بسم الله الرحمن الرحيم..
الكاتبة؛ نور الهدى.
°°°°°°°°°°°°°°°°°°°°°°°°°°°°°°°°°°°°°°°°°°°°
ليان: من بعد ما حجتلي زينب صحيح جنت بصدمه لان مجنت ماعرف عنه كلشي بس قررت ابقى ويا وساعده رحت لغرفتي طلعت ملابس، ورحت سبحت وجيت خليت مكياج وشسورت شعري وبقيت اگلب بالموبايل لمن اجا سيف كال
سيف: سويلي عشا جوعان
ليان: هسه اسويلك
بقيت افكر بيني وبين نفسي كلت خل انطيه مجال لمن اكسبه واعرف شلون اتعامل ويا رحت طلعت كبه من الثلاجه وسلطه وخلية فواكه سويت عصير برتقال رتبت الصينيه وأخذتها اله خليتها كدامه جان ياكل وعينه على التلفزيون ابد محجا جبتله مي وخليته يمه كتله
ليان: سيف ماكتلي طيبه الكبه
سيف: اي
ليان: ماكتلي عاشت ايدج؟؟
سيف: مو كتلج طيبه
ليان: ماكتلي!!
سيف: يمكن ما سمعتي
ليان: اي يمكن
أصلاً هوه ماكالي خلص وشلت المواعين غسلتهم ورجعت للغرفة شفته مخلي فراشه بالكاع كلت يله ماراح اكله ليش، خليه براحته بعدها بفتره كال راح اداوم انصدمت من كالي هيج صحيح جان تعامله وياي عادي بس تعودت عليه
سيف: جهزيلي ملابسي
ليان: اي
سيف: وغراضي
ليان: اهناك خليهم
سيف: اي رايح للحلاق تردين شيء،
ليان: لا
سيف: ليان شبيج؟!
ليان: مابيه شي
واني مدنكه راسي احجي ويا بس بس ارفع راسي اشوفه ابجي
سيف: تمام رايح اني
ليان: طلع من الغرفه واني انفجرت بالبجي مااعرف ليش مااعرف شنو شعوري اتجاهه بس ما يريده يروح كمت رتبت ملابسه بالجنطه وخليتله عطره وشغالات الي يحتاجهم رتبت الغرفه واخذت ملابسي ورحت سبحت واحس العبره خانكتني شلون يروح يعني لان تعودت عليه بداخلي اني مو مااريده ليش هيج يصير، بيه هو ما مهتملي بس يحبني اوووووف مااعرف شنو اريد سديت المي ولبست وطلعت نشفت شعري خليت مكياج خفيف شوي ودخل سيف جايب علاليگ
باوعلي وكال
سيف: شبيهم عيونج؟
ليان: مابيهم شي.
سيف: ليش حمر؟؟
ليان: من الكحل
سيف: تعالي شوفي شنو جبتلج
ليان: جان جايب حلويات وجباسه وعصاير وفواكه كال
سيف: هاي الج لان اعرفج تحبينهم
ليان: لميت شفتي الجوه ماريد ابجي كدامه وخلى فلوس بيدي
