها . .
شهاب يسلم ع وليد اونه توا يشوفه : الحمدلله ع السلامه
وليد : الله يسلمك . .
خزت عن امي . . و وليد سلم عليها وحبها ع راسها وحظنها . .
امي : الله لا يحرمني منك ياوليد . . الله لا يراويني فيك يوم اسود . . الله يسعد قلبك مثل ما سعدت قلبي ف بنتي . .
وليد يبتسم ويبوس راسها . . .
اميه : تعالو تغدو . .
وليد : ماشتهي انا بروح اسلم ع ييدي ويدوه وبرجع . .
اميه : لالا ما يصير . . والله تاكل وانا حلفت . . اقعد دام الاكل محطوط وعقب روح سلم . .
تميت اطالعه . . كنت اباه يقعد . . والحمدلله قعد . .
قعدت حذال اميه . . و وليد قعد حذال شهاب . . وتمت تحط اميه الاكل ف صحون حقي وحقه . .
كانت سوالفنا جدا بسيطه . . عن العمليه وعن التعب والالم . . وكيف حسيت يوم مشيت . . شهاب كان بس يطالعنا انا و وليد واحس عارف ان في شي . .لكن اهم شي ان اميه ماحست لان كنا نمثل ان عادي . .
بعد الاكل . . !
وليد : يالله اميه تامريني ب شي . .
اميه : لا ابويه الله يحفظك . . سير ارقد وريح عممرك . .
وليد يبتسم : ان شاء الله
شهاب : انا برقد ياي من الدوام تعبان . . ابا اشوفك يوم بتنش . .
وليد : اوكي . .
وكان يمشي بيطلع وسمعنا انا وامي . .
اميه : بترقدين . .
انا : لا امايا بسير اشوف يديه . .
وليد يصد و يطالعني بنظرة جدية : اانا بوديج بنسلم سوا . .
انا عرفت انه ما قال الجمله من عبث . . ما يباني اجوفه . .
اميه ابتسمت . . فهمتها غلط . . ماتدري انه يبا يحرسني . .
طلعت وياه ومشينا سوا لكن تعزلنا مسافه . . مشينا لين بيت يدي ودخلنا . .
يدوه كانت طالعه تعطي اكل حق القطاو وشافتنا وتهللت . .
يدوه : وليد ابويه . .
وليد بعده جاف وقاسي معاها . .
انا اطالعه : بس عاد . .
يت صوبه وحظنته وباست راسه وصدره وجسمه وتبوس ايده وهو ما يتحرك . .
يدوه : انته بعدك ابويه شال عليّه . .
انا اطالعه وعاقده حياتي . .
تقرب منها وباس راسها : مش زعلان . .
يدوه حظنته : فدييييييييتك يا ابويه فديتتك . .
حط ايدها ع ظهرها : لكن ما توقعتها . .
يدوه : الله المسامح . . وشهاب سامحني . . سامحنني يا ابوي سامحني . .
وليد باس راسها : الله الي يسامحج مش انا . .
ابتسمت وكنت يايه اتجدم عشان ادخل بيت يدي لكن قبض ايدي بقوة . . مما خلاني افززززع فزعه وتركت ايده بكل قوة . . تميت اطالعه برررعب . . خفففت . . والله خففففففت . . مسكة الايد هاي مسكني اياها سيف . . مسكني بقوه ما تخليني انسا طول عمري . .
وليد تم يطالعني مصدوم . . وانا بروحي كنت مصدومه من عمري بس وربي الشي صار عشوائي . . الشي مزرووووووع فيني . . هالالم وهالغصصصصه . .كيف بتروح مع الايام كييييييف . .
يدوه يت سلمت علي : شخبارج اميه . . شخبار ريولج . .
انا بعدني مفزوعه واطالعه . .
يدوه : شوه فيج . . " تطالع وليد " بلاها اصفرت مره وحده . .
وليد يصد الصوب الثاني ويغمض عينه . .
انا ابا ارد ع يدوه واقولها يدوه مافيني شي . . . ابا اطالع وليد اقوله والله ما اقصد مش بايدي . . لكن مخنوقة . . احس شي زاغدني ما يطلع مني شي ..
وليد : هاتيلها ماي يدوه . .
يدوه : دشي امي تعالي دشي . .
وسبقتني بسرعه تمشي . .
وليد جابلني وتم يطالعني . .
انا غمضت عيني ونزلت راسي . . سامحني ياولد عمي . . الي فيني اكبر مني هالمره . . غمضت عيني بألم بحرقه بيئس . . ماظنيت هالشعور الي وايد بنات عاشوه بعيشه . .
وليد : اهدي خلاص . . الغلط مني ماكان المفروض ازخج . . . بس ماكنت اباج تدخلين بدوني . . من اليوم ورايح ماتروحين اي مكان بدوني . .
انا اطالعه . .
وليد : يالله خلينا ندخل . .
ودخلت معاه . .
يدوه عطتني ماي وشربت . . .
