بسم الله الرحمن الرحيم
الكاتبة نور الهدى.
لاع تنسو التصويت.
.............................................................
ليان . وراها طلعت تمددت بفراشي بعدها شويه سمعت الباب انفتح دخل سيف كشف الغطا ونام وراي سحبني لحضنه باسني كال
سيف. تأخرت عليج لان جنت يم الزلم وراها تغديت
ليان. لا عادي
بعدها نام بقينا للعصر اندك الباب كال
سيف . يله رايح اسبح وانتي هم كومي
ليان. ماشي
كمت سبحت وغيرت ملابسي الجو بارد شغلت الصوبه وكعدت للعشاء محد اجا ولا عندي تليفون ولا تلفزيون لهيت نفسي ب الاغراض والملابس ارتب بيهم بعدها اجت خالتي ام زوجي وجايبه جاي وياها كعدت وسولفت صبتلي جاي شربته رغم اني مااشربه بس استحيت ارجعه كالتلي
ام زوجي.. خاله شوكت العروس تكوم تشتغل
ليان. احنا عدنا ثالث يوم بس تشوف البيت وتتعرف عليهم وتكعد وياهم
ام زوجي.. خوش
وصدك ثاني يوم كالي سيف
سيف.. كومي سوي ريوك
ليان. تمام
طلعت اريد احد ماكو رجعت كتله
ليان شنو اسوي لك
سيف. بيض
ليان. اسويله واني اكره البيض بس سويته و سويت جاي وخليته جبن فاتت خالتي كالت
خالتي.. صلوات على محمد اليوم ليونه تسوي ريوك
ليان. ابتسمت وجسمي كله يرجف مااعرف شنو من شعور جبت الريوك كالي
سيف.تعاي اكلي وياي
كعدت بس صبيتله جاي وقسمت خبزه شوي ماكدرت اكل كتله
ليان. ماريد هسه ما مشتهيه
سيف. براحتج
كمل اكل وشلت المواعين غسلتهم ورجعت على الغرفه هوه هم رجع وياي كاعد هو يگلب ب جهازه واني كاعده كال
سيف تعالي يمي
ليان. جيت
رحت كعدت يما وبقينا نسولف وراها كال
سيف. اني راح اطلع شويه
ليان تمام
اخذت الملابس وغسلتهم رحت سبحت وغيرت ملابسي صار وقت الصلاه صليت واجتني اخته كالتلي
اخت سيف. تعالي اتغدي
اشلون اطلع والله مستحيه ماكدر اطلع
