زينب :- لا ماكو شي والله
ابتسام :- شهكت وضربت على صدري ، تحلفين بالللله جذذذذب
عُقاب :- لا تبقين ترادديها فدوه لربح الحلو احجيلي شصاير جاي من الضيم وعدمت اثنين بيدي مبين واحد منكم ناوي يصير الثالث ؟
راعوث :- خطيه روحي حاجي كليله ما ضربتها هيه تأذت من الصار البارحه حبااابه خطيه راح يضربها روحيي فرح حبااابه
ابتسام :- مجاي تسمع مرتك تبجي ضاربتها هاي التنكه ببطنها والبنيه فحطت همزین ما ماتت
فرح :- كمت ركض للمطبخ سمعت ابتسام الحجته و عقاب صار اعصار خزر زينب وفتح عيونه على وسعهن وانفاسه عاليه بدون تفاهم ولا حجه ولا حلف زينب ولا حاجه راعوث تقدم على زینب و زینب طفرت ركضت للحوش وقفلت باب المطبخ من بره وشردت
- عُقاب صار اعصار بعد ما يشوف دربه الباب حديد وبالنص زجاج حيل قوي نوعيته الزجاج دفرها برجليه الزجاج كله تكسر وصار صوت قوي عمتي رجعت لوره ودفعتني وياها عطت بصوت عالي من الخوف صار وحش مو انسان مد ايده وفتح المفتاح ودفر الباب حيل وطلع لبره عرفها بالحمام الي بره راح عليها ودفر الباب
- برجليه وطب عليها طلعنه نركض طبك باب الحمام وصارت الصريخه
- صوت زينب خله جسمي كله يقشعر وارجف ودموعي تنزل من الخوف وابتسام دك على صدرها و وجها وتصيح
ابتسام :- يمه البت راحت يمه سوده بوجهي يمه راح يكتلها على ايده ولج يمه الحكيني سوده بوجهي وين اروح شسوي خابري زید رحتلج فدوه عمه لا تبجين خابري الولد ركضي يمه شسوي اروح لجيران سوده بوجهي شحجاني
- وزينب تصرخ بصوت عالي واسمع الغراض يتكسرن بالحمام عمتي راحت تركض للحمام ادك بالباب تفتحها مقفوله
ابتسام :- يمممه عُقاااااب والقرآن بعد ما تعيدها بس اطلع يمممه بس عوف البنيه احلفك بروح بيبتك العزيزه احلفك بداعت راعوث بس عوفها يمه لا توصخ ايدك بكتلها عقاب يبعد امي وابوي اطلع وعوف البنيه
فرح :- رحت ركض اتصلت على زيد وسيف محد يجاوبني تخبلت وصوت زينب واصل للبيت
راعوث :- من الخوف صعدت للغرفه وكوه صعدت لدرج احس بألم مو طبيعي بطني مثل ألم الامس طبيت للغرفه ختلت بصف الجربايه وحضنت رجليه واسمع صراخ زينب دخل لكلبي الرعب اسمع صراخ الناس بوقت الانفجار والاسعاف كمت ارجف وابد ما ارمش سديت اذاني بايدي حيل حتى ما اسمعها تصرخ واتخيل عُقاب شكد قاسي وجاي يضربها لو شجاي يسويلها
فرح :- طلعت لبره وتلفون على اذاني اتصل على زيد اسمع صوتهم يحجون وهيه تصرخ وتحجي شويه واختفى صوت زينب كلت ماتت هاهيه غسلت ايدي منها
- انفتح الباب وطلع عُقاب عيونه يوجن نار کلهن شراین حمر وبيده لازم حزامه و قميصه والدم يطبع بالكاع ورجليه مختفيه من الدم الي بيها البالي الدم من زينب مادري متأذي بالكزاز طب من باب المطبخ على الكزاز صرخت ابتسام وراه