يدوه : ها من تعب السفر فديتكم . .
انا اطالعها : وين يديه . .
يدوه : ف حجرته توه سدحته عشان يرقد . .
وطيت الماي صوب التلفزيون . . ومشيت بسير غرفته ودخلتها . . شفته مبطل عينه ويطالع السقف . . سكرت الباب ..
تميت امشي بألم لين رحت صوبه . . مسكت ايده بحنان وحطيتها ع ويهي . .
يديه : مممهره ؟
انا دموعي تنزل وماقدر انطق ب حرف . . تميت ماسكه ايده ومخلتنها بس ع ويهي .
انا : يدي انا رديت من السفر " ابتسمت بعذاب "
كنت اقوله اني رديت من السفر لاني لو قلتله رديت ادري بيقول من وين وبينسى . . واكيد يدوه كل يوم لما يسال عني تقوله مهره مسافره تتعالج ويرد ينسى . . .
يديه : اميه مهره . . حبيبتي . . نظر عين يدج . . انتي تصيحين ؟!!!!
انا اصيح بعذاب : يديه . . انا تعباااانه . .
يديه : يعورج ممم
كان يحاول يتذكر شو الي اصلا يعورني . .
انا : ما تعورني ريولي
يديه : .اكيد تتألمين منها اكيد . .
انا : لا . . ما تألمني . . قللللللبي . . جسمي . . " اصيح بقوه وبصوت خفيف " عرضي . . كل شي يعورني ويألمني . .
يديه ساكت جنه انصدم . .
انا : يديه اعرف . . لو قلتلك هالكلام بتنساه باجر . . انا محتاجه اقولك . . انا احس بالضعف . .
يديه كان يحاول يقعد . . : منو ضرج . .
قمت وساعدته عشان يقعد . .
يديه : منووووو ضررررررررج . .
لما قعد نشيت من ع الارض وصعدت السرير وحطيت راسي ع صدره وخليت ايدينته الهنتين تلمني . . احس بالعار . .احس اني مش مستوره . . كنت ابي ايدينه حوالي لاني احسها تسترني . . اول ما لمني بهالطريقه ارررتحححححححححت . . احس اني بأمان . . محد بيضرني لو تميت اهني محد بيضرررررررني . .
يديه : قوليلي . .
انا اصيح : سيف . . حقيييير . .
وخبرته كل شي . .
يديه كان معصب ولما تميت اطالع ويهه شفت انه متصنم وجسمه بدا يتيبس من العصبيه . . تميت خايفه . .
انا : يديه . . يدييييه . .
يديه بس معصب ما يتكلم . .
مسحت دموعي وطلعت من الحجره . . اول ما بطلت الباب لقيت سيف ف ويهي . .
وعلى طول رجعت ع ورى وتميت اصررررررررررررخ . . : يمممممماااااااااااااااااا ااااااااه . . يممممممممااااااااه . . " اصارخ اقوى " ولييييييييييييييييييييييي ييييييييييد . .
تميت ارجف وارجف وخايفه ع يدي وخايفه ع نفسي ولما شفته بهالطريقه متتتتتتتتتتتتتتت . .
وماحسيت ب شي ابدا . .!
فتحت عيني ع هالجمله . .
اميه : انا هالبنت ماعرف شو ياها . .سلط سلط . . شو ياها كله فالمستشفيات صارت شو هايا . . " تصيح "
شهاب : اذكري الله يا امايا . .هاي حكمه الله . . وهكي جدام عينج مافيها شي . .
انا فتحت عيني : شهاب . .
شهاب يطالعني : بسم الله عليج يا الغاليه . .
انا : يدي . .
شهاب : تطمني بخيير . . السكر ارتفع عليه وع طول خذا حبوبه وادويته وبخير . .مافيه شي
انا : احلف
شهاب : والله يالغاليه . .
انا : وينه
شهاب : فالبيت . .
انا : دق ع البيت خل ارمسه . .
شهاب : بخير هو فديتج والله بخير
وليد : دق . . خلها تسمع تطمن . .
انا صديت شفت وليد ع يساري كان واقف . .
شهاب يدق . . وبعدها مدلي الفون . .
انا : يديه انت بخيييير . .
يديه : انا بخير .. انتي بخير ؟
انا : هيه الحمدلله بخيير . . انا الحين بييك يديه . .
يديه : ارتاحي ابويه ارتاحي . . انا ما بطير تام اهني بترياج
انا : لا الحين بيييك بشوفك . . .
يديه : ان شاء الله بتيني . . انتي بس ارتاحي وسمعي كلامهم انزين
انا اطمنت من قلب : ان شاء الله . .
وبندت عنه . .
اميه : ابويه وليد روح ارقد . . انت ياي من السفر تعبان . .
شهاب يطالعه : روح انا بقعد معاها . .
وليد يطالعني . .
انا صديت صوبه . . .
وليد : ماقدر . . مرتاح جيه . .
انا اطالع اميه وشهاب : انتو روحو . .
