الكاتبه: فاطمه علي
#راعوث
ماجان النيه حُب''بس والله عينه حلوه
السلام عليكم شلونكم طبعاً هاي اول قصه لا تنسون التصويت تعاليقكم الحلوه جميلاتي♡
_______________________________________
ابرار:-بصوت ناصي، راعوث
راعوث:-درت وجهي بستغراب، هاا؟
ابرار:-تعاي عفيه
راعوث:-احجي شتريدين
ابرار:-حبابه تكدرين تاخذين موبايل افراح وتجيبي اليه حبابه حبابه والله اني اخاف اخذه وما تقبل تنطينيا
-وانتي شتسوين بي، باوعتلي خجل ودنكت رفعت عيونها يلمعن وعاضه شفتها الجوه وابتسمت وحركت عيوني بيسرى ويمنى بعفويه واردفت راعوث، الخاطر كروري
ابرار:-عزه عفيييه لا يسمعج واحد
راعوث:-هههههه كلش خايفه واضح الخوف
رحت للغرفه فتحت الجرار وطلعت موبايل افراح ضميته جوه ملابسي وطلعت انطيته الابرار واخذته وراحت بالطارمه وره البيت ابرار اكثر وحده قريبه مني لان نفس العمر تقريباً تحب ابن جيرانه كروري وهوه كذالك تخابره على موبايل افراح وجم مره حاجين سوه بالواقع مطيها رقمه هوه عمره22 محد يدري بعلاقتهم بس اني
ابرار:-هاج عفيه رجعي لمكانه
راعوث:-شوكت يخطبج
ابرار:-اممم بعدني صغيره
راعوث:-زين تعرفين كافي هاذا اخر مره اجيبلج الموبايل والله
ابرار:-شجاج والله يتزوجني وهوه حلف براس امه
راعوث:-مادري شو ماصدك بنات ناصر يتزوجن على حب ما تدخل بعقلي
ابرار:-الله كريم انشوف اجيج اني وكروري وجهالنه والكه الثمانيني يكلج ااه طفلتي محتاج حضنج ليش مهمله
راعوث:-شلون لسان، سحبت الموبايل منها ورحت رجعته المكانه شفت صوره امي طلعتها مسحت على الصوره باصبعي الابعام بستها وشميت الصوره بقوه رجعتها المكانها باوعت على الباب شفت ضل اسود احساسي يكلي راح تنسد الباب خفت اباوع على جسمي يرجف واتنفس سريع حسيت شي وراي باوعت بطرف عيني لا ارادي ايدي ضربت كصتي حيل غمضت بقوه من الوجع
رقيه:-طبيت شفت راعوث طبعه حمرء على كصتها مقمضه عيونها حيل، شبيج راعوث
راعوث:-فتحت عيوني رجعت طبيعي ولا كانو شي صار، مابيه شي شتريدين
رقيه:-باوعتلها باستغراب ما يصير اطب الغرفه؟
راعوث:-لاطبي رحت طلعت ملابس وطبيت سبحت
بـ9 بليل
-كاعدين سوه وبابا موجود ويانه جاي نتعشه وضحكنه الحلوه مرسومه على وجوهنه وضحك بابا المتعوبه المرسومه على وجهه وعيونه يلمعن وهوه يباوع علينه وحده وحده كملنه اكل غسلنه المواعين وكعدنه شويه باوعنه تلفزيون افراح فرشت النه وراحت نامت لان تعبانه تشتغل بلنهار تخيط تغفه بسرعه بغينه نباوع بابا غفه بالصاله كعدته شمس وراح للغرفه اني كمت غسلت وجاي افرش سنوني ركزت بالمرايه على عيوني بقيت مركزه بيهن سمعت حس يمي درت وجهي شفت افراح طبت عيونها ذبلانات بعدها بنومتها وتلم بشعرها باوعتلي وحجت بعصبيه،
افراح:-هاي انتي هم كدام المرايه
راعوث:-اي افراااح يعني شسوي جاي افرش سنوني ما اباوع أصلاً
-اذا ما خليت ابوي يشيلها ما اطلع افراح
-هههههه أصلاً انتي ما تقبلين يشيلها تردين تباوعين بيها بوعتلي بتعب وكالت
-يله خلصي بسرعه راح يوكعن سنونج
-ضحكت وغسلت ورحت نمت بفراشي، كعدت ثاني يوم الصبح طبيت سبحت وبدلت طلعت اطكطك بسنوني وشابكه ايدي ولابسه قمصله بلبيت من البرد رحت ركض كعدت يم الصوبه وارجف باوعت لشمس بطرف عيني واجيت واني اطكط
