الكاتبة: فاطمه علي
#راعوث
صوتو+علقوت بين الفقرات 🤎🦉.
ــــــــــــــــــــــــــــــــــــــــــــــــــــــــــــــــــــــــــــــــــــــ
ام ماهر:-السلام عليكم شنو نايمين وينكم اندك بالباب وماكو
افراح:-اعتذر خاله مانسمع طابين جوه تفضلن تفضلن
ام ماهر:-زاد فضلج
-طبن النسوان كعدت قدمتلهن الماي وكعدت يمهن
ام ماهر:-خاله انريد نرجع للعماره واجينه نشوفج ونسمع منج الموافقه حتى يجي الولد يشوفج وشوفي ونسمع الموافقه منكم ثنيناتكم
افراح:-سكتت مستحيه شحجي
ام ماهر:-هاا خاله رحتلج فدوه احجي انطيني كلمه والله دخلتي كلبي ولاريد نخسرج بنيه مرتبه واخلاق وحلوه والسان حلو بعد شنريد
-ابتسمت وكلت بخجل، مادري خالله والله مادري
-هههههه لا نشاء الله موافقه
-استحيت حيل كمت بسرعه للمطبخ هنه كامن يسولفن ويتبسبسن سويت جاي ابوي ماهوه طالع دورت فدشي ينوكل ويا الجاي ماكو صحت ابرار
ابرار:-عززززه هاي شبيه والعباس ماطلع روحي راعوث
راعوث:-لو تموتين هيه صاحت باسمج
ابرار:-عفيه رقيه روحي عفيه والله ما اروح اني لو تموتين
شمس:-يا عيب روحن وحده منجن فشله ماريد اني
راعوث:-وليش بالله ماترحين
شمس:-والله ما
راعوث:-سمعت افراح صاحت راعوث
ابرار:-عليج الله رقيه روحي ولزمت ايدها
رقيه:-والقران ما اطلع وخري
راعوث:-فشله النسوان يالله شجاها افراااااح
ابرار:-روحي حبابه ابوس ايدج والله مابيج شي تخبلين عادي اطلعي وكولي السلام عليكم وروحي لافراح
راعوث:-اهمداجن انتي وهذني اخواتج اهمداجن كلجن فاهيات جلوكيات والله اني اعلمجن خلي يرحن النسوان وفتحت الباب بكل قوتي وطبيت كبل ثقه شفت النسوان كاعدات واني كمت ابلع بريكي همست بصوت ناصي
-سلام عليك
-وعليكم السلام هلا حبيبه هلا
-ابتسمت ورحت للمطبخ
-هااا خبصتينه هاا
افراح:-وينجن شنو سالفه ياكلنجن النسوان فشلتني اصيح وارد لوره محد يجي
راعوث:-يستحن الافنديات
-يا وانتي على اساس ما تستحين اجيتي تركضين
