زينب :- خوش لابسه ومعدله ومرتبه راح يخطبوج مره ثانيه
راعوث :- شبيج وين ما اروح تركضين وراي
زينب :- ضايقتج
راعوث :- گلش
- کمت نزعت فالينته شمرتها ورحت ادور بالجنطه شال فد شي احطه على جسمي او غير ملابس باوعتلها صافنه عليه
زينب :- هاي شنو الاثار بصدرج
راعوث :- من اجيت لدنيا هنه عندي
زینب :- متاكده
راعوث :- اممم ، راحت كعدت على الجربايه
زينب :- مثل ما تعرفين عُقاب وفلوسه وبيوته كل بنيه اطخ باله ياخذها تدرين جم بنيه عنده جم وحده اتزوجها وطلكها مثلج ومثل أي وحده غيرج بس اني ابقه الاصل اني الاوله والاخيره اما انتي والباقيات مجرد يتونس بيجن لا تكيفين يسمعج جم كلمه غزل صدكتي وباسج وحضنج كله جذب حتى يخليج تتعلقين بي ويتونس وياج وبعدين يطلكج وتدرين شي اني حامل منه يعني مستحيل يطلكني اله اجيبله ولد واخلي يطلكج اليوم قبل باجر سمعتي لو لا
راعوث :- هديت الجنطه وصفنت عليها احس كلبي نمرد مرد بكلامها ومليون تفكير بالي واتذكر مواقفنه ومن يبوسني وكلامه هاذا كله جذب يضحك عليه ؟ رفعت شعري وره اذاني وباوعتلها بقوه
راعوث :- كملتي؟
زينب :- اي كملت
راعوث :- اشرت بيدي على الباب ، طلعي بكرامتج
- کامت بضوجه وفارت نار لان ما اهتميت طلعت وطبكت الباب حيل رخيت روحي وعيوني انترسن دموع طلعت برموده اسود وطبيت للحمام تذكرت شلون فتح الدوش وفتحته وطبيت جواه صفنت استوعب هيه حامل ومتزوج غيري ومطلكهن ويجي يومي هم ويطلكني اصلاً اني ماريده ليش هيج ضايجه؟ بعد احسن خلي يطلكني واخلص منه زين والبوس والحضن وكلامه ونضراته كلها جذب هيه تستاهله اكثر مني؟ اي خلي يولي هوه وياها هاي صارت غرفتي وحمامي خلي ينام يمها مو يحبها وراح يجيبون ابن الله ياخذه
- شفت ملابسه معلكات اخذتهن كلهن شمرتهن بالكاع وبللتهن عفتهن بالكاع ورحت بدلت وطلعت لابسه صيفي ولا احس البيت حيل دافي عبالك صيف طبيت للغرفه نشفت شعري ومشطته باوعت بالمرايه لشكلي برموده قصیره ضیکه سوده والفالينه شوي عريضه و ربع ردن فتحت الجرارات كله باكيتات جكايره وعلوجه اخذت علج علجته طعمه مو طيب بالدارسين بس بقيت اعلج بي نزلت ماهوه عُقاب
راعوث :- وين عُقاب
فرح :- ااء طلع يروحي خابروو بشغله ضروريه وراح شويه ويجي ، بس راعوث
راعوث :- ها
فرح :- لبسج يعني والله مو قصدي شي بس مادري شكلج هنا سيف جاي وزيد همه مثل اخوتج والله العظيم بس عُقاب والله ما يقبل طلعين بهيج لبس يم الولد