اميه تبتسم : تسمع شهاب ؟ الحين كله تبا اتم ويا ريلها بس . .
اخخخ . . يا قوتها يا امايا . . يبتيها بقوة . . لو تعرفين الي بينا ما قلتي هالكلام . .
شهاب يبتسم : الله يجمعهم ع خير دوم يارب . .
اميه : امييين . .
شهاب : يالله عيل خل نخليهم ونسير .. انتي من العصر ع هالقعده ..
اميه : وليد ابويه طمني كل ما اتصل رد علي . .
وليد : ان شاء الله اميه ..
وسار صوبها باسها ع راسها . . ووصلها لين الباب . .
عقبها يا وليد صوبي . . وتم واقف يطالعني . .
وليد : شو تحسين . .
اانا : شو صارلي . .
وليد يتنهد : شو اخر شي تذكرينه . .
انا : ماعرف كنت خايفه وصرخت و وو . . " غمضت عيني بقوه لاني الحين تذكرت انا ليش اغمى علي"
وليد : قالج شي خلاج تفزعين . . ؟
اناا اطالعه : لا . .
وليد : متاكده
انا : هيه . .
وليد يتنهد . .
انا : انت وين رحت . . قلتلي ما بتخليني . .
وليد : دشيت ويا يدوه المطبخ . . وهو شاف السياره واكيد عرف انج بتكونين اهني . .
انا تنزل دموعي : ليش قاعد يسوي جيه . . ليش
وليد يطالعني . .
انا تمت دموعي تنزل لين ياب كلينكس ومدالي . .
انا اطالعه . .
وليد : لا تصييحين ع ريال غيري . . جدام عيني . .
وحط الكرتون ع السرير وكان ياي يطلع من الغرفه . .
انا : وليد . .
وليد عاطني ظهره بس واقف . .
انا : ككيف . . عرفت اني كنت فالفندق . .
وليد تم فتره عاطني الظهر ولاحظت قبضه ايده مرصوصه بقوة وجنه يطلع اعصابه كلها فايده . . وعقب فتره صد ..
وليد يطالعني : الخدامه الي كنت ناوي اذبحها بايدي لكنها مالها ذنب الا انها عبد مأمور ماتعرف شسالفه . .
انا اطالعه . .
وليد : الخخخخخخرا عاطنها ظرف فيه بطاقة الفندق . . ومكتوب ع الظرف اسمج . . وقالتلي انه منه. .
انا حزتها تذكرت الحيوان وهو بعد ما طلع من الحمام اتصل على حد وقال " عطيه الحين "
اكيد كان يرمس الشغاله . . الخايس الحقير . .
وليد : سرت البيت حزتها . . تمنيت اشوفج اهناك وماشفتج . . وييت وانا جثه ماعرف كيف وصلتلج . . " يبتسم باستهزاء وتنزل دموعه "
انا اصيح : ليش ما يييتني بسرعه ليشش . . .
وليد اتنهد وقام طلع من الغرفه . .
انا امسح دموعي وبصوت مخنوق ومبحوح : لا تخليني بروحي . . اخاف . .
وليد يطالعني : ما بخليج . . انا عند الباب واقف . . مابتحرك . .
وطلع وسكر الباب . .
وانا تميت مغمضه وحاظنه عمري باللحاف بقوه . . .
بعد ساعات ياني الدكتور ورخصني وطلعت من المستشفى . . لكن الي ردني مش وليد . . شهاب . .!
قالي شهاب ان وليد تعبان وطلع وهو الي خلص اجراءاتي وطلعنا وردني البيت . . طبعا فالبيت كنت مع صراع مع ماما لان ماتباني اصوم وانا اقولها بصوم . . ماقدر افوت يوم عرفه !! وقنعتها اني بخييير وبعدها اقتنعت اني اصوم . . .
يوم الخميس عدا خفيف بالصيام الحمدلله وابد ما حسيت بالتعب .. وكنت اصلا طول الوقت ف حجرتي واسمع قران واستغفر وشوي اقرا قران واتعبد وادعي الله يريح نفسيتي ونفسية وليد . .
من عقب الفطور . . اشتل البيت فوق تحت حق تجهيزات العيد . . . ماشفت ولا حد من بنات عمي مرني . . كلهم مرتبشات حق العيد . . انا كنت الوحيده الي مش مزهبه ولا شي . . فتحت اللاب وجيكت ع ايميل الكليه . . لاني طلبت من المستشفى يطرش تقريري حق الكليه وعطيتهم العنوان وقلت حق المسؤوله تاكدلي لو وصلها التقرير . . واكدلتي ان الحمدلله وصل بالسلامه واني مابكون ف مرحله الخطر لو داومت فالكولج وبيساعدوني وبيعيدون لي الي فاتني . .
يندق الباب . .
انا : ادخل . .
شهاب يدخل : شدراج ان ادخل مش ادخلي . .
انا مبتسمه : عرفت دقت ايدك وسمعت خطواتك . .
