الكاتبة: فاطمه علي
#راعوث
صوتو+علقوت بين الفقرات 🤎🦉.
ــــــــــــــــــــــــــــــــــــــــــــــــــــــــــــــــــــــــــــــــــــــ
راعوث:-كعدت الصبح لكيت افراح تركض وتعدل وتلبس مخابريها راح يجون ثواني بعدني نايمه بفراشي واندك الباب شمس ورقيه راحن للمطبخ هيه وافراح واني وابرار بقينه بالغرفه وبابا استغبلهم طفرت من فراشي وكفت يم الباب اسمعهم اثاوب وبعدني بنومتي بس علمود اسمع صوته وشيحجون ثواني وطبت قدمتلهم ماي وحجه وياهه الولد شلونج هاي السوالف
-عزه والله من يمي حتريت شصاير بافراح هسه
ابرار:-هسه تلكينها عباره عن قطعه حمره وحراره طكتها
راعوث:-هاي لو اني يمكن اكله هلا خويه انسه روحي فتحت السحابه مال البدي الابسته جوه كيمونه ونزعت البدي اهفي بي ورحت للكنتور اطلع ملابس
ابرار:-خايبه شنو هاذه الجسم خدرت
-بدون ما اباوعله ردفت، مبين تحبين هاذ الحجي
-كروري
-شنو يعني هاذه غزل لو شنو اول مره اسمع بي
-ايي جاي اتغزل بيج
اي
-شلون يعني خدرتي
-راعوث
-همم
-كرار كال اريد فد يوم طلعين بدون مايدرون واحد واشوفج اريد اسولف وياج شويه وحتى وراها اجي اخطبج
راعوث:-باوعتلهه باستغراب، وتريدين تروحين
ابرار:-اي عادي والله بس نكعد سوه ونحجي عليج والقران لا تكولين الواحد كلتلج بس الج لان اثق بيج ماتحجين الواحد
راعوث:-مادري ووين تكعدين
ابرار:-مادري كال بس اطلعيلي واني اخذج المكان ونكعد ونسولف
راعوث:-خلي ياخذ اخته او اي واحد ويا والله يـ ابرار اذا رحتي وحق الله افضحج فضيحه واخلي ابوي يجي وراكم ويسحلج من شعرج للبيت
-اني صوجي حجيت
-اذا هوه زلمه خلي يجي يخطبج واكعدو سوه بالحلال وبدون خوف، سكتت ومبين ضاجت
راعوث:-احبج
ابرار:-نجبي بعد ما صيحتي عليه
راعوث:-تكبرين وتنسين
ابرار:-اي اي نجبي والبسي يله مو الدنيه ثلج
-تخاف عليه فديتك
-اموت عليج
-هههه البست البدي وكعدت صافنه اسمع صوتهم بره يحجون وره نص ساعه راحو وطبت افراح واحنه كمزنه هاا شصار احجي حلو طويل كصير ابيض اسمر عنده شوارب
افراح:-باع هذني والله بطرانات ورحت اطلع دشداشه
راعوث:-مبين حلو شو دايخه البنت
افراح:-هههههه يعني ينطلع بي
راعوث:-صلواااات احس وافقت
شمس:-ككللليييششش
افراح:-فشلله ابوي اسكتن
شمس:-فديته المستحي
كامت تضحك افراح وطلعت من الغرفه وافقت افراح عليه وهوه كذالك والحمدالله والشكر بعد مده اجن النسوان جابن المهر والنيشان وتفقو على العقد يسو بالامام عقدو وكملو هاي تفاصيل وكامت تطلع تشتري غراض وتجهز فد مره اخذتني وياها تريد ترجع ملابس كبار عليه ورحنه سوه..
راعوث:-ما قبل يرجع اله تبديل فـ بقت افراح تكلب حسيت بدوخه والمحل خنكه همست الافراح
-راح اطلع انتضرج بره
افراح:-روحي يمه بس مو ترحين بعيد
راعوث:-طلعت بره واحس الم بامعائي
شابكه ايدي وتمشيت شويه وبعيده عن المحل البي افراح وكفت كبال محل من زجاج بي اكسسوارات جاي اباوع عليهن وشفت نفسي بلجامه باوعت على كلاتي الصليب وابتسمت ما اهيس اله نكلبت السماء
على الارض ضلام دامسسسسس ويصه باذاني نايمه بالكاع على بطني خدي متلمس الكاع فتحت عيني علكيف باوعت الدم على ايدي ماحس بوجع كلشي بيه خدران مثل المبنجه غمضت عيوني واردد بسم الله الرحمان الرحيم صوت صريخ اطفال نسوان الدنيه مكلوبه جثث بلكاع كزاز متروسه الكاع صوت بجي ثواني وصار الصوت بعيدددد وصوت وشوشه باذني جسمي كله متكسر الدم ينزل على وجهي غمضت عيوني روحي جاي تطلع على البطيء اشم ريحه حريك كهرباء دخلت الرئتي اسحب النفس وارجع ازفره فتحت عيوني اباوع على الناس تركض مفزوعه بس اشوف الرجلين والتراب والصياح وبجي الاطفال ونسوان وخوف ورعب وموت غمضت عيوني طلع مني كلام بصوت ناصي وحسيته هاذا كلامي الاخير
-اشهد ان لا اله الا الله واشهد ان محمد رسول الله
-واني اسمع ولج يمممممه ابني صلااااااح مااااااتت، جرحه هواي خابرو الاسعاف، وين بتي وين بتي ماتت صارت رماد طلعولي جثه بتي، عفيه وطن يوميه انفجار، ماااتت العالم المن صاااااااااافنين
-كل واحد منهم يحجي شكل وهاذ اليكول روحي هاذه اليكول بتي واختي ومرتي سمعت الاسعاف صوتها عالي حسيتها نهايه العالم وهاذ اخر شي اسمعه واشوفه غمضت عيوني ورخيت جسمي
وغبت عن الوعي.......
يتبع.........
رايكم يهمني🤎🦉.
بنات لاااااا تنسننن تصووووويتت
وتعليقاتتكم الحلوههههه💖✨
