الكاتبة: فاطمه علي
#راعوث
صوتو+علقوت بين الفقرات 🤎🦉.
ــــــــــــــــــــــــــــــــــــــــــــــــــــــــــــــــــــــــــــــــــــــ
راعوث:-كعدت الساعه بالخمسه اشوف نسرين
يمي فتحت عيوني على وسعهن هاذه كله حلم لا لا
راعوث مو حلم مو حلم وين اهلي كعدت اباوعلهم
ضلمه واشوف نسرين ضربت وجهي بايده حيل
حته اصحه ادنيت لوره كمت ابجي بصوت ناصي
وارجع لوره
افراح:-هاا يمه ها راعوث اسم الله على اسمج يمه
اني افراح يمج شبيج
راعوث:-حضنتها وابجي ضميت راسي بصدرها
رجعت باوعت على الشفتها نسرين طلعت شمس
بقيت بحضن افراح وابجي وهيه تبوس بيه وتسمي
عليه وتهدأني
افراح:-جوعانه اسويلج شي تاكلين عطشانه تردين
مي تغسلين طلعين بره شوي
راعوث:-مخنوكه طلعي وياي بالحوش
افراح:-كمت لبست قمصله اخذت غمصلتها اريد
البسها ما قبلت
راعوث:-محتره عفيه ماريد
افراح:-خاف تبردين وتتمرضين
راعوث:-لا اخذيها وياي اذا بردت البسها
افراح:-طلعت الدنيا فجر هستوها طلعت الشمس
وغيوم سوده العصفور يزقزق فوك بيتنه
كعدت راعوث على الكرسي لمت رجليها لصدرها
وحضنت روحها وصافنه على الكاع كعدت يمها
وحايره احجي وياها بموضوع الناس الي اخذوها لو
لا أردفت هيه بصوت ذبلان
راعوث:-شصار بالانفجار وين جنتي
افراح:-خاف تعبانه بعدين نحجي بهاي السالفه
انسيها يمه
راعوث:-لا احجيلي
افراح:-بس جاوبيني هاي ايدج مين مكسوره
راعوث:-بالانفجار
افراح:-سوده عليه جعلها بيه ولا بيج والله اني
الصارلي مستحيل انساه جنت واكفه اكلب بالملابس
وماهيس الدنيا انكلبت كلاب صوت الصريخ
والعالم مخبوصه وداعت عيونج واني بالي كله يمج
عليه واكع طابوك وافكر بيج راعوث وين وينها
اريد اكوم ادور عليج بس ماكدر اوكف على حيلي
بالانفجار وكع نص الحايط مال المحل الحمدالله
اكو ملابس معلكات فوك صارن عليه بس تأذيت
بضهري وراسي المهم واني غايبه عن الوعي احس
روحي انطق باسمج وبعدها صار ضلام دامس
صحيت لكيت روحي بالمستشفى واخواتي وابوي
حوالي بسرعه كمت من فراشي اصيح راعوث وينها
اباوع ابوي يبجي والشرطه بكل مكان بالمستشفى
كالي ابوي راعوث ما لكيناها واني تخبلت وداعتج
املخ بروحي اودك على راسي واصيح اريدج وكلت
متي رجف صوتي ماصدكت بعدج عايشه احمد
الله سبحانه وتعالى هوه واحد يعرف شصار بيج
يابعد روحي ييمه بقيت لا اكل ولا اشرب ولا انام
عدل كل وقتي على المصلايه ادعي ربي يرجعج
بالسلامه وبابا بالمركز اربعه وعشرين ساعه الشرطه
خبرت جميع المحافضات لان دورنه عليج بغداد
كلها ما لكيناج صار عدهم شك انو واحد خاطفج فـ
خبرو كل المراكز والحمدالله رجعتيلي سالمه احمد
ربي واشكره الف مره انتي سولفيلي شصار
راعوث:-رحت على محل اكسسوارات وصار
الانفجار مادري ناسيه شصار بس اتذكر
فجعت العالم وصرخت الجهال والنسوان الوجع الي
بجسمي صوت الاسعاف بعدها غبت عن الوعي من
صحيت شفت خيمه ونسوان عبال ناس يساعدوني
حجن وياي خفت منهن ردت اشرد ضربتني وحده
وحجت عليه وكالتلي ما طلعين منا لو تموتين
خوفوني وبقيت انزف من الدوره واخذتني
بنيه اسمه نسرين مادري هسه هيه وينها حبابه
اخذتني للحمام يخوف ماينقفل الباب واكلهم مو
طيب لبستني فستان قصير ومفضوح اني ابجي ولا
يهمولي طلعت كعدت بالخيمه تقرب مني رجال
تلمسني بس ضربته وردت اشرد ماكدرت لزموني
وايمان كتلتني لان شردت وتفلت بوجها وزادت
وهسه دورتي تاذيني وانزف هواي من الضرب على
ضهري وبطني نمت بحضن نسرين والصبح اله
نمت واني افكر بيكم وخلتني اركص ونزفت هواي
مادري جم ساعه اركص اخر شي تخربطت ووكعت
واخذتني ايمان للغرفه طب وياي الرجال غزوان
يكمش بيه بسرعه ضربته وشوهت خلقته بدفرات
يخوف اخاف منه
افراح:-صخام الصخمج يا افراح كل هاذه صاير
بيج ومادري ولج من جاي اسمعج كلبي يتكطع
شصار بيج راعوث
راعوث:-مسحت دموعي النزلت، بعدين اجو
الشرطه واخذوني كعد يحجي وياي هاذ الرجال
العملاق العصبي كتله بابا ناصر ومنطقتنه هوه
عرفني مدري شنو ساعدني وجابني الكم
افراح:-والله العظيم مرت علينه فاجعه والله
ليشوفها الواحد لو بعد باقيه جم يوم وماترجعيي لا
والله يمكن اني ميته
راعوث:-شصار بـ ماهر
افراح:-صفنت ثواني، صدك تحجين يا ماهر اني
ويني وينه كرهته اول ماطب علينه اجت المشاكل
ويا
راعوث:-دنكت راسي واني افكر هاذه كله الصار
بسببي تذكرت ابو شوارب اخذت نفس ورفعت راسي
لسمه احس گلبي مقبوض مستحيل اكدر انسه
الصار بسهوله جوعانه بس اكو شي يمنعني اكل
جسمي كله يوجعنينزلت دمعه من عيني وشهكت
افراح لازمه ايدي وما تحجي خلتني ابجي براحتي
بديت ابرد باوعت الافراح عاقجه حواجبها بقهر
من باوعتلها ابتسمت
افراح:-يمه حبيبي شنو هاي الخشم الاحمر لو
الخديدات اروحلهن فدوه اخيتي وبنيتي راعوث
راعوث:-احس داير ماداير شفايفي يحركني كمت
وكامت افراح وياي طبيت غسلت وجعي ونمت
بحضن افراح بقت تسولف وياي ليمن غفيت بحضنها
اكيد ما رتحت بالنومه بقيت اسمع صوت بجي
وطعم الافه لاكلته ويا ابو شوارب جسمي يفزفز
وحده اسمع صوت الساعه الانفجار صوت ايمان
ضحكتها كل هاذ محفور بذاكرتي مستحي انساه.....
يتبع.....
رايكم يهمني 🤎🦉.
بنات صوتن يعني المشاهدات اكثر من التصويت وهاذ نزلته ع مودجن والله اذا لكيت تصويتات هواي انزل باليوم ثنين هاا ولا تنسن تابعني حبيباتي باي♥💋.