شهاب يبتسم : امايا خبرتني انج مش زاهبه للعيد . . نشي بوديج
انا : لا مالي خاطر والله . . بلبس لي اي شي عندي
شهاب : واخوج موجود تقولين هالكلام ؟ ها اول عيد بتعيدينه وياي . . " يبتسم "
انا مبتسمه : مابا اردك لكن والله مالي خاطر . .
شهاب : يالله يالله . . بترياج البسي عباتج . .
انا : مصر يعني
شهاب يبتسم وطلع . .
مامداني البس عباتي الا والباب انفتح بقوه . .
رقوي : مهوووووووووووووور
انا شهقت : بسم الله خوفتيني بلاج
رقوي : ههههههههههه اسسسسسسسفه . . " تبتسم " بي وياكم . .
انا : ههههههه شعندج
رقوي : ابا اي وياكم مهروه لا تتفلسفين . .
انا : انزين شعندج تبين تين
رقوي : يعني اخليج روحج ويا شهاب تحوطوووووووووووون
انا عاقده حياتي : شهاب اخويه
رقوي : انزيييييييين ادري اخوج . . بس انتي بتملين . . ماتعرفينه ها وغد والكلمه تطلع من حلجه بالحسره وما يتكلم ولا يبتسم وجنه فيه توحد مايعرف يسولف
انا فاجه عيني : كل ها في اخويه !! انا ماجفت كل الي قلتيه
رقوي : معقوله بس جدامي عيل يمثل . . ليكون انا جاذبه انتباهه ويبا يكون ثقيل علي
انا : ههههههههه . .
رقوي : يالله خلصصصصصصصينا . . بترياج فالسياره . .
انا ابتسمت وقعدت اخلص بسرعه وعقبها شليت تلفوني وطلعت . .
شفت شهاب واقف عند الباب الجدامي ومعصب : انزلي . .
رقوي : قلتلللللللللللك مابا انززززززل . . هكي مهور يت . . مهور عادي اقعد جدام صح
انا اطالع شهاب جد معصب . .
شهاب : قوليلها تنزل وتركب ورا . . ولا قوليلها تفارج وماتركب ويانا . .
انا اطالعه : هد اعصابك انزين
شهاب عاقد حياته : ماتجوفينها هالياهل توفر الاعصااااااب . . . " بعصبيه يطالع رقوي " انزلي . .
رقوي تصك الباب بقوه : والللللللله ما انزل . . بشوف شو بتسوي . .
شهاب يطالعني : بضربها . .
انا فيني ضحكه بس قابضتنها : تخبلت . . بتضرب بنت عمك . .
شهاب : هاي مش بنت عمي . . هاي بلشة من عمي
رقوي تنزل الدريشه : ترا انا اسمعك اوكي . . " اطلع لسانها " ويو . . ركبت وحلفت ما انزل . .
انا : هههههههههههه . . خلاص خلها اركب يالله . .
شهاب : استغفر الله . .
وليد كان في بيت يدي وطلع وشافنا واقفين برا . . ف مشى ياي صوبنا . .
وليد : شفيكم . . " يطالعني " انتي وين رايحه . . .
شهاب يطالع وليد : ود حرمتك تتشرا للعيد ماعندها شي تلبسه . .
يسكر السياره . .
شهاب : وانتتتتتتي دامج حلفتتتتتي خلج اهني . . انا مش رايح مكان . . " يطالع وليد " ودها الحين !!
رقوي تنزل من السياره : ايييييييه تستهبببببببل وين رايح . .
شهاب طنشها ودش بيتنا . . ورقوي تركض تلحقه . .
وليد يطالعني : ماعندج للعيد . .
انا : لا . . وماكنت ابا مالي خلق بس شهآب اصّر . .
وليد تم يطالعني . . : تعبتي من الصيام اليوم . .
انا : لا . .
وليد بدون نفس : يالله خل نسيير صوب سيارتي بوديج . .
انا اطالعه : لا مابا خلاص . . انا كنت طالعه عسب شهاب بس . . مالي خاطر اتسوق . .
وليد يطالعني : ماتبين تين ويايه ؟
انا : مايخصه لكن مالي خاطر جد اتشرا شي . .
وليد يطالعني : ع هواج . . يالله دشي . .
انا اطالعه . .
وليد يتجنب نظراتي ويصد يمين : السفر ثاني يوم العيد ترى مش ثالث . .
انا : ان شاء الله . .
وليد يطالعني : يالله دشي . .
انا اتنهدت وكنت يايه ادش
وليد : مهاري . .
انا حسيت نبض قلبي وقف من طاري اسمي ع لسانه . . وصديت صوبه . .
وليد : لو ما يضايقج وعادي .. كل ما تبين تطلعين او بتطلعين . . بلغيني باتصال او بمسج . .
انا اطالعه
وليد : بصفتي ولد عمج الي يحاتيج . . بس
انا اطالعه : ان شاء الله . .
وليد يبتسم : يالله روحي . .
ورحت عنه . . .
