بسم الله الرحمن الرحيم..
الكاتبة. نور الهدى
.....................................................................
ليان: بقيت بغرفتي للعصر ما طلعت ولا تغديت جنت ضايجه بوقتها اخذت الموبايل اشوف سيف بلكي اتصل مالكيت لا اتصال ولا رساله طلعت وشفت منظر البيت يلعب النفس رحت توضيت وصليت ورجعت على المطبخ نضفته وبوجهي على الاستقبال والدرج والممر نضفتهم كلهم وبعدها رحت للكراج نضفته حسيت ضهري انكسر كملت تنظيف واخذت ملابس سبحت وبدلات بقيت اقرأ قران اخذني الوقت ما ادري صار المغرب شوي ودخلت خالتي
خالتي: ما تكومين وياي تساعديني اسوي عشا
ليان: ليش خاله شوكت هسه دنيا الليل؟؟
خالتي: حقج ما تدرين
ليان: مو ما ادري بس كملت شغل ودخلت شويه هاي شوفت عينج جاي اقرأ قران وبعد وقت متعودين انصلي ونسوي العشه
عافتني وطلعت احس جسمي كله يرجف من تحجي وياي ما اخذ راحتي مااعرف ليش صليت وطلعت اسوي العشه جان تحجي وياي خالتي
خالتي: اني مو قصدي هيج احجي بس جنت ضايجه واني حاسبتج مثل بنتي لا زعلين مني
ليان: لا عادي خاله ما صار شي؛ اني كل بالي يم سيف لهسه ما متصل هيه راحت يم الولد واني بقيت اجهز بلعشاء كملت واجت زينب اخذته واني رحت غرفتي شويه واجت زهراء حماتي الصغيره
زهراء: ليان تعالي تعشي
ليان: لا حبيبتي ماريد اكلت العصر؛
واني اكول بگلبي العصر خلصتها كرف وتنظيف خوش اكل شلت الموبايل كلت خل اتصل اني اتصلت عليه مارد مره مرتين اجااني صوته نايم
ليان: الو سيف
سيف: هممم
ليان: وين انته
سيف: نايم
ليان: نايم واني انتظرك تتصل شوكت وصلت
سيف: حبيبتي والله وصلت نعسان كلش بس دخلت مكاني نمت
ليان: يله الحمدلله على سلامتك كمل نومتك؛ ماجاني صوته امبين عليه تعبان سديت الاتصال اي الحمدلله مادام وصل شوي وجت خالتي
خالتي: ها خاله سمعتج تحجين وي سيف وصل الدوامه
ليان: اي وصل ونايم هسه
خالتي: اي خوش هو الرجال ماله غير شغله صارت عنده مسؤولية وزواج وانتي لا تبينين اله ضايجه هنه كلهن 12 يوم ويرجع
ليان: وشعندي ويا خليه يداوم بس شفتي بعينج من حاجيته شنو سوا
خالتي: اي عادي الرجال يعصب وكلشي يسوي
ليان: اذا جانت شغله بينه وبين زوجته بس اما يعصب عليه ويحجي عليه بسبب الشغل لا ماقبل لان هاي بقت يمه هوه اذا يريد يشتغل يكعد لان هوه مو صغير واحجي ويا على الشغل رجال فاهم ويعرف مصلحته نفسه؛ جان تكلي
