الكاتبة: فاطمه علي
#راعوث
السلام عليكم شلونكم حبايب طبعاً هاي اول قصه فه لا تنسون التصويت بنات رايكم يهمني
_______________________________________
الكاتبة: فاطمه علي
#راعوث
السلام عليكم شلونكم حبايب طبعاً هاي اول قصه فه لا تنسون التصويت بنات رايكم يهمني
_______________________________________
-ضحكت وغسلت ورحت نمت بفراشي، كعدت ثاني يوم الصبح طبيت سبحت وبدلت وطلعت اطكطك بسنوني وشابكه ايدي ولابسه قمصله بلبيت من البرد رحت ركض كعدت يم الصوبه وارجف باوعت الشمس بطرف عيني وارجف اني اطكطك بسنوني،
شمس:- والله رجال اجه كال ابوكم دزه بيدي
-شابكه ايدي وارجف وصافنه على النار فكرت بابوي خطيه بردان اشوفه كدامي منضر ايده والفطور البيها الي صايره اصلب من الحجر لوعيونه الدمرتها السنين والتعب لونها بلون السمه زرك سبحان السواهن احس بابا بشبابه حيل حلو فدوه رحت الطوله فززتني التفكير صوت
ابرار:-راعوث كومي نروح لحديقه ابو سمير نجيب رمان
راعوث:-اي اي عفيهوالله مشتهيتا طيب الرمان عدهم خرب خصوصا الحامض اويلي عفيه يله
ابرار:-بسرعه كومي لا تسمع افراح
راعوث: كمت بسرعه لزمت ايدها رحنه ضحكاتنه تارسه الشارع صوت رجلينه يطمسن بلحفر الشوارع الي كلها ماي من المطر واباوع بوجه ابرار واضلك
طبينه لحديقه الحجي ابو سمير حديقته حيل حلوه كلشي بيها فواكه وخصوصاً الرماناموت عليه وشكد عنده شجر رمان الكاع كلها طين من المطر رفعت البنطلون وطبيت الجوه وحده تلزم بل ثانيه لانه الطين يزلك ونضحك بدون صوت رحنه على الشجره كمنه نلم بلعلاكه لمينه هوايي انطيت العلاكه لابرار واريد اجيب بعدفوك ما احس اله صوت جلب جاي علينه باوعت منين جاي ابرار عافتني وفلتت واني بعد ماعرف شسوي واجه الجلب عليه واني ركضت اريد اشرد لاي مكان ما حسيت واني واكعه بل طين وكعت بل كاع واباوع وراي صار الجلب قريب ورجليه بعد مايحملني صرخت بعلو صوتي
-يممممممممممممممماه
-واشوف الحجي فاحط من الضحك مدنك وايده على كوع رجله ويضحك والجلب يفتر حوالين رجليه تقرب يمي وكال
ابو سمير:-عمي اذا مو كدها شكو طابات هنا
راعوث:-امانه امانه عمو والله رجلي توجعني عليك الله، لا تكتلني
-يله انتضرها طيب واكتلج
راعوث:-لا عفيه بس خلي الجلب يوخر عفيه والله راح اموت وابليك بيه
-ما تموتين عمي هاذا الجيل الله يستر منه بنات بطول الزرزور يطبن لحديقه رجال وحدهن، عمي تقيرت السنين وصار الصغير يعلم الجبير وينخاف على للجبير اكثر من الصغير
راعوث:-كمت من الطين وملابسي متدمره ورجليه كلها طين، ايد اروح لبيتنه والله بعد ما اطب
-روحي بس المره الثانيه اذا لكيتجن هنا بدون اذن احل الجلب عليجن والله العضيم
راعوث:-هزيت راسي بـ اي وطلعت بلشارع ولكل يباوعلي باستغراب واني امشي بعصبيه واتوعد الابرارسمعت صوت مقرف يهمس
-وين جنتي؟ منو لاعب بيج تعاي اغسلج هاذ الطين
راعوث:-كمت امشي بسرعه عرفته حيدر المجلوب
حيدر:-شبيج تعاي ولج عندي شي اشوفجيا بلبيت،
راعوث:-سرطان سرطان الله ياخذك ويقبض روحك اللذين
راعوث:-ركضت للبيت فتحت الباب وسديتها بوجها حيل رحت دفرت الباب الصاله برجليه وعطت
راعوث:-وينهاااااا النعااااااال حيوااااااانه الفااااهيه
انخرست بمنضر النسوان الكاعدات وافراح تعضلي اشفه من المستحه والتوتر بعد ماعر شسوي اشرت بايدي بمعنه هلوو وكلت بصوت ناصي وعلى بخجل
-شلونجن
يتبع........
رائيكم يهمني: 🦉🤎.
لا تنسنووووون التصوييييييت بنات♡.