دشيت غرفتي ع طول وانسدحت وتميت مغمضه . . ماعرف شسوي احس بفرح ع اهتمامه ولا احس بخوف من الي بيصير . . مش عارفه . .
بدلت عباتي وعقبها فتحت الدريشه وقعدت اشوف تحت . . جفته نفس الوقفه واقف ونفس المكان يطالع . . جني قاعده امشي جدام عينه ويراقبني . . تم ع هالوقفه وايد وانا تامه اطالعه وايد لين طلع شهاب حزتها وتمو يرمسون بس ماعرف شو يقولون . . وعقبها ظهرو سوا ب سياره شهاب
رحت المطبخ قلت بعاون امايا اكيد متخبله الحين من الطباخ . . قعدت اسوي سويتات واطلع كل مهاراتي الي اعرفها . . سويت بحدود الـ 5 سويتات . . وايسكريم . . وبعدها يتني ميروه ..
ميروه : مهووووور انتي اهني وانا ادورج ف كل مكان . . وينج عن فونج
انا اطالعها : فوني ف حجرتي . .
ميروه : الله شو شو مسسسسسسسويه . .
وقعدت تاكل من الايسكريم
انا : ميروه كفففففف . .
مايد يدخل : السلام عليكم . .
اميه ابتسمت . . جنها امي تعرف الي يدور بين مايد وميره .. وجنه بيتنا مقر اللقاء بينهم هم الاثنين . .
اصلا عيال عمي خالد وايد تعودو ع بيتنا ف فتره الي سافر فيها عمي وحرمته برع . . قبل ما كانو يدخلون بيتنا ويطلعون ع راحتهم الا يوم الجمعه . . لكن الحين دخلاتتهم وطلعاتهم ع راحتهم . . وحتى غرفهم ما فضوها كلها ومخلين اغراض عندنا وامي وايد عايبنها الشي . . تحب اللمه وتحب اني ما اكون روحي وحد يملي علي البيت . .
اميه : مايد سويتلك الي تباه
مايد منصدم : بسبوووووووسسه
اميه تبتسم : هيه . .
وسارت غسلت ايدها وظهرت . .
مايد سار صوب البسبوسه وهجم عليييييها . . وتم ياكل وياكل وميره تطالعه ما تحرك عينها
مايد : بلاااج . . اول مره تشوفين حد ياكل . .
ميره : عافان الله . . انت اول مره تشوف اكل شو . .
مايد : مع نفسسسسج . .
وطنشها وتم ياكل
ميره : هات هات ابا اكل . .
مايد : روحي زين . . سمعتي شو قالت خالوه . . ؟ حق مااااااايد . . سويتلك الي تحححححبه . .
ميره تسير صوبه : انزين هات باخذ وحده بس اوف . .
مايد يبتسم : شهيتج يعني . . طريقتي حلوه فالاكل ؟
ميره : يععععععع . . الا تلوع الجبد . .
مايد : عيل لو تموتين حبه ما تاخذين . .
ميره تصارخ : هات اقولك
مايد : انتي ايه شعندج تصارخين . . عيبتج السالفه . . وبعدين باجر عيد لازم تكونين هاديه وترمسيني باسلوب حلو . .
ميره : ووووييييييييع ولييش ماعندي شغلللللله
مايد : يا كلبه بصفتي زوج المستقبل . . نسيتي شو
انا : هههههههههههه الله يخليكم بس راسي عورني خل اخلص السويت الاخير ع خير
مايد : بنت عمي ترا انا ابا اخطبها
ميره : خ يولي . . قلتله لو اخر ريال فالدنيا ما اخخخخخخخذه . . ما اخذ واحد جذاب . . " تطالعه " مهوي
مايد يطالعها . .
ميره : هات يالللللللله
مايد : روحي عن اعطيج كففففففف . . .احين لو تشحتين لين باجر ما اعطيج . .
ميره تسحب الصحن عنه وهو يسحب الصصصصصحن . .
مايد : بشوتج قسم بالله بطيحج اهناك
ميره خازت . .
مايد : ههههههههههههه هيييييه جي اباج هاا . . تخافين من تهديد
ميره فاجه عينها : انت وايد ماخذ مقلب ف نفسك . .
مايد ياكل : كيف يعني . . من حقي لاه ؟ جميل وغاوي وكل حد يتمناني . .
ميره : انت جمممممميل . . وين الجمااااااااال . . اخيييييييه . .
مايد : مع نفسسسسسج . .
ميره : انزين عطني وحده والله فخااااااااااطري . .
مايد : لو تموتين . .
ميره : انزين نصصصصص نصصصصص
مايد : تعرفين لو تحنين لين باجر . . ربع ما اعطيج . .
ميره : اوووهووووووووو
مايد : تزوجيني ؟ بعطيج
ميره : لااااااالالالالاااااااااا ااااا . . ماباك مااااباككككك ماباااااك
انا : انزين بدون صرااااااخ اووووووف اذنننننني . .
الشغاله تدق الباب : ماما مهررره . .
