عُقاب :- فتحت عيوني الدنيا بارده ثلج ارجف ملفله باللحاف و عقاب ماهوه يمي احس برد يدخل للغرفه ماكدر افتح عيوني نعسانه
راعوث :- عُقاب
- ما جاوبني فتحت عيوني باوعتله شباج الغرفه مفتوح والبرده مسحوبه والهوى يدخل من الشباج والبرده اطیر و هوی باارد ثلج وهوه كاعد بالكاع يكتب بالدفتر والابتوب مشتغل كدامه طالعه شاشه ورديه وكتابات بالانكليزي وصورة رجال صغيره بالزاويه و عقاب بدون فالينه والدنيا بارده ثلج ومبين من وجها ما يتحاجه
- تربعت وكعدت لافه روحي باللحاف باوعت لساعه بـ 4 كمت واللحاف على كتفي لازمته ورحت اسد الشباج عاط
عُقاب :- عوفي
راعوث :- والعباس بارده
عُقاب :- گلبي حار
راعوث :- اكل ثلج
عُقاب :- جيبيلي
راعوث :- وخرت اللحاف ردت امشي عاط
عُقاب :- لبسي قندرتي جاكيتي
راعوث :- محد كاعد ويعني حتى هاذا لبسي ما يعجبك شوف البجامه شعرضها والقميص ، باوعلي من فوك لجوه ركز بصدري اخذ نفس سحب الهوى كله وزفره
عُقاب :- سدي دكم القميص وبعدين احجي
راعوث :- بسرعه لزمت القميص بدون ماشوف شطالع صفنت عليه ثواني بعد ماعرف اتصرف اخذت جاكيته على الميز وطلعت ركض جنت میته برد بس احتريت كلش وكفت بنص الدرج وباوعت على قميصي مفتوحه الدكم البدايات نصهن
راعوث :- الله ياخذج زينب انشاء الله تموتين
راعوث :- من المستحه كمت ادعي على زينب سديت الدكم ولبست الجاكيت نزلت للمطبخ الكل نايم فتحت الثلاجه ماكو ثلج بس شفت كيمر عرب بللت شفتي رحت غسلت طلعت صمونتين سويت لفتين كيمر عرب وطفيت ضوه المطبخ سديت الباب وصعدت للغرفه ابد ما اندار رحت قدمتله اللفه باوع على اللفه وباوعلي
عُقاب :- الصمون تسمو ثلج ؟
راعوث :- لا بس بارده ماعدكم ثلج سويتلك لفه كيمر عرب طيبه ضوكها
عُقاب:- صدك بويه ؟
راعوث :- دنك يكمل بالاوراق ، والله تجنن ضوكها هيج الگیمر يذوب بحلكك طعمه يجنن ياخذك لغير عالم
عُقاب :- گعدي
راعوث :- كعدت بصفه اباوعله ولازمه منا لفه ومنا لفه ، هاك يله اكل
عُقاب :- بربوگه ما اكل گیمر الصبح
راعوث :- اكلهن اثنيناتهن
عُقاب :- بالعافيه ابني
راعوث :- اكل واباوع على الدفتر واللابتوب باوعلي صفن عليه باوعتله وعضيت من اللفه رجع باوع على الملفات اخذ حسره
