الكاتبة: فاطمه علي
#راعوث
صوتو+علقوت بين الفقرات 🤎🦉.
ــــــــــــــــــــــــــــــــــــــــــــــــــــــــــــــــــــــــــــــــــــــ
-طبت تقربت يمي وضربتني بالحزام بقيت
مصدومه حتى ما صرخت من الصدمه
والوجع رجعت تضرب بيه اقوه واني كمت اصرخ لعل وعسى ان يجي واحد يخلصني وهيه تضرب بدون رحمه وتضرب لمن حسيت راح افقد الوعي لزمت بطني حيل وصرخت
راعوث:-عوفيني ابوس ايدججج خااااله حباااابه
راح اموت والله ماعيدها والله ابوس ايدجج
-بعد ماتحمل الكعده نمت بلكاع من الوجع حسيت هاي نهايتي صافنه بالسكف واني ميته وهيه بعدها تضرب اسمع صوت نسرين والباب تندك
نسرين:-عفيه عمه عوفيها طفله ضربيني اليه اني السبب عفتها وكمت عفييه عمه تسمعيني
-كملت ضرب اخر شي تقربت يمي ونزلت المستواي ولزمت وجهي حيل
ايمان:-اسمعيني لججج اطيعيني غصبن عليك وعلى اهلج اليوم مسامحه بس باجر لا باجر اشنقج اعدمج شايفه هاذ الجمال وبياضج اشوها اذا حاولتي تشردين او تضربين احد من ضيوف
راعوث:-باوعتلها بتعب وكره وحقد تفلت بنص وجها
ايمان:-مسحت وجها بيدها وفارت صارت نارر وكامت تضرب اقوه من قبل وتغلط وتفشر وتسب لمن شفت غليلها وطلعت بقيت نايمه بالكاع ولازمه بطني حيل يارب اخذ روحي يارب خلصني تذكرت صوره امي وكعت دمعه من عيني على الكاع وهمست
راعوث:-يا الله
راعوث:-فتحت عيوني اشوف غواش رجعت غمضت واسمع صوت نسرين
نسرين:-راعوث صحيتي حاجيني باعيلي راعوث فتحي عيونج
-احس وجع بكل جسمي فتحت داير ما داير البنات ملزمه بايد نسرين حيل وماهدها
-همست، ايدي
نسرين:-هاي ايدج المكسوره متأذيه مو كلتلج صيري عاقله ماكو مفر من هاذ المكان وحتلو حالوتي راح تنكتلين لا اكثر هسه ادهنها بمرهم
راعوث:-دهنت ايدي بمرهم ولفت شاش جديد باوعت على ملابسي لابسه بجامه وبدي لا لا معقوله يمكن اني لبست بس نسيت حسيت راح يصير شي بعقلي
-اريد اهلي
نسرين:-انتي بعدج اريد اهلي واهلي جم مره اعيد تقبلي حياتج الجديده تردين تنضربين بعد
راعوث:-عفيه طلعيني من هاذه المكان عفيه بس طلعيني وعوفيني وحدي حتلو بشارع بس طلعيني
نسرين:-اسكتي جاهله
راعوث:-كامن البنات فرشن كلنه ونمنه سوه بنفس الغرفه كامت نسرين فرشت وفرشتلي يمها كمت نمت على فراشي غطتني وياهه احس جسمي كله متكسر ماكدر اطخه بيدي اموت وجع ونامت صافنه اباوع عليه صافنه على الساعه تنهد وباوعتلي ابتسمت كامت وحده من البنات طفت الضوه ادنيت يمها