انا اطالعها : ها حبيبتي . .
الشغاله : انا يودي اغراض غرفه مال انتي جين ؟
انا : اغراض شو
الشغاله تبتسم : ما يعرف . .
انا : وديه انزين . .
مايد : اوب اوب . . بدت سوالف العرسان ميروه تشوفين
ميره : هيه والله اشوف . . اخخخخخخخ ع وليد من يومه
مايد يضربها ع راسها بقوة : انتي شو ماتستحين ع ويهج . . مافيج ادب
ميره تطالعه وحاطه ايدها ع راسها : انت توك ضربتني ؟
مايد : هيه ضررررربتج . . تبين كف ثاني ع راسسسسسج
ميره تشهق : انت جي تضررررررربني " تصارخ " تباني اموتك . .
مايد : لو فيج خير راويني . .
انا انسحبت بهدوء وانا ابتسم وطلعت عنهم من بعد ما حطيت السويت الاخير فالثلاجه . .
رحت فوق بسرعه ب فضول . . وشفت اكياس محطوطه ع السرير . .
فتحت الكيس الاول ولقيت فيه بدله قصيره ذهبيه فولك تلمع . . اثيريه عجيبه . . وايد وايد حلوه واحس لو لبستها بكون جني يآآهل . . جيكت ع السايز وشفته سايزي يعني للحين يذكر ويعرف . .
االكيس الثاني كان شوز اسود كعب . . وايد حلو جد حبيته . .
والكيس الثالث كان بوكس من قيس . . وفتحته لقيت ساعه ذهبية تجنن . . قايستها وشفتها على ايدي عجيبه . . جد استانست . . مسكت التلفون ع طول وكتبت له مسج " مشكور وايد "
وتميت ماسكه الفون بايدي اترياه يرد . . لكنه ما رد . . عقبها ب شوي طرشلي مسج فيه بن كوده . . وضفته وقبلني على طول . .
وكلمته ع البي بي
( ليش كلفت ع روحك . . )
قرا لكن ما رد . .
( ع العموم مشكور وايد . . حبيت كل شي . . )
وبعد قرا وما رد . .
بعدها ركزت ف بروفايله . . جفت النك نيم حاط اسمه " وليد " وفـ الحاله حاط حرفي . .
لا ارادي انطبعت ابتسامه ع ويهي . .
وكاتب في الرساله الشخصيه .. " يا اهل الحسد والوشايا .. سعاده القلب وياه "
ودرت الفون بعدها ونشيت خذتلي شاور وبعدها صليت وبعدها قعدت استشور شعري وادور لي اكسسوارات للبس وزهبت كل شي . . ونزلت تحت بجوف اميه . . لقيتها ف حجرتها راقده
حبيت راسها وانخشيت بين حظنها ورقدت . . .
يوم الجم ـعه . .
ع الساعه 7 الصبح . . !
شما : مهووووور . .
انا افتح عيني بصعوبه . .
شما : بسرعه بسرعه شرايج فيني . .
قعدت اطالعها من فوق لين تحت وابتسمت : قممر . .
كانت لابسه جلابيه الموضة الي بألف لون . . كان من تحت الخصر لون شمامي وع الصدر بيج ومع حزام ماعرف شـ لونه بالضبط لكن مع نفس التدرج . . جد جد حبيت لبسها ومكياجها الخفيف . .
شما مبوزه : عيل ليش مروان قالي انتي مش حلوه . .
>
<
>
شما : الو . .
مروان : صباحج عيييد . .
شما مبتسمه . .
مروان : وينج ؟ يالله اترياج فالميلس اظهري . .
شما : الحين انت برع
مروان : هيه اترياج في بيتكم انا . .
شما : اويه . .
مروان : ليش ما خلصتي ؟
شما : بلى . .
مروان : عيل يالله خليني اشوفج . . ابا اباركلج
شما : استحي . .
مروان : يالله عاد قاعد اترياج . . خلج ع الخط وتعالي لي . .
شما : انزييين . .
ومشت شماني رايحه ميلسهم . . ودشت عليه وبعدها سكر مروان الفون . .
شما : السلام عليكم . .
منزله راسها . .
مروان يي صوبها : وعليكم السسسسلام ورحمه الله " يبتسم " وبركاته . .
شما تطالعه ومبتسمه . .
مروان : انتي ليش وايد مش حلوه اليوم . .
شما تطالعه : هاه . .
مروان : مول مول مش حلوه . . ما حبيتج ابدا " يبتسم " كل شي فيج ما يعذب ولا يخبل . .
شما تطالعه : ليش . .
مروان : مادري . . " يبتسم "
شما : انزين ثانكس لانك قلتلي الصدق . .
مروان : هههههههه " يتقرب منها يبوسها ع خدها " كل عام وانتي بخير حياتي . .
شما تبتسم : وانت بخيير . .
مروان يطلع من بوكه 4000 ويعطيها . . : هاي عيديتج . .
شما تبتسم . .
مروان : وانا شو عيديتي . .
