الكاتبة: فاطمه علي
#راعوث
صوتو+علقوت بين الفقرات 🤎🦉.
ــــــــــــــــــــــــــــــــــــــــــــــــــــــــــــــــــــــــــــــــــــــ
راعوث:-كعدت على صوت افراح
افراح:-راعوث يمه اكعدي اكلي مايصير تبقين
بدون اكل ما اكلتيلج شي من اجيتي لهسه يمه
شبيج مصخنه كومي بردي روحج
راعوث:-كعدت عيوني كوه فاتحتهن واحس راسي
ينفجر اذا فتحت أردفت بصوت كله تعب وذبلان،
ما اشتهي ايشي حبابه لا جيبيلي سيره الاكل يمي
روحي تلعب اخاف والله
افراح:-بس ضوكي الاكل مايصير ماتاكلين يابعد
امج لا تموتيني على ايدج ماصدكت ترجعين اكلي
خلي تردلج عافيتج
راعوث:-اتذكر التشريب والشعر دفعتها وركضت
للحمام استفرغت وغسلت وجهي احس الدنيا تفتر
ثكلت اريد اوكع لزمت بالمغسله
-افراح اجت ركض تغسلي وتفرك بايدي طلعتني
لصاله ارجف من البرد كعدت بالكاع وادير وجهي
عن صينيه الاكل جاي يتغدن البنات جابتلي جرجف
لفيت روحي ومدنكه سوتلي لفة كباب ما اكلتهم اشم
ريحه الاكل اريد اموت مادري شصارلي ما اشتهي
ايشي كاره الحياه بس اصفن اكول المن عايشين
ونهايتنه الموت اريد اموت واخلص
افراح:-راعوث
راعوث:-همم
افراح:-شبيج
راعوث:-ما بيه شي بس لا تشوفيني الاكل
افراح:-استغفرالله حرام راعوث
راعوث:-وين بابا
افراح:-بالشغل وكال من وكت اجي وجايب غراض
الراعوث
راعوث:-شنو راح يجيبلي
افراح:-ما ادري ما كلي صدك حبيبتي راعوث هذني
السترتين مال منو والملابس منيلج
راعوث:-الملابس من هذولاك الناس ذبيهن ماريد
اشوفهن والستره مال ابو شوارب
افراح:-يا ابو شوارب
راعوث:-الجابني
افراح:-ها الرائد الله ينطي الخير لكيت بالجيب
باكيت جكاير وميداليه جمجمه وسلاح وبعد مادري
شنو جهاز صغير ماعرفته يجي بابا واسئله
راعوث:-نسيت انطي جاكيته
افراح:-ولج اني نسيت حتى روحي من شفتج والله العظيم تخبلت الله يساعدج يابعد طولي
راعوث:-ادنيت على الحايط وحضنت روحي اباوع
على التلفزيون واتذكر شكله وشواربه وصوته وعيونه
رموشه خشمه طوله عصبيته شراين ايده
راعوث:-اريد اسبح
افراح:-خاف مو زين تتخربط دورتج اكثر
راعوث:-مادري مخنوكه اريد اسبح ارتاح بس
اخاف