ترد تمد له الفلوس : اندوك . .
مروان عاقد حياته : شـ اباها البيزات انا . .
شما تطالعه . .
مروان : بوسيني . .
شما ترجف . .
مروان : اهدي اهدي . . ع خدي ما قلت شي ثاني انا . .
شما ترجف . .
مروان : هههههه خلاص خلاص مابا منج شي . . تلوميني يوم اقولج مش حلوه
شما تبتسم بحيا . .
مروان : يعني ما بتغيرين رايج . .
شما : مروووان . .
مروان يبتسم : بوسه سريعه . . يالله انا بغمض بساعدج . .
وغمض عينه . . وشوي شوي تقربت منه وباسته بسرعه ع خده . .
مروان : فدييت شماني . . " يبتسم " فديت روحها . .
تطالعه ومستحيه ومبتسمه
مروان : يعلني ما خلا منج . .
شما بحيا : ولامنك . .
>
<
>
انا : انتي غبيه . . كل ها كان غزل اصلا . .
شما : كيف يعني
انا : يعني هو يطري العكس ما يباااااااله . .
شما : صدق
انا : ههههههههه صدق . .
يدخل صقوري علي وهو يركض : مهالي
انا : وفففففففففففففديييييييييي يييييييييت الصصصصقر . .
شما تتغشا : انا بروح عيل عن حد يمر . .
انا : اوكي حبيبي . .
وشليت الصقر وحطيته فوقي : فديييييتك انااااااااا . .
عنود تدخل : كل عام وانتي بخير العروس
انا مبتسمه : وانتي بخييير . .
عنود : شعندج راقده فحجره امايا . .
انا : مادري ولا حسيت بعمري الا فحظنها فديتها . .
عنود تبتسم وتي تبوسني . .
انا ابوس صقوري : وين فلووووووس . .
صقور يطلع من جيبه . .
انا : فديييييته الي بيعطي خالوته " ابوسه " وفديتك انا وفديتك . .
وقعدت ألاعبه واعض خده وابوسه ف كل مكان . .
عنود : ودريه عنج . . وقومي ازههههبي ماشي وقت . .
انا لمحت ساعتها : اوب اوب خفي علينا يا راعيه الرولكس . .
عنود مبتسمه : حبيتيها ؟
انا : وايد . .
عنود : عيديه عبدالله . .
انا مبتسمه : صدق . .
عبدالله : غمضي عيووونج . .
عنود : والله مغمضه . .
عبدالله : مدي ايدج .
عنود مدت ايدها . .
عبدالله لبسها وبعدها حب راسها : كل عام وانتي بخير حبيبتي . .
عنود فجت عينها : الللله . .
عبدالله مبتسم ويقعد حذالها ويمسك ايدينها الهنتين : بالرغم من ان نحن متزوجين من فتره طويله . . الا ان هاي اول مره اعيد فيها عليج بهديه . . حبيت تكون قد المستوى وتعوض عن الي حرمتج منه . . مع ان عمرها هديه ما عوضت
عنود تقاطع : تعوض . . حتى لو يبتلي ورده بتعوض . . كل شي منك لو كان بسيط يعوضني . .
تتقرب منه وتحط ايدها ع صدره : بس خل قلبك لي . . مابا هدايا ولا ابا شي ثاني منك
عبدالله يبتسم وحط ايده فوق ايدها : انتي نعمه من الله . . منو يتحملني مثل ما انتي تحملتيني . .
عنود بدلع : انا مابي حد يتحملك اصلا غيري . .
انا مندمجه ومبتسمه : كملي كملي
عنود تضربني : جببببب ما يخصج فالباقي
انا : هههههههههههه ابا اععععععععرف قوليييييي . .
عنود : انتي بعدج ما عرستي واستخفيتي ياقليله الادب
انا ابتسمت . .
عنود : يلاااااا نششششي فكينا قبل ما ايييي ريلج ويشوفج جييييه . .
انا اطالعها . . ريلي ؟ ههه . . خليها على الله ياعنود . . خليها على الله ياوخيتي . .
وكانت يايه تشل عني صقوري . .
انا : خليييييييه عن اصمج كففف ع ويهج . .
عنود : كيف بتكشخين . .
انا : بعطيه الايفون يلعب فيه بيستانس عليه وما بيتحرك . .
وشليته وطلعت من حجره امي ورحت حجرتي . . وتغسلت وبدلت ولبست ع السريع . .
الفستان كان قصير ف لبست معاه هيلاهوب . . ادري امي بتهزبني . . لكن برايه شباب العايله ما بيمرون صوبنا الصبح . . بيمرون الظهر ولا العصر وعقبها انا بدور لي لبس ثاني . .
كشخت اخر كشششخه . . جني ماورايه هم ولا غم . . ما بغيت اي حد يلاحظ او يشوف حزني . . حاولت اخبي حزني بالمكياج قد ما اقددددددر . . حطيت روج احمر فاآآآآقع . . ولبست لي عدسات خضر . . ومديت ألاينر لين اخر العين وشوي زياده وكثرت من المسكرا والبلاشر . . لميت شعري الطويل كله ع فوق عشان ما تاكلني امايا . . ولبست لي تاج ذهبي لامع . . وعقبها تعطرت وحطيت دهن العود وتبخخخرت . . ولمحت حبيب قلبي راقد وهو حاظن الايفون . .
انا : حبيييييييييبي والله فديتك يا اميه . .
لبست الكعب وبعدها شليت الولد . . بخليه يرقد ف حجره اميه لان لو صاح فحجرتي فوق محد بيسمعه . . نزلت شوي شوي وشفته قاعد فالصاله ومن صوت الكعب سمعني و وقف . . انصب الدم كله فويهي . .
شت شت شت شت . . كنت مخططه احط شيله ع جسمي بما ان اللبس كت . .
ارتبكت وحسيت اني بتخرطف وجنه حس بارتباكي وعلى طول ياني ف نص الدري وشل عني الولد . .
وليد : هاتيه عنج . .
شلاه ونزل وانا كنت يايه اصعد بييب لي شيله
وليد : لا تتحركين وانزلي . .
انا : بروح وبرجع
وليد : ما بطول انا . .
مادري ليش حسيته يتعمد يقول ما بطول عشان بس يجوفني جيه . .
نزلت وراه . . لين تحت الدري .. وعقبها رد عطاني الولد . .
لما عطاني الولد كنا وايد قراب لدرجه انه اظن شم عطري وغمض عينه . . ولما رفعت راسي اطالعه ارتبك . .
وليد : بترياج . .
وديت الولد وانا ارجف واحس اني مستحيه موت . . اوف ماحب الاحراج . .
حطيت الولد ع السرير ولحفته عدل ولايمت الباب وسرت صوبه الصاله . .
وليد : خل نروح الميلس الي داخل . .كيف تقعدين فالصاله جيه ؟ لو حد دخل . .
ومشى . . وانا مشيت وراه . .
فجاه لاحظته ابتسم وصد صوبي . .
انا : ليش تضحك . .
وليد : ع صوت الكعب . . جنج عارضه ازياء . .
ابتسمت . .
دخل الميلس ودخلت وراه . .
و على طول جابليني . . جان ارجع ع ورى . . تمينا واقفين عند الباب . .
انا : شفيك .. اقعد . .
وليد : مابي اقعد . .
انا تامه اطالعه . .
وليد يبتسم : حلو ذوقي صح . .
انا ابتسمت . .
وليد : واحلى عليج . . ماتوقعت لهالدرجه . .
انا ابتسمت اكثر . .
وليد يصد الصوب الثاني . . : ماعرف شقول . .
انا : لا تقول شي . .
وليد يطالعني . .
كان ياي يتقرب . . لكن ع طول صديته ورجعت ورا اكثر . .
وليد يطالعني . .
انا : بعدني وليد . . انا ما تحسنت . . محتاجه وقت . .
وليد : انا ماكنت بسوي شي . . بس بشل السعر من ورى . .
وسحب السعر من القميص . .
وليد : حتى ما شلتيه من الاستعيال " يبتسم "
انا جد تلومت من نفسي وايد . . وماعرفت شقوله . .
وليد : تزهبي حق السفر باجر . . وروحي بدلي مابي حد يشوفج بهالجمال كله . . بيحسدوني عليج
انا اطالعه . .
وليد يبتسم : وعيدنا الياي باذن الله بيكون احلى . . ثقي بهالشي . .
انا : ان شاء الله . .
وليد : تبين عيديه . .
انا : الي بيعطي عيديه يعطي ع طول من غير ما يسال
وليد : يعني تبين اونج هاه
انا : هيه في حد ما يبا عيديه . .
وليد يبتسم : شو تبين . . امري . .
انا : عاشوق . .
وليد : بس عاشوق . .
انا : هيه . .
وليد ياشر ع عيونه الهنتين . .
انا ابتسمت . .
وليد : متى ما تبين وتكونين روحج دقيلي بوديج . . انا بتم عند يدوه . .
انا : انا بعد ابا اسير اسلم عليهم . .
وليد يطالعني : مابتروحين بهاللبس !! روحي بدلي وعقب بوديج تسلمين . .
انا ابتسمت : ان شاء الله . .عيل خلاص بعدين بسيرلهم . . دامني توني جاهزه ومخلصه
وليد : دقيلي ! انا الي بي بشلج . .
انا ابتسمت : ان شاء الله
وليد يبتسم : تبين شي
انا : سلامتك . .
وليد : يالله . . مع السلامه . .
كان ياي حسيته يبا يبوس راسي لكنه تراجع ف اخر لحظه . . وراح . .
احس بشعور وايد حلو . . ع رغم الخوف الي فيني بعد احس بشعور حلو . . الله يريحك ويريحني . . الله ما بيخب ظنا وباذن الله كل شي بيني وبينه بيتحسن ف يوم . .
